النتائج 1 إلى 8 من 8

الموضوع: >>>مساعدة بسيطة<<<

  1. #1
    مسافر جديد
    تاريخ التسجيل
    May 2008
    المشاركات
    7

    >>>مساعدة بسيطة<<<


    أنا الله قدر عللي و بروح ازور الكويت و هاذي مو اول مرةا روح الكويت بس اول مرة اروح بعد عيد الفطر بيومين انا رايح يوم 5 و ابي اسأل عن المسرحيات المكملة بعد يوم 5 و وين موقع المسرح بالظبط لأني مفكر ادخل مسرحية اذا الله راد و أبيكم تعطوني كل المعلومات الله يخليكم لا تقصرون معاي


  2. #2
    خبيرة سفاري الكويت الصورة الرمزية &منى&
    تاريخ التسجيل
    Oct 2006
    المشاركات
    912


    بس في عندك (صرخة الرعب) رعب وكوميديا
    في سينما غرناطة في خيطان
    بطوله عبدالعزيز المسلم .. هبه الدري .. التذاكر تاخذها من عند شباك التذاكر عند باب المدخل

    في مسرحية ثانيه اسمها ( خاربة خاربة ) فكاهية
    على مسرح نقابات العمال في ميدان حولي الارقام 27440881 / 25653731
    بطولة هيا الشعيبي / عبدالرحمن العقل/ طارق العلي


    مسرحية ( الملك المزيف ) غنائيه
    على مسرح نادي القادسيه للحجز 66529799/ 66255909
    بطولة نجوم ستار اكاديمي .. بالاضافه الى زهرة الخرجي / خالد بوصخر ( ستار اكاديمي )/ على السعد
    ريما الشعار / اسماعيل سرور /


    مسرحية ( قرقيعان ) فكاهيه ( ما ادري اذا للحين يعرضونها )
    على مسرح حولي
    بطولة داود حسين / احمد السلمان / على سلطان/ بدر الطيار / احمد العونان / خالد العجيرب
    ياسه / ابراهيم الشيخلي / حسين المهدي
    تليفون 22657224/ 22657221


    مسرحية ( عايلة ستايل ) فكاهية
    من بطولة محمد العجيمي / ولد الديرة / نايف الراشد / أمل العوضي
    على مسرح الشاميه تلفوناتهم / 94444819 / 4845737 مقابل جمعية الشامية


    بالاضافه الى مسرحية ( غزلان وملك الفيران ) غنائية إستعراضيه
    بطولة هدى حسين / هند البلوشي / اسامه الشطي / عبدالله الشطي / عبدالله عباس
    المسرحية تعرض على مسرح مركز تنمية المجتمع في العدان
    تلفوناتهم للحجز : 65504644/ 65504244/ 5421977


    مسرحية ( شاهه ومزنه أختين وبختين )
    بطولة مشاعل الزنكوي / بدرية أحمد / منى عبدالمجيد / غاليه / عبدالعزيز الاسود / بدر الشرقاوي
    للاستفسار / 99195848 / 2533515 .. العنوان غير مذكور في الجرايد الرسميه الرقم بس


    في مسرحية أولى اول
    بطولة الهام الفضاله .. ما عندي معلومات عنها يعني وين وكم الارقام


    في مسرحيات غيرهم بس للاسف ما حصلت عناوينهم لان كنت اشوف لهم اعلانات في التلفزيون بس
    عموما كل مسارح الكويت فيها عروض
    الحجز كله من شباك التذاكر من الموقع نفسه

  3. #3
    مسافر جديد
    تاريخ التسجيل
    May 2008
    المشاركات
    7

    اختي منى بس ابي اعرف الى متى العروض مستمرة

  4. #4
    خبيرة سفاري الكويت الصورة الرمزية &منى&
    تاريخ التسجيل
    Oct 2006
    المشاركات
    912



    المسرحيات هذه مستمر عرضها الى اخر الاسبوع الياي ..

    بس ليه متى الله العالم .. تقدر تتصل على المسرحية اللى تبي تشوفها واهما يفيدونك اكثر

    لانهم هم اللى يحددون على حسب اقبال الجمهور


    وبالنسبه لمسرحية اولى اول .......... بطولة الهام الفضاله وشيماء علي

    هى على مسرح الشهيد فهد الاحمد في الدعية

    تلفونهم 94034012/ 94035012

  5. #5
    مسافر جديد
    تاريخ التسجيل
    May 2008
    المشاركات
    7

    طيب منى تعبتك بس سؤال الى متى مستمر عرض اولى اول يعني لــــــ أي يوم مو قصدي كم ساعة قصدي كم يوم مستمرة و ابي اعرف موقع المسرح بالظبط عشان احجز

  6. #6
    خبيرة سفاري الكويت الصورة الرمزية &منى&
    تاريخ التسجيل
    Oct 2006
    المشاركات
    912


    هي مستمره هالاسبوع كله من اليوم ..
    ويمكن اسبوع ثاني .. بس ما اقدر اخووي افيدك بالضبط متى اخر عرض لان هذا يحددون منتجين العمل
    على حسب الأقبال من الناس يعني اذا فيه ناس تدخل تشوف المسرحيه يستمرون في عرضها فتره اطول والعكس

    الدعيه .. مقابل منطقة الدسمه بينهم شارع
    يعني قريبه جدا من البحر وبنيد القار ..
    من اشارة مطعم (( فرايدز )) على البحر اذا كانت السالميه وراك تدخل من الاشاره يسار
    واذا كانت الابراج وراك تدخل من الاشاره يمين .. بعد في اشاره مقابل الجسر سيده تمشي الدعيه على طووول على يمينك
    الدعيه منطقه صغيره ومرتبه ما تضيع وفيها قطعتين بس وان شاء الله تلقى المسرح بسرعه

  7. #7
    كبار شخصيات سفاري
    تاريخ التسجيل
    Jun 2008
    الدولة
    الــــــعــــــيــــــــون
    المشاركات
    12,692

    ما قصرتي اخت منى

    جهودك دايم مميزة

    الله يعطيك العافية

  8. #8
    كبار شخصيات سفاري الصورة الرمزية almannai01
    تاريخ التسجيل
    Jun 2006
    الدولة
    مملكة البحرين
    المشاركات
    5,027

    كفيتي ووفيتي يا سفيرتنا الشيخه منى

    وبارك الله فيج

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X