صفحة 9 من 16 الأولىالأولى ... 7891011 ... الأخيرةالأخيرة
النتائج 81 إلى 90 من 155

الموضوع: عدستي بصحبة عائلتي... لتوثيق رحلتي... للبلاد الأفرو أوروبية ( جنوب إفريقيا 2012 )

  1. #81
    مسافر فعال
    تاريخ التسجيل
    Jun 2007
    المشاركات
    222





    نكمل معكم حلقتنا الماضية

    ووصول هيرمانوس

    وتحديداً فندقها الجميييييل والأنيق

    Harbour House Hotel




    هذا مبني السكن واللي يسار الصورة مبنى الإستقبال والمطعم والحديقة والمسبح

    وهو يحتوي 18 غرفة فقط

    كل دور فيه 6 غرف

    3 تطل للأمام و 3 للخلف

    بس للأمانة أحجز لو ما تختار كلهم إطلالتهم حلووووه

    بس أحرص ع الدور الثالث أفضل إطلالة وهو الدور الأعلى


    طبعاً حطيت إحداثية الفندق هذا

    وجابني على طريق الكورنيش يوم نشوف الشياب اللي يتصارحون ههههههه

    المهم يوم قربنا شوي الإ العااااالم مجتمعين وعيووونهم وكميراتهم للبحر

    وادخل لشارع الفندق وشارع صغير وقليلة المواقف

    وفيه قبال الفندق مطعم إيضاً فللللل

    وأحط السيارة على موقف مخطط بأصفر ( يعلمنا بسالفته أبوعلي )

    وأنزل بالفوتشر للإستقبال وتدخل تجيب المفاتيح

    قلت أبي أهم شي أوقف سيارتي

    لإني شايف مواقف لهم تحت بالبدروم بس مقفله

    قلت خلاص يروح معك هذا ويفتحلك بوابة الموقف وتجي

    تحصل الأوراق جاهزة والمفاتيح

    واعطيهم جوازي وبطاقتي الإئتمانية وتصورهم وتعطنياهم

    عاد سألت الموظف اللي بيفتحلي الباب قلت هالعالم وش عنننندهم

    قال فيه حيتان قررريبه واصله للشاطئ وتشوفها بعينك...

    وهذي اللي أقولكم يميز هالمدينة ( هيرمانوس )

    إن الحيتان تصل حتى شواطئها وبموسم معين بالسنة

    وحتى شعاراتهم داخل المدينة ونشاطاتهم ( كلها حيتان وصور حيتان )

    ولااااا لهم شعار ثاني بعد ( يموووتون فيه أهل الصيد )

    لهالمدينة شعار طائر ( الكرك ) إذا له إسم ثاني مدري هههههه

    وقفنا سيارتنا ورحت وجبت المفاتيح وساعدنا الموظف بحمل الشنط

    مو كلهن أهم شي شنطة العزبة نبي ( مهيله ) ههههههه

    وصار حجزنا غرفتين منفصلات بس ما بينهم باب !!

    وحده بالوسط ووحده ع الجانب وبالدور الثالث

    تقل طولت القرقر شوي ههههههه

    يالله نعطيكم صور الحين للغرف

    هن تقريباً مثل بعض بالضبط بس يختلفن بالسقف لإن السقف هرمي



































    وهذي إطلالة غرفة وهذيك الإطلالة الثانية

    يعني وحده المجلس ووحدة المقلط هههههههه

    الحين صورت يمين





    وهذي صورة ع اليسار





    وهذي المحروسة قابعه بالمواقف بعد السرعة اللي جتها ههههههه








    هذي رجلين الفندق

    ياولد لايطيح هههههههه

    وبالزاوية اليسرى باب المواقف من تاصل له يفتح اتوماتيك





    دعائية للتيدا خلفهم هههههه





    زاااانت المهيله خل ناخذ فنجال ونصحصح بعد الطريق

    وننزل ونعلمكم وش شفنا...




    وهذي أفياش تقل اختلفت عن الفندق اللي قبل

    يعني أكثر خيارات

    وخاصة آخر واحد يسار أغلب أجهزتنا أم ثنائي وراس اسود

    يجي على طول من دون توصيلة تحديداً مثل ( شاحن الكميرا )





    بعد ما تقهوينا نزلنا تحت على رجولنا بنروح للواجهة البحرية

    وهذي من مميزات الفندق الصراحة

    وبنفس الوقت السرعة ما راحت عبث ههههههههه

    وصلنا بدري وبنستفيد من يوم الوصول


    هذا ممر بجنب الفندق

    يوديك على طوووول للشاطئ





    وهذا البحر قريب للفندق














    إهداء لقلوبك النقية








    وهذولا ما بين معهم كميرا والإ منظار ( دربيل ) لمشاهدة الحيتان





    وهذولا أيضاً

    بس والله يالعجوز ياهي متحمممسة للتصوير

    وجالسه بوضعية إحترافيه ياولد ههههههه

    عاد يوم شفتهن وغيرهين بهالمدينة تذكرت جدتي الله يطول بعمرها على طاعته

    يالله تمشي ومساعدة عكاز وهذولي يتمغطاً ويصورن وحركات ههههههه





    طبعاً الحوت ما يطلع منه الإ القليل وغالباً الذيل

    وأكتفيت بصورتين











    هذا الشاطئ الداخل

    يصل لمسافات قريبه منه الحوت








    وهذي من الحركات ع الكورنيش





    وهذي لوحات تعريفية جميلة











    وهذا اللي عليه العلم

    و ع اليسار الأجزاء اللي تطلع منه خارج الماء











    تدرون وشو هذا

    هذا مسبح فندقنا على جنب هالخط

    تقل ما قف باصات هههههههه





    وهذا الخط اللي يفصل الفندق عن الكورنيش




    وهذي من زاوية ثانية

    على هاللفه مكانه

    والوعد الليلة لتصويره





    بعدها قلنا نروح نتمشى للشارع التجاري وهو قريب أيضاً








    وعدك الليله يا حلوووو





    بعدها رجعنا لإن أغلب المحلات سكرت لإن قبل غياب الشمس تقريباً بساعة يسكرون

    يعني بين الساعة 5 و 6 مساءً





    رجعنا لفندقنا وتحديداً للإستقبال

    نسأله عن عروض رحلات الحيتان

    وما قصر سوا كم إتصال على المكاتب المتخصصه وهم كثير بهيرمانوس

    ويقول تطلع قبل الظهر مع وجبة غداء وتكلفة الشخص حول 600 راند

    طبعاً ما حجزنا لإن من بكرا عندنا مشوار لكيب تاون

    وبنفس الوقت ما راح تشوف أكثر مماشفت ع الشاطئ

    ولو بنجلس يوم ثاني يمكن رحنا ع الرحلة





    صور لما جوار الإستقبال





    وهذا المسبح بالهواء الطلق ومع هالإطلالة الجميلة











    وهذي صورة علوية لفندقنا واللي حوله معلقه عند الإستقبال وصورتها





    وهنا بدأت شمس هيرمانوس بالغروب





    وبالليل طلعت للمسبح ما سكه على تصويرة






















    رجعت للسكن وكانت الكميرا عليه عدسة الفيش اي

    قلت ناخذ كم صورة












    أرجو عدم الـــــرد...

    التعديل الأخير تم بواسطة محيرهم ; 2013-04-07 الساعة 12:33 AM
    سبحان الله وبحمده **** سبحان الله العظيم


    Flickr

  2. #82
    مسافر فعال
    تاريخ التسجيل
    Jun 2007
    المشاركات
    222


    يتبــع...


    أصبحنا وأصبح الملك لله

    أخذت صور وداعية لفندقنا








    فيش منبعج بسبب العدسة هههههههه





    نزلنا تحت للفطور

    وكان فيه جلسات داخلية و خارجية

    اخترنا خارجية وكان وقتها لحالنا

    والفطور بوفية وفيه طلبات خاصة للي يبي يسوونله على مزاجه

    وكان حلو لو خيارات الفطور مو كثيرة بس اللي يسوولك أزين وحار





    ايه تفرج ع السمك بس











    بعدها طلعنا على رجلينا للسوق القريب

    وفيه تقل سوق شعبي جميييل





    عندهم اشغال يدوية إحترافية





    وهالكلاب مدري وش قصتهن ههههه





    وحتى هالسوق الشعبي اللي مبني من الشينكو ( الزنك ) فيه صرافة بعد

    ولااااا حقت استاندرد بنك اللي ما اسحب الإ منها




















    الحوت لازم يكون حااااضر














    هذا الكرك من شعارات هيرمانوس





    بعدها رحت اطلع شرائح من فيديفون

    لإن الأيام الماضية كنت استخدم جوالي السعودي

    فيه مركز رسمي لهم بالسوق وقريب أيضاً على رجليني

    طلبت شريحتين وحده ميكرو حقت آيفون ووحدة عادية

    المطلوب الجواز فقط

    وهذا سعر الشريحة العادية 15 راند والشحن تشحن من عندهم بالمبلغ اللي تبي




    وهذي شريحة الآيفون ب 105 راند فرق كبير




    قالو تبي حول ساعتين عشان تتفعل

    قلت خلاص أروح وأرجع

    رجعنا لفندقنا ورتبنا أغراضنا

    وعملنا التشك آوت

    وتقييمي للفندق

    10 / 10

    وسميته ( فندق العرسان ) ليش مدري ههههههه

    مدري ع الأناقه فيه مدري نظام الغرف مدري الموقع مدري ومدري

    المهم يصلح وبس ههههههه

    ومريتهم وأخذت الشرائح

    وحطينا احداثيات فندقنا بالووتر فرونت بكيب تاون

    وتوكلنا على الله ومشينا

    المسافة حول 120 كم

    وهذا مسار الرحلة








    وهذي صور من الطريق

    اللي يبي حطب ههههههه








    وقبل الوصول لكيب تاون بحول 40 كم

    ونشوف هالمدينة الجميييلة

    وكان الخط ينزل لها نزول

    وآقف دون تردد عشان اصور








    وهذي بعد ما نزلنا ووصلنا للمدينة

    هي تكون يسارنا...











    نوم العوااافي الوعد كيب تاون








    وقفت عند محطة شل

    وبجنب مكينة التعبئة ( طرمبة البانزين ) فيه حق الهواء لي مع عداد

    وطبعاً كعادة المحطات هناك يهتمون عمال المحطة بسيارتك

    من ناحية تنظيف الزجاج ولو فتحت كبوت السيارة من الداخل

    هو على طول يرفع الكبوت ويشيك ع الزيت ويزود ماء المساحات

    وما يطلب منك مقابل أنت عطه ما تجود به نفسك

    وعادي لو شي بسيط ( من فلوسهم الحديد لو 5 راند )





    وهذا سعر لتر البانزين عندهم 11.88 راند

    وأنا عبيت ب 501 راند

    الله يديم الرخص عندناااااا ههههههههه





    دخلنا كيب تاون

    وأحلى إستقبال من هالمسجد









    ووصنا لفندقنا صاحب الشقة ال 5 نجوم

    Waterfront Village





    وطبعاً مبنى الإستقبال بمكان والبنايات السكنية بمكان ولهن بوابة خاصة

    امش ياولد مو للبيع ههههههه





    عملنا التشك إن

    واخذنا مفتاح الشقة

    وصورو الجواز والبطاقة الإئتمانية

    ووصفولنا البوابة حقت الشقق

    نرجع للدوار اللي جينا من عنده وبعدها نلف يمين

    واول دوار نلف يمين أيضاً للبوابة الرئيسية للشقق

    ونعطيهم الأوراق اللي معنا قال وقف هنا وتعال

    وجيت لبوابة الأمن وأخذ معلوماتي وصور اخشيشتي

    قال تدل شقتك قلت لا

    بنايات كثار وين بحصلها

    قال خلاص شوي ونطلب من يوصلك لشقتك

    وما تأخرت جت موظفة قال ممكن أركب قلت أركبي بس إدلينا ههههههه

    ونزلنا للمواقف تحت طبعاً أدوار وكل موقف مرقم برقم الشقق

    وقفنا بالموقف وما قصرت أخذت معنا أغراضنا وللشقة

    الغريب موقف السيارة بالدور 1 والشقة بالدور 0 ههههههه

    أعلمكم وش صار بعد ما رجعت للسيارة

    بس الحين باخذكم فاصل لصور الشقة الجمييييلة جداً

    الشقة عبارة عن غرفتين لكل غرفة حمام تكرمون

    وصالة كبيييرة ومطبخ

    الغرفة الأولى حقت العيال














    شقتنا بالدور 0 أقولكم يعني مطله وبنفس الوقت تقدر تنزل من عندك للممر المائي عندك درج ( وهذي أحلى ميزة )

    وميزة ثانية إن المطل والجلسة كبييييرة

    وميزة ثالثة إن المكان صاد وفيه أشجار كثيفة ومصادات خشبية يعني خذ راحتك ما أحد يشوفك




    وفيه لي ماء بعد للي بيغسل سيارته ههههههه





    وهنا فوق ع اليمين الدرج اللي ينزل للممر المائي

    وبنفس الوقت تقدر تطلع من عنده بإتجاه الووتر فرونت على رجولك











    وهذي الغرفة الثانية


























































    الصالة ويمين غرفة ويسار غرفة

    ومن مميزات هالشقة بعد تدفئة أرضية للصالة والغرف














    نظام توزيع صوتي





    والحين ضبطت المهيله نبي ناخذ كم فنجال

    ونروح على رجولنا للووتر فرونت

    وهذي ميزة إنك تاصل سكنك بدري





    بعد ما تقهويت طلعت ودي أمر السيارة بأخذ غرض منها

    المهم واطلع من الشقة وأروح يمين واحصل مصعد وادخل فيه واتك اللي ينزلك تحت وعيا

    أثري بالدور 0 ههههههه

    وارجع واحصل وحده من حقات التنظيف وحتى حرمه كبيرة

    قلت الشقة هذا رقمها وين سيارتنا قلت تعال معي

    ولنفس المصعد مره نرقى ومره ننزل ومفيش فايدة ههههههه

    ونرجع ونمر من عند شقتنا ونطلع درج عادي لمصعد ثاني

    المهم صلت للسيارة ومدري وشلون رجعت للشقة

    ( بعدين إستوعبت إني بالدور 0 وإذا بغيت السيارة اصعد بالمصعد فوق للدور 1 ) هههههههه

    الله لا يعكسنا...

    والله لايلومني مدام عاملة هالنظافة يا حووول داخت وهي تشتغل عندهم

    وشلون أنا اللي لي ساعات بس هههههه

    ولاااااا ترا مو بس أنا شفت واحد بعد والظاهر من ربعنا يدور بالمواقف واضح اللي مضييييع هههههه

    رجعت الشقة وطلعنا بعدها على رجولنا للووتر فرونت









    شقتنا بالعمارة المقابلة تحت ع اليمين





    طلعنا من الشقة وطبعاً عبارة عن مجموعة بنايات

    ولهم بوابتين الأول اللي دخلنا معها بالسيارة للمواقف

    والثانية مريناها عشان نتطلع منها على رجولنا

    الإ السيارات لها مسارها الواضح واللي على رجولهم إيضاً لهم مسار خاص

    وهو عبارة عن باب لايفتح الإ بكرت شقتك وإذا دخلت كذالك

    يعني تنظيم مااااا فيه واللي يبي يسير علي لازم يقولي ادخله ههههههه








    وهذا من أشهر معالم الووتر فرونت بكيب تاون

    مبني من صنادق الكوكاكولا البلاستيكية





    أول برنامج لنا مرينا العجلة الكبيرة

    قلنا نركب فيها عشان نشوف كل المعالم اللي حولنا

    وعندهم عرض عائلي تقريباً ب 120 راند





    مشاهدات من الأعلى





    مول فكتوري

























    اللي بأول الصورة من تحت فندق فكتوري

    يعتبر بقلب الووتر فرونت





    نزلنا تحت

    وشفنا المعلم الثاني من معالم الووتر فرونت

    هالرجل البرونزي وحركاته التجميدية لجلب المال





    دخلنا مول فكتوري

















    وهذا مطعم هندي بنفس المول





    وهذي العجلة من المعالم المشهورة أيضاً








    بعدها مرينا سوبرماركت كبيرة وأخذنا اغراضنا

    وقابلت واحد جنوب إفريقي

    هو اللي يوم شافني سلم علي وتبين إنه مسلم

    وكان يسألني عن العيد بتعيد هنا

    لأن عيد الأضحى كان بعد بكرا

    قلت نعم ووين صلاة العيد قال تقريباً كل الجوامع يصلون العيد

    قلت أبي واحد كبير عطني إسمه وأنا ابحثة بجهاز الجي بي إس ( القارمن )

    عطاني الإسم وودعته...

    والله يجعلنا كمسلمين دائماً نفرح بشوفة بعضنا بالدول الغربية

    طلعنا من الووتر فرونت لشقتنا وكان الوقت حول العشاء

    والحمدلله الوضع زين وغير مريب





    وصلنا شقتنا وضبطنا عشانا






    إلى هنا نصل لنهاية حلقتنا

    وعلى موعد بإذن الله

    بيومياتنا بالمدينة الأشهر بجنوب إفريقيا

    كيب تاون



    دمتم بحفظ الله

  3. #83
    كبار شخصيات سفاري الصورة الرمزية .ندى.
    تاريخ التسجيل
    Aug 2010
    الدولة
    فلســـــ Nablus ـــــطين
    المشاركات
    2,378

    وانا اعطيك 100% على هالجزء الراااائع جداااا
    اعجبتني البلد كثير كثير ,,
    تسلم اخي وربي يحفظلك عيالك .منورين التقرير الله يحميهم ,,

  4. #84
    مسافر جديد
    تاريخ التسجيل
    Feb 2013
    المشاركات
    19

    جزء جمييييييل
    بس كنت متوقعه رؤيه اجمل من كذا للحيتان

    اجل مايحتاج ابات في الهيرمانوس نصيحتك ناخذ رحلة لمشاهدة الحيتااان ؟

    عندي سؤال بخصوص طيران كولولا امس حاولت احجز من جوهانسبيرج الى جورج
    بعدين وقفت لان الوزن المسموح ماظهر لي واتشككت هذا السعر شامل 20 كيلوا للشخص كما اخبرتني؟؟

  5. #85
    كبار شخصيات سفاري الصورة الرمزية bu shaab
    تاريخ التسجيل
    Jan 2011
    الدولة
    الدوحه - قطر
    المشاركات
    11,889


    خيال بخيال ثم خيال وبالفعل ما تابعته سحر وخيال
    وسبحان الله انه واقع وحاصل مع ابو تميم (( محيرهم )) ..

    بارك الله فيك وبمجهودك الطيب والاكثر من رائع

    جولة الهليكوبتر ................. اروع من الروعه
    حتى اختيارك للوقت .. بصراحه راائع فلن تحتاج اكثر
    وكذلك السعر ..
    اما الصور حدث ولا حرج ... شيء بل عفوا عمل اكثر من رائع

    كما صور المسبح التي اذهلتني من روعتها بالجزء الاخير
    كما حال الفندق وترتيبه ونظافته وموقعه ..

    اخي الكريم .. اشكرك من اعماق قلبي على هذا العمل
    والجهد المتواصل بهذا التقرير المتميز عن جنوب افريقيا

    كل الشكر والتقدير لشخصك الكريم

  6. #86
    كبار شخصيات سفاري
    تاريخ التسجيل
    Sep 2012
    المشاركات
    2,150

    يما عبدالله ممكن أسألك سؤال: أنا وين كنت كل هالمدة؟ ليش ما شفت تقريرك من أول لحظة؟ ليش ليش ليش

    احتراف مين يا عم هذا اسمه ابداع بسم الله ماشاء الله لاقوة الا بالله ابداع فى ابداع Creativity (يلا ترجمها) ماشاء الله يما عبدالله عينك حلوة تخلينا نشوف كل شى حلو. الله يحميك وواضح انه مدامتك حبيبتي الله يرضى عليها شطورة كمان بالتصوير. تحياتي لها

    المهم نرجع لموضوعنا، ممكن تحطلنا تفاصيل أكثر مثلا سعر الليلة بالفنادق كم، كم تحتاح مصروف يومي تقريبي، وين السوق؟ انت عارف احنا الستات نموت فى السوق.

    جزاك الله كل خير وبارك فيك وفى عائلتك الجميلة وشكرا جزيلا على الموضوع الرائع

    بالتوفيق والسعادة أدعو لكم

    خالة ام معن

  7. #87
    مسافر مشارك
    تاريخ التسجيل
    Mar 2013
    المشاركات
    103

    متعه لاتوصف

    ياليتنئ شفت التقرير قبل

    بس الحمدلله ع كل حال

    ننتظر بقية التقرير ع احر من الجمر

  8. #88
    مسافر جديد
    تاريخ التسجيل
    Feb 2013
    المشاركات
    19

    ابشرك اتممنا حجوزاتنا كلها ولله الحمد السفر يوم 5/ مايو عالسعوديه
    نصائحك لنا
    رأيك بطريقة الصرف ناخذ كل المبلغ دولارات او ماناخذ شي ونتعامل بالبطاقات ؟؟
    اعلىمبلغ ممكن سحبه بالبطاقه حالي كم؟؟؟
    استئجار السيارة يقبل الماستر كارد؟ هل اكييييد مايحتاجالرخصه الدوليه ولا نطلعها احتياط؟؟
    طيران كولولا كأني قرأت فالموقع شنطه وحده لكل شخص ومالقيت تحديد للوزن بس انت اخبرتنا انه 20 اجل لو انا مقسمه الوزن المسموح فكذا شنطه مابيسمحوا لنا ؟
    طيب هل يسمحوا بادخال شي معنا الطائرة اقصد شنط صغيره
    وعندي كرسي سيارة لبنتي هذا كيف بيحسبوه؟؟

    جارمن نوفي 50 بشتريه ان شاء الله هذا الاسبوع لقيناه بحدود550 فاضي ماعليه أي خرائط

    كيف ممكن احصل على خريطه جنوب افريقيا 2013 وانت كيف حصلت عليها وهل تحميلها سهل؟
    ماقابلتك مشاكل باستخدام الجارمن؟؟
    هل يحدد لك مواقع ساهر؟؟

    والشكر موصول لك مسبقا..

    سؤال اخيييير فنظرك أي ارخص حجز الفندق ةانا هناك مباشره ام بوكينج؟؟
    التعديل الأخير تم بواسطة برلنتي* ; 2013-04-15 الساعة 05:32 AM

  9. #89
    مسافر فعال
    تاريخ التسجيل
    Jun 2007
    المشاركات
    222

    اقتباس المشاركة الأصلية كتبت بواسطة .ندى. مشاهدة المشاركة
    وانا اعطيك 100% على هالجزء الراااائع جداااا
    اعجبتني البلد كثير كثير ,,
    تسلم اخي وربي يحفظلك عيالك .منورين التقرير الله يحميهم ,,
    الأروووووع مرورك

    ومن ذووووقك

    واللهم آمين

    الله يجزاك الجنة

  10. #90
    كبار شخصيات سفاري الصورة الرمزية Abu Samer
    تاريخ التسجيل
    May 2007
    الدولة
    ينبع
    المشاركات
    5,503

    اخوي محيرهم والله انك حيرتني بجمال الصور ...؟

    حقيقة جمال البحر والحوت والفندق حقيقة علي مستوي عالي جدا

    فعلا ..كل ما جنوب افريقيا تزداد محبة بقلبي وشوقاً لزيارتها

    وتقريرك موسوعة ومرجع لي إن شاء الله

    تقبل تحياتي وتقديري

    اخوك ابو سامر

صفحة 9 من 16 الأولىالأولى ... 7891011 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X