صفحة 14 من 16 الأولىالأولى ... 41213141516 الأخيرةالأخيرة
النتائج 131 إلى 140 من 155

الموضوع: عدستي بصحبة عائلتي... لتوثيق رحلتي... للبلاد الأفرو أوروبية ( جنوب إفريقيا 2012 )

  1. #131
    مسافر فعال
    تاريخ التسجيل
    Jun 2007
    المشاركات
    222





    نكمل معكم حلقتنا

    واللي قلت قبل وداعية لكيب تاون

    ونودع شقتنا الجميييلة

    اللي اقيمها 9 / 10

    لإنها تفتقد لخدمة الواي فاي

    قمنا الصبح أفطرنا وشلنا الأغراض

    ومشينا للمطار

    وهذي احداثية تسليم السيارة

    بمطار كيب تاون

    على التنسيق التالي

    h ddd mm.mmm

    S 33 58.214

    E018 35.618


    يوم وصلنا الإ الموظفة

    تقول وين أوراق السيارة

    دور ياولد دور ما فيش

    وتززززعل قلت عاد هذا اللي عندي

    وتراي اول مره اجي هنا ومن هالكلام

    قالت قووو قووو

    قالت يالله بآمان الله

    وميزتهم هناك إذا سلمت السيارة

    تكون عندهم عربات جاهزة

    وناخذ اغراضنا وندخل داخل المطار

    وتوجهنا لكونتر طيران

    مانغو

    وحاجزين عليها من كيب تاون لجوهانسبرغ


    بسعر4050 راند للجميع

    وهي رحلتنا الأولى لهذا اليوم

    وباقي رحلة ثانية أيضاً









    ورحنا نطلع البوردنق من هالأجهزة

    ذات الخدمة الذاتية








    سلمنا الشنط وكان عندنا وزن زائد

    تقريباً 10 كج ودفعت عليه 300 راند

    وهذا ذيل طيارتنا المصون






    جازتلي هالأفياش بالأرض حاطينها





    نتفرج ع المدرج قبل الرحلة










    نزلنا لطيارتنا

    وكانت مقاعدنا بالخلف

    وخلو لنا مسار لحال وباب ثاني









    يازين شكلها ولونها

    ملينا من الأبيض






    حلقت بنا الطائرة بإتجاه

    جوهانسبرغ

    وصلنا بعد ساعتين وشوي تقريباً

    الطيران جمييييل

    وطبعاً فل لإن هالمدينتين وجهتنين اساسيتين

    وأي خدمات داخلها بمقابل مالي

    وصلنا بالسلامة

    واستلمنا الشنط

    ويالله لكونتر الرحلة الثانية

    ع الخطوط الرسمية الجنوب إفريقية


    بسعر 4930 راند للجميع

    وكانت الرحلة باقي عليها حول ساعتين

    والكاونتر فاااااضي

    سلمنا الشنط

    وأيضاً دفعنا قيمة ال 10 كج الزائدة

    بس أقل بشوي عند خطوط مانغو تقريباً دفعت 290 راند

    لإن الخطوط هناك

    لكل شخص 20 كج

    والطفل أيضاً 20 كج

    والرضيع 10 كج


    مر الوقت سريعاً داخل المطار





    وهذي الرحلات الداخلية

    وحنا رحلتنا الأولي

    للوجهه اللي قلتلكم غير معتاده للخليجيين والعرب ( مهضومه سياحياً )

    من وجهة نظري الشخصية






    وهذي شاشة رحلتنا الخاصة لها


    هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 661x496 .



    وهذي طيارتنا ( والله ياهي صغيييرة ) ما عمري ركبت مثلها

    وأنا زعلان على طيارات القصيم الرياض

    اثرهن بحل






    اللي لاحظت

    أكثر اللي معنا

    من الجنسية الفرنسية !!




    أقلعت بنا الطائرة

    لوجهة جديدة لنا داخل

    الدولة السياحية الراااائعة

    ( جنوب إفريقيا )

    وداعاً جوهانسبرغ

    هذي ثاني مره ننزل بمطارها وما ندخلها ونزورها

    بس لنا لقاء فيها قريباً...














    قدمو لنا على متن الطائرة

    عصير و شبس مجاناً

    يعني هي اللي تقدم مجاناً

    بس تذاكرها أغلى

    و مدة الرحلة حول ساعة أو أقل




    طبعاً لازم نتأكد حلال والإ لا




    شعار حلال واضح وفيه أيضاً كتابة عربية


    إقتربنا لسحر طبيعة آآآآآخر











    يوم شفت إن الطيارة صغيرة

    قلت خل نمووون شوي

    وقلت للمضيفه نبي صور مع الكابتن

    قالت خلاص بس إنتظر لما ينزلون الجميع

    قلت مفيش مشكلة...


    وهذي الكراسي فاااااضية







    هذا الكابتن والمساعد









    شكرتهم ونزلنا

    يااااااازين المطار صغير

    وله طابع إفريقي بحت

    من تصميمه اللي يوحي كأنه أكواخ إفريقية قديمة






    وهذي طيارتنا نودعها

    ويازين سلالمهم


    هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 661x496 .














    واااااااااو يالأجواء اللي إستقبلتنا






























    هنااااااا نقف

    عند موقف فيه من الصعوبه ما فيه

    وهو الموقف الثاني لهذا اليوم بعد ضياع أوراق تسليم سيارة كيب تاون

    دخلت طبعاً ما فيه احد عند تسليم الشنط

    العالم مشت زماااان

    الإ المدام تنتظرنا والموظفين موجودين وحاطين الشنط بالعربات

    الإ أنتبه بعد ما شفت الشنط

    شنطة المحمول وينهاااااا

    بالطيارة بالطيارة

    وهاتك ركض ياولد

    وصلت للطيارة استغربو وش عنده هذا الشرطة اللي تحت

    قلت شنطة محمولي مانزلتها من الطيارة

    قالو تعرف رقم المقعد قلت نعم واعطيهم

    ويروحون يبحثون ويرجعون ما فيه شي !!!!

    قلت بدور بنفسي قالو خلاص تعال

    طلعت الطيارة الإ فل ما شاء الله

    يعني بتمشي

    واروح مع المضيفة لمقعدي الإ اللي جالس بمكاني قال شفت شنطة لاب توب

    قلت ايه ايه واثر العالم حاطين عليها شنطهم

    واطلعها وارتااااااح

    لإن فيها شي مهم أيضاً

    اللي هو ( القارمن ) حبيب القلب

    الصراحة زعلت ع المظيفة من كبر الطيارة ما تشيك عليها !!!

    رجعت لداخل المطار

    وعلى طول لمكتب فيرست

    لإستلام السيارة





    وهذا مكتبهم


    هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 661x496 .



    وللأسف مثل مطار جورج

    لايوجد مصلى فيه





    وطرازة من الداخل جمييييل ومو كبير


    استلمت السيارة

    وصلينا بالمواقف

    وهي شبه فاااااضيه خلاص العالم مشت زمان

    وفيه شي ودي انبه عليه

    أنا جاي من أقصى جنوب جنوب إفريقيا من كيب تاون

    ورايح لشمالها

    وهذا فيه تغير كبير بالوقت

    وكانت الشمس تغرب قبل كيب تاون بوقت كثير

    وكنت مآجل الصلاة لجمع تأخير


    صلينا

    ومشينا آخر العصر

    وين...



    أرجو عدم الرد...


    سبحان الله وبحمده **** سبحان الله العظيم


    Flickr

  2. #132
    مسافر فعال
    تاريخ التسجيل
    Jun 2007
    المشاركات
    222

    يتبع...

    ( فيه نقطة ودي أنوه عنها إن فيه رحلة دايركت من كيب تاون لمطار نيلسبريت بس ما حصلنا عليها حجز )
    وطبعاً أغلى ( الرحلتين اللي جيت معهم أرخص )



    وقبل أقولكم وين

    خل ناخذ بعض المعلومات عن الوجهة الجديدة

    مبومالانجا

    إحدى محافظات جنوب أفريقيا، حيث تم تشكيلها في عام 1994م وتنقسم إلى 17 بلدية.
















    العاصمة


    نيلسبرويت

    مدينة في شمال جنوب أفريقيا وعاصمة محافظة مبومالانجا، طبقاً لإحصاء 2001 يبلغ عدد سكان المدينة 221,474 نسمة.


    للإستزادة


    http://ar.db-city.com/%D8%AC%D9%86%D9%88%D8%A8-%D8%A5%D9%81%D8%B1%D9%8A%D9%82%D9%8A%D8%A7--%D9%85%D8%A8%D9%88%D9%85%D8%A7%D9%84%D8%A7%D9%86%D 8%AC%D8%A7


    طبعاً تضم أكبر محمية في العالم
    Kruger National Park
    التي تندرج تحت

    حديقة ليمبوبو الكبرى العابرة للحدود

    التي تبلغ مساحتها 35000 كيلو مترًا مربعًا حديقة السلام التي هي في طور التشكيل. سوف تصل الحديقة بين حديقة ليمبوبو الوطنية (Limpopo National Park) (المعروفة رسميًا باسم كوتادا 16) في موزمبيق (Mozambique)، وحديقة كروجر الوطنية (Kruger National Park) في جنوب إفريقيا (South Africa)، وحديقة جوناريزو الوطنية (Gonarezhou National Park)، ومحمية مانجينيجي بان (Manjinji Pan Sanctuary)، ومنطقة السفاري ماليبيتي (Malipati Safari Area) في زيمبابوي (Zimbabwe)، بالإضافة إلى المنطقة التي تقع بين كروجر (Kruger) وغوناريزو (Gonarezhou)، وأرض السينغوي (Sengwe) الجماعية في زيمبابوي (Zimbabwe)، ومنطقة ماكوليكي (Makuleke) في جنوب إفريقيا (South Africa).


    واسم Kruger مربوط حتى بمطارهم


    نرجع الآن لسيارتنا بعد استلمها
    وتشغيل القارمن
    وكنت مخزن مكان السكن
    اللي هو من إختيار حبيب قلبي ابوالعصافير
    وللحين يابوهاشم ما راح أقيم السكن
    الإ بالنهاية خلك على أعصابك
    يمكن أدعي عليك


    حطيت الإحداثية

    على التنسيق التالي

    h ddd mm.mmm


    S 25 02.491
    E031 08.157


    منتجع

    KRUGER PARK LODGE
    لهم موقع خاص
    وفيه موقع تابع لهم أيضاً
    وهو اللي تم الحجز عن طريقة
    http://www.cambalala.com/


    طلعنا من المطار
    ووش تشوف بعد شبك المطار الأول





    معقوووول



    اخطم يا حبيبي اخطم
    ما احد يقولك شي










    كانن حول دوار بجنب المطار
    واصلنا المسير وكان الوقت آآآآخر العصر قبل الغروب بقليل
    والقارمن معطينا المسافة حول 70 كم
    لإن المنتجع بمدينة هازفيو
    والمطار بعاصمة مبومالانجا نليسبريت










    خلاص مو وقت تصوير
    اددددعس بس
    والسيارة ما شاء الله جدييييدة
    وصلنا للبوابة بعد المغرب بوقت
    قال عندكم حجز قلت نعم وكنت مصور الحجز تصوير بشاشة الآيباد
    ما طبعته ورقي
    قال طيب خذ هالقائمة وابحث عن إسمك
    الإ هذا أسمي يعني كان بإنتظارنا
    ويجي يعبي استكر عنده للسيارة ورقمها ويحطه ع الزجاج الأمامي
    عشان نطلع وندخل عادي
    يعني مفيش دخول لغير السكان الإ يمكن بشروط الله أعلم
    دخلنا ومرينا بوابة ثانية
    واستمرينا للإستقبال
    وريته بالآيباد الحجز
    وطلع الأوراق أوقع عليهن
    ويعطيني المفاتيح
    وقلت ما فيه موظف يروح معي قال لا
    يمكن عشان الوقت نص المغرب أو حول العشاء
    ويطلع خريطة وقلم عريض أزرق ويرسم خط من الإستقبال لمكان فلتنا
    قال أمش على الخط وكل الطرق لهن أسماء
    بسم الله مشينا وشوي شوي
    وما فيه احد بالطرق يعني عادي تعديت شي دق ريوووس
    وصلنا بحمدلله والمكان هدوووووووء

    ونزلت الأغراض
    وقلت مو وقت تصوير للسكن
    من الصبح طالعين من كيب تاون وطيارتين وسيارة لما وصلنا السكن
    تعشينا ونمنا

    ومن بكرا الصبح

    صورتلكم السكن

    غرفة نوم سريرين مفصولات








    وهذي دورة المياة تكرمون الخاصة بهالغرفة








    غرفة نوم بسرير مزدوج





    ولها إطلالة خاصة ع البحيرة وباب يطلع لها





    وهذي دورة المياة الخاصة بها تكرمون








    وهذا الموزع بين الغرفتين





    وهذي الصالة والمطبخ








    المطبخ والأغراض الكاملة








    وهذا الدرج يصعد للدور الثاني





    الدور الثاني كبير

    وفيه سريرين مفصولات وسريرين فوق بعض وسرير اطفال صغير














    وهذا كرسي عريض يصلح سرير

    وتحته سرير تسحبه سحب

    يعني كم بالفلة من سرير





    وهذي الإطلالة العلوية





    واللي تحت حوشنا












    وهذا ملصق تحذيري ع الباب اللي يطلع للحوش

    يمكن يدخل قرود والإ طيور





    فتحنا الباب الخاص للإطلاله ويظهر الباب الثاني الصغير اللي يطلع من غرفة النوم ذات السرير المزدوج














    هنا تبين الجلسة اللي فوق واللي تحت والمكان المخصص للشواء





    كل الصور كانت قبل الفطور لعيوونكم نغطي لكم البيت من الداخل





    افطرنا وطلعنا

    وهذي المحروسه واقفه تحت المضله

    وواضح رقم الفله 234





    وهذا بابنا وسكرناه






    مشينا وقلنا نمر الإستقبال ونشوف المنشورات اللي عندهم














    وهذا الموظف اللي امس المغرب استقبلنا





    قلتله من البارح للحين وأنت هنا








    وحصلنا داخل عندهم موظفة خاصة لعمل الحجوزات

    لأي مزار سياحي تريد

    وهذي خدمة من عندهم دون مقابل

    ولها مكتب بس ما صورتها

    طبعاً أخذت من الإستقبال خريطة كبيييرة وممتازة فيها المناطق وصور المزارات

    بمبلغ 30 راند تقريباً

    طلعنا وعندنا كم مزار لهذا اليوم


    وهذي غزلان تتمشى وسط هالمنتجع يازين من تعشى على واحد





    وفيه ملاعب قولف منتشره داخله





    هذي البوابة الأولى





    وهذي البوابة الثانية للخروج والدخول








    حطيت احداثية تأجير الخيول بسابي

    على التنسيق التالي

    h ddd mm.mmm

    S 25 06.067
    E030 45.649


    وبعد هالإحداثية ب 100 م تقريباً تطلع يمين جهة شلال وواضحه اللوحة








    طبعاً هذي الطريق بين هازفيو و سابي

    واشوف يسار لوحة لحديقة فيله





    وهذا الإحتطاب عندهم

    شكله منظم وتجاري






    أرجو عدم الرد...

  3. #133
    مسافر فعال
    تاريخ التسجيل
    Jun 2007
    المشاركات
    222

    يتبع...

    وصلنا لمكان خيول سابي ولكن...





    ما فيه أحد ولا فيه خيول ولا شي

    شكلهم قفلو هالشغله

    يالله بالأمر خيره

    وأقولكم الشلال بعده ع اليمين واضح طريقه

    لو اغلب الطريق ترابي بس مقبول

    هذا هو من بعيد ويبدو خفيييف





    حصلنا واحد ياخذ رسوم للمشاهدة

    وكانت الرسوم 5 راند فقط

    وقفت السيارة ورحت مشي للشلال








    نصبنا الكميرا عنده

    وأنا قلي شووووق لتصوير الشلالات














    صورت ورجعت







    قليل الموجودين

    والمضلات تحتها باعه منحوتات وأشياء حرفيه








    طلعنا ووجهتنا تجمع المياه

    وبالطريق لفت إنتباهي لوحة شلال ما شفتها قبل بالتقارير

    وأرجع ياوووولد ما سكه اليوم على شلالات ما صورت شي





    وهذي إحداثيته

    على التنسيق التالي

    h ddd mm.mmm

    S 25 00.104
    E030 49.199

    وكان الرسوم 10 راند














    صورة عكس اتجاه الشلال

    ونفس الطريقة المضله تحته باعه

    وحوالينها أيضاً

    يعني كثييير المتواجدين هناك يبيعون

    أخذنا من عندهم فرشه جمييييلة








    الطريق مشي بس مو بعيد

    والشمس فيها حرارة








    وصلنا الشلال ولكن...





    شبك وطويل وشلون أصور !!!

    وفيه واحد قبلي شكلها محتار وأخد أي صور ومشى

    والشلال لابد له من استخدام الترايبود





    بعدها جت ببالي فكرة

    وهي إنزال الكام من ورا الشبك

    عن طريق ربطة العنق

    والإمساك فيها وربطها بالترايبود بالوضع الطولي

    والحمدلله ضبطت الطريقة وفيها مجازفة لو تطيح الكام ( ودعها خلاص )





    والحمدلله طلعنا بنيجة بعد هالفكرة








    رجعنا بعدها للسيارة

    وهذولا الباعه اللي اقولكم





    فن في فن





    طلعنا وتوجهنا لتجمع المياه

    ع الإحداثية التالية

    على التنسيق التالي

    h ddd mm.mmm

    S 24 40.374
    E030 48.428

    وصلنا وفيه بوابة للدخول

    تقريباً للكبار ب 25 راند

    والسيارة 5 راند

    وقفنا السيارة ويالله مشي





    فيه جلسات جميييلة تحت الأشجار للي وده يتقهوى ويريح شوي




    وكذالك الباعه موجودين

    حال كل مزار سياحي هناك



























    فيه جسرين وقديمات

    الحين على جسر واصور الثاني





    الجهة الثانية





    وهذي تشكلات سبحان الله











    مصور فوتغرافي يصورني وأصوره














    ودعنا المكان

    والذهاب لمكان آخر


    أرجو عدم الرد...

  4. #134
    مسافر فعال
    تاريخ التسجيل
    Jun 2007
    المشاركات
    222

    يتبع...


    طلعنا متوجهين لمكان جميل

    ويصلح للي وده بجلسه شبه خاصة

    يعني ما حوله عالم كثير والإ ما حوله أحد أبد

    على التنسيق التالي

    h ddd mm.mmm

    S 24 43.221
    E030 50.436














    بعدها مشينا متوجهين

    لهازفيو

    حيث مكان المنتجع





    هنا وبهالمناظر تخنقني العبره لجمال ما أشاهد

    اللهم أجعلنا ووالدينا والمسلمين اجمعين نمتع أعيننا بجنات عرضها السموات والأرض










    شفت اللوحة هذي ودون تردد لف يمين بس











    وصلنا ما فيه أحد كد مشو العالم

    لإن قبل الغروب بساعة خلاص كل شي يتوقف





    واحداثيات المكان

    على التنسيق التالي

    h ddd mm.mmm

    S 24 51.703
    E030 50.046











    مشينا

    وببالي لوحة ثانية شايفها لشلال

    بس قهرررر الوقت تأخر شوي

    والسكن باقي عليه مشوار


    هذي بعد التقطيع اللي شفنا من بعيد

    شكله مجروووود





    ما شاء الله علي

    السرعة 53

    بس المشكلة تمسك معي دايم اصور وأنا أسوق بالكام ليته بالجوال





    منطقة عبور غزلان

    حنا نهدي ونتلفت اغدينا نشوفه











    هذي لوحة مدينتنا








    ما قبل الغروب





    وصلنا بحمدلله للمنتجع

    وتقل باقي وقت ع الغروب

    ابن آدم طماع

    الصراحة براسي هالشلال ودي اصوره بس عيت تجي الضروف حتى بعدين


    وهذي العائلة تتمشى ما حولها ما يزعجها






    وصلنا فلتنا وأنتظرو صورها الليلية بالحلقة القادمة





    وهذا شارعنا الخاص





    فلتنا من الخلف





    هذي ما اشوفها الإ بأفلام كرتون





    وهذي إهداء لكل من مر من هنا








    وهذاك جارنا بالضفه الثانية





    بعدها تقهوينا

    وطلعنا بعد العشاء للمول القريب

    فيه مول يبعد تقريباً 500 متر فقط عن بوابة المنتجع

    وفيه كل شي...

    ومن ضمنها مطاعم بس مو كثيرة

    أخترنا منها هذا












    إلى هنا نصل لنهاية حلقتنا

    أتمنى تنال إعجابكم

    والمنطقة كذالك



    دمتم بحفظ الله


  5. #135
    مسافر نشيط
    تاريخ التسجيل
    Aug 2009
    الدولة
    Qatar
    المشاركات
    37

    كنت احد المتابعين بصمت لقد استمتعت بين ثنايا تقريرك الرائع

    شكرا لك

  6. #136
    مسافر جديد
    تاريخ التسجيل
    Feb 2013
    المشاركات
    19

    الله الله على مبومالانقا رحناهابالسيارهكانت رحلتنا 8 الصباح من كيب تاون الى جوهانسبيرج وبعدها استلمنا السياره وبر للنيلسبرويت والطريق ممتع وحلووو ورجعنا منها ايضا بر

  7. #137
    كبار شخصيات سفاري
    تاريخ التسجيل
    Jun 2009
    المشاركات
    1,528

    ماشااءالله الطبيعه في مبولانقا رهييييييييييبه
    يالله الجنه

  8. #138
    مسافر جديد
    تاريخ التسجيل
    Jul 2013
    المشاركات
    5

    الله يعطيك العافية تقرير جميل

  9. #139
    مسافر جديد
    تاريخ التسجيل
    Oct 2012
    المشاركات
    11

    السلام عليكم..
    مسافرة بإذن الله في شهر سبتمبر وأحببت أن استفسر عن لون عباية زوجتك هل غيرت لونها ؟
    وهل وجدت مضايقات ؟؟؟

  10. #140
    مسافر نشيط
    تاريخ التسجيل
    Apr 2013
    المشاركات
    44

    الله يسامحك قلبت عليا المواجع
    هههههههههه
    اتوقع هدي البلد لو اروحلها 100 مره ماراح يكفي

    سلمت يمينك تقريرك رائع وصورك اروع ماشاءالله

صفحة 14 من 16 الأولىالأولى ... 41213141516 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X