موضوع جميل جدا
انا راح اقول رأيي ب ثلاثة فنادق سكنتها مؤخراً بدبي
قبل شهرين
سوفيتيل جميرا سكنته للمره الثانيه
غرفه ديلوكس كينق غير شامل الافطار مطله بالكامل على البحر
السعر كان غالي شوي وقتها الليله ب 1700 ريال
الفندق جميل جدا ورائع وانصح بالسكن فيه للي يحب الازدحام والحيويه لانه على شارع الممشى
خدمه العاملين فيه بطيئه شوي
الفندق الثاني ذا بالاس داون تاون مقابل بحيره دبي مول وبرج خليفه
غرفه ديلوكس مطله على البحيره
فندق نظيف اثاثه فخم العاملين فيه راقين جداً ومحترمين
من اجمل الفنادق الي سكنتها بدبي كلمة رائع قليله بحقه
وانصح الي بيحجز فيه ياخذ غرفه مطله على البحيره والبرج
ولو ارجع ثاني لدبي راح اسكن فيه لو ميزانيتي كانت كويسه
اخذت الغرفه وقتها بسعر 2100 ريال تقريبا لليله الواحده
الفندق الثالث والاخير الميدان نصحني فيه احد الزملاء سكنته بسعر 900 ريال مع الافطار
حجزت فيه ليلتين
الفندق نظيف ومرتب و تعامل العاملين فيه جدا راقي
الغرفه والاثاث والتصميم اعجبني كثير
للي يحب الهدو يصلح له
انا بصراحه ماراح اعيد السكن فيه رغم انه ممتاز
لانه بعيد ولحاله وكانت اطلاله الغرفه على ميدان الخيل
بالليل يكون موحش شوي بالبلكونه لا صوت ولا حركه وظلام دامس اذا انطفأت اكباس الميدان
بس اعتبرها تجربه كويسه
اتمنى اكون افدتكم تحياتي لكم