السلام عليكم ومساكم الله بالخير
اخواني من مبدا ( حب لاخيك ماتحب لنفسك ) ورغم انها معلومه بسيطه بس حبيت اشاركم فيها
حصلت موقع لحجز الشقق في اوروبا مع الصور والاسعار والضرائب يحسبها لك ويعطيك خاصيه بعد انه بامكانك التواصل مع المالك والميزه الثانيه فيه بعد انه اذا تبي تحجز باليوم اوكيه او اذا حطيت خيار حجز اسبوع يخصم لك مبلغ مايقارب 100 ريال من الحجز لانك تبي حجز اسبوع
الميزه الثالثه والاهم انه الموقع مايحول الفلوس للمالك الا بعد وصولك المحدد للتاريخ واذا تاخرت يتفاهمون معك
واهم حاجه المالك لو قعد يلف ويدور طنشه وارسل للموقع وهم يتفاهمون معه ويعلمونه السنع
للامانه قري تقرير لاحد الاعضاء في موقع اخر بانه تم خصم عليه 100 دولار بعدين المالك مسح حسابه اعتقد والصور وكل شي
بعدها تواصل مع الموقع وطقوا صدورهم له يقول بعد اسبوع المبلغ رجع كامل مانقص ولا هلله
اسعاره جميله لكن مو الكل بعضهم الملاك مبالغين كثير في اسعار شققهم بحكم انها قريبه من ال activity center
وهذا اسمه www.airbnb.com
والموقع الاخر اسمه www.interhome.com
بالنسبه لتقرير احد الاعضاء في موقع اخر يمدحه كثير ومن واقع تجربه
وبالنسبه لي انا دخلت نفس التواريخ في الموقع ولنفسه المدينه ( باريس ان شاء الله ) وحصلت انه الموقع الثاني ارخص من الاول مع انه موقع الشقه في باريس الحي الثامن
والموقع الاول نفس المنطقه بس غاليه بصراحه وحصلت فيه شقه بس اقرب من انها تكون عزبه
خصيت الموقع هذا لعشقي لفرنسا
بالتوفيق للجميع