أولا وثانيا وثالثا وأخيرا أشكر هذا المنتدى الرائع وأشكر أعضاؤه جميعا على كل مساعدة قدموها لي شخصيا ولأي مسافر. جزاكم الله خير الجزاء.
بس معلش من بعد اذنكم بدي أشكر حبيبتي صموته عسولة المنتدى على تعاونها الغير محدود معي فى تنزيل الصور، وللعلم هي شجعتني أنزل التقرير بدون ما تعرف!!!!
اخواني وأخواتي أبنائي وبناتي فى المنتدى قررنا ننزل على الأردن فى الصيف زي كل سنة لزيارة الأهل والأحباب والتمتع بالجو الجميل هناك. بس طبعا كلكم عارفين أنه هاي الزيارات بتكون 99.9% زيارات عائلية وعزايم وطبعا مناسف وورق عنب وملوخية وباميه.
وبالفعل فى كل سفرة ما بنطلع بره عمان الا ماندر واذا طلعنا برضه تكون زيارات إما عائلية او عائلية. وطبعا بتروح الاجازة وبتيجي وماشفنا شى بالبلد، فقلت ليش يعني ما نكتشف بلدنا، الأردن جميل والأجمل أهله أهل النخوة والكرم والشهامة.
ولا أخفيكم سرا أن أبو معن رفيق دربي الله يرضى عليه قرر أنه بين الحين والآخر نطلع على فندق هادىء نستجم فيه ونغير جو. وفعلا طرح فكرة البحر الميت وأنا على طول مجرد أخدت الموافقة ووينك يا عمنا الانترنت، وقعدت أدور ايش فيه أماكن حلوة ومختلفة فى البحر الميت واستقرينا على قضاء يوم وليلة فى فندق كيمبنسكي عشتار البحر الميت Kempinski Hotel Ishtar Dead Sea.
شيكت على الأسعار فى المواقع المختلفة واتصلت بالفندق مباشرة ولقيت نفس الأسعار فقمنا بالحجز مباشرة عن طريق الفندق وكان السعر 190 دولار لليلة واحدة مع الافطار.
وكانت الوسيلة للذهاب هو سيارة خاصة او تاكسي (يكلف 60 دينار تعادل 300 ريال تقريبا) وفى بعض الشركات السياحية تسوي رحلات يومية على البحر الميت بس ما تاخدك للفنادق بس للشاطىء العام.
توكلنا على الله ورحنا بسيارة خاصة ولما وصلنا عند بوابة الفندق تأكدوا أنه لنا حجز فى الفندق قبل الدخول. وحسب اللي عرفته انه ممكن الواحد يروح يستعمل مرافق الفندق خلال النهار بقيمة 40 دينار.
رد مع اقتباس
