السلام عليكم ورحمة الله
يعطيك العافيه على مجهودك ولي استفسار ياخوي
ان شاء الله بعطلة الربيع هذي انا ناوية انزل البحرين وباذن الله عندي عمليه مع دكتورة عندكم باليحرين بمستشفى البحرين التخصصي بالجفير.. وبيكونون معاي عيالي
بنتي وولدي في سن المراهقه ..
بغيت سكن محترم وامان لنا .. وومرتب وابغية لعشرة ايام .. وفي نفس الوقت ما بغية غالي !
واحتمال ابات بالمستشفى كم يوم والعيال بيكونون بروحهم ..
فابغي اتطمن عليهم اما بالسكن بالفندق او بشقه وطبعا ابغيها غرفتين .. وابغي حولهم مطاعم قريبه لان الولد صغير ما يسوق ..
شرايك اخوي العزيز .. ابغي نصيحتك في سكن محترم وسعرة مناسب .. واذا عندك سايق امين تدليني عليه .. وياليت لو ترشح لي جدول حلو لهالعشرة ايام .. لي وللعيال .. علشان ما يتمللون ..
وربي يجزيك الف خير
بانتظار ردك
ملاحظه : "تراني للحين ماحجزت شقه ؟ اخاف مالاقي او مافي وقت "
التعديل الأخير تم بواسطة فارس الشجاع ; 2010-02-09 الساعة 01:36 AM
السلام عليكم ورحمة الله
يعطيك العافيه على مجهودك ولي استفسار ياخوي
ان شاء الله بعطلة الربيع هذي انا ناوية انزل البحرين وباذن الله عندي عمليه مع دكتورة عندكم باليحرين بمستشفى البحرين التخصصي بالجفير.. وبيكونون معاي عيالي
بنتي وولدي في سن المراهقه ..
بغيت سكن محترم وامان لنا .. وومرتب وابغية لعشرة ايام .. وفي نفس الوقت ما بغية غالي !
واحتمال ابات بالمستشفى كم يوم والعيال بيكونون بروحهم ..
فابغي اتطمن عليهم اما بالسكن بالفندق او بشقه وطبعا ابغيها غرفتين .. وابغي حولهم مطاعم قريبه لان الولد صغير ما يسوق ..
شرايك اخوي العزيز .. ابغي نصيحتك في سكن محترم وسعرة مناسب .. واذا عندك سايق امين تدليني عليه .. وياليت لو ترشح لي جدول حلو لهالعشرة ايام .. لي وللعيال .. علشان ما يتمللون ..
وربي يجزيك الف خير
بانتظار ردك
ملاحظه : "تراني للحين ماحجزت شقه ؟ اخاف مالاقي او مافي وقت "
وإذا مرضت فهو يشفين
اتمنتى لك الصحة والعافية
وبالنسبة عن السكن فأنصحك بالسكن في شقق اليت او aaa او رورو للشقق المفروشة
طبعا الشقق اللي اعطوكي عناوينها او اسمائها اعتقد انها الافضل والاقرب من المستشفى
وبالنسبه لارقامهم بعد اذان الادارة
اليت 5 ( 17827300)
اليت 3 ( 17723040 )
تاج بلازا ملاصق لشقق رورو ( 17815815)
هذا الجيد والافضل تقريبا وبالنسبة للمطاعم منطقة الجفير فيها الكثير من المطاعم ما يحتاج ينزلون يبحثزن عنها في حال تم الاولاد بروحهم يقدرون يتصلون على اي مطعم ويوصلهم الاكل الى باب الشقه او انهم ياخذون تاكسي يوصلهم الى المطعم ومن ثم يتفقون معاه يرجعهم .هذا بالنسبة للمطاعم
اما بالنسبة للاماكن اللي يفضل زياتها في البحرين فا اعتقد ان رابط الاخ سندباد كفيل بتويضح كل الاماكن المهم والجميلهة في البحرين وما تحتاج غير تاكسي وافتر .
اقتراحي للسيارة الاتفاق مع سائق تاكسي على سعر يومي مقابل التفرغ التام للعائله وفي ناس واجد ترى تحب ترضى بالقليل وقنوعه واسعارها معقولة تحتاج فقط لمجهود البحث وفي ايضا شركات توفر خدمة السائق باليوميه ولهم اسعارهم وانواع للسيارات .
نتمنى لكم اقامه طيبة ورحلة سعيدة وشفاء عاجل كونو بخير
اعتذر مره اخرى من الاخوان الي ردو على الموضوع قبل واعتذر من الادارة ان كان تصرف بشي غير مسموح فيه بالمنتدى .
كونو بخير.
بوحسن
التعديل الأخير تم بواسطة مغترب ; 2010-02-09 الساعة 03:55 PM
اي شي بالبحرين نقدر علية اكيد ما راح نقصر واولنا اخوي وحبيبي السندباد ولا يهون الجميع
انا بالخدمة لا اي شي بالبحرين واللي الله يقدرني على فعله حتى لو تاخرت شوي
كونو بخير..