هل لديك أي إستفسار عن الصين ؟

[الصوت العابر]

مرحبا اختي ..

هذا عنوان المحطة في شنزن ، ممكن تعطينه التاكسي وراح يوصلك إن شاءالله :

南山区蛇口码头

وهذا رابط شركة سياحية صينية ، باللغة الانجليزية ، إن شاءالله يفيدك :

http://english.ctrip.com/


وبالتوفيق ؛؛

[reem1986]

شاكره لك الرد

بس انا بطلع من كوانزوا على مكاو وبعدها من مكاو الى شنزن وفالاخير برجع كوانزوا ومنها رجعتي لبلادي

صح كذا؟

طيب شقول للتاكسي عشان يوديني الميناء عشان اروح مكاو من كوانزوا

وكيف اعرف الاوقات عشان ماتفوتني الرحله

[الصوت العابر]

[align=justify]مرحبا اختي ..

(( للتنبيه )) .. مكاو تعتبر دولة مستقلة عن الصين ، بمعنى إن التأشيرة الصينية اللي في جوازك إذا كانت دخول مرة واحدة (وهذا الغالب للتأشيرات السياحية) فإنه بمجرد خروجك من الصين إلى (هونج كونج) أو (مكاو) ، لن تستطيعين العودة مرة أخرى للصين إلا بعد عمل تأشيرة جديدة ، ولايمكن عملها من (هونج كونج) او (مكاو) إلا في حالات إستثنائية وليست سياحية ..!

لذلك أمامك خيارين :
1- إما أنك تبدأين رحلتك بزيارة مكاو وبعدها الصين (شنزن ثم كوانزو) ، وممكن تغادرين من الصين أو من مكاو في هذه الحالة .
2- أو تبدأين رحلتك من الصين (كوانز مثلا ثم شنزن) وبعدها تغادرين الصين إلى مكاو ، وفي هذه الحالة تكون المغادرة من مكاو إلى بلدك .


وبالتوفيق ؛؛؛[/align]

[reem1986]

يعطيك العافيه على التنبيه انا سويت حسابي وطلعت فيزة دخول الصين مرتين

اذا ممكن تساعدني بخصوص العباره من كوانزوا وين مكانها ؟ قالوا حاليا في قطار من كوانزوا الى مكاو هل هذا صحيح وايش اسم المحطه ووين مكانها وشكرا

[الصوت العابر]

[align=justify]مرحبا اختي ..

في قطار وفي باص ..
لكن إلى مدينة (جوهاي) ، وهي محاذية لمكاو (عند منفذ مكاو) ، يعني على رجلينك تدخلين مكاو

هذا عنوان محطة الباص :

广州省汽车客运站

وهذا عنوان محطة القطار

广州南站

وبالتوفيق ؛؛؛[/align]

[reem1986]

شلون عيل ادخل مكاااو !!!


في تكاسي والا شلون اخاف اروح الحدود واتوهق !!!

[الصوت العابر]

[align=justify]مرحبا اختي ..

انتي اذا وصلتي منفذ جوهاي (حدود الصين مع مكاو) بتدخلين صالة جوازات الصين للمغادرة وبعدها بعدة امتار صالة دخول مكاو ، يعني كأنك داخلة مبنى واحد ، وبمجرد مغادرتك صالة القدوم لمكاو راح تلاقين المكاتب السياحية ومقدمي العروض الترفيهية والفنادق كلهم في استقبالك ..

يعني ماراح تتوهقين إن شاءالله ،،


وبالتوفيق ؛؛؛[/align]

[reem1986]

اشكرك اخوي والله وااااااايد ساعدتني واستفدت منك الله يوفقك ويرزقك بكل خير

[الصوت العابر]

[align=justify]الله يسعدك ..


وإحنا هنا كلنا اخوان ونساعد بعضنا قد مانقدر


وبالتوفيق [/align]

[reem1986]

يعطيك العافيه

ممكن مكتب شحن ثقه فالصين احتاج رقمه ضروري في كوانزوا