جنوب أفريقيا ، البلد اللي بتجمع بين اوروبا وآسيا بقلم احمد ابوالنور
October 4, 2017
ناس كتير مش مقدرة ارض الألماس “جنوب أفريقيا”، كله بيجري على أوروبا وآسيا مع إن احلى ميكس بين الاتنين في بلاد البافانا بافانا. خلوني في المقالة ديه أشرح ليه سافرت جنوب أفريقيا والخطة اللي مشيت عليها من حيث الميزانية والفسح.
ظ،- عايز تسافر ومتدفعش كتير= جنوب أفريقيا.
ظ¢- عايز تاخد اسهل فيزا وكمان ببلاش = جنوب أفريقيا.
ظ£- عايز تعمل أنشطة كتير = جنوب أفريقيا.
ظ¤- احلى و ارخص شهر عسل = جنوب أفريقيا.
ظ¥- عايز لبن العصفور = جنوب أفريقيا.
خطة السفر:
ظ،- هتعمل احلى كشف حساب من البنك
ظ¢- شهادة قيد جميلة كده او HR Letter من الشغل
ظ£- صورتين لوشك اللي زي القمر ده
ظ¤- تأمين سفر من أي شركة تأمين
ظ¥- حجز مبدئي للطيران والفندق
ظ¦- الابليكيشن بتاع الفيزا (ده هتلاقيه في السفارة)
الكلام ده كله حرفيا انا خلصته في يوم، الفيزا بتقعد ظ¥ أيام عمل وبتروح تستلمها من السفارة بعدها.
طيب في موضوع كان مخوفني جدا وهو التصريح الأمني لجنوب أفريقيا، انا معملتوش وسافرت مع العلم أن في الباسبور مكتوب طالب (الموضوع على مزاج الضابط ظ،ظ.ظ.ظھ).
مدة الرحلة بتاعتي كنت عاملها ظ¦ أيام متقسمة يومين في چوهانسبيرج أربع أيام في كيب تاون
تكلفة الرحلة بالنسبالي كالتالي:
ظ،- تذكرة طيران دولي = ظ¦،ظ§ظ¥ظ. جنيه
ظ¢- طيران داخلي (من چوهانسبيرج لكيب تاون) =ظ¢،ظ.ظ.ظ.جنيه
ظ£- الإقامة: چوهانسبيرج = ظ¤ظ.ظ. جنيه، كيب تاون = ببلاش عن طريق couchsurfing
هل جنوب أفريقيا أمان؟
أول حاجة سمعتها عن جنوب أفريقيا من الناس كانت أن البلد مش آمان وخلافه، وأحب أوضح الموضوع ده بعد ما زرت البلد في كام نقطة:
اولاً: مينفعش تحكم على بلد غير لما تروحها الأول.
ثانياً: بعد الساعه ظ¨ كل المحلات بتقفل (زي اوروبا) فمفيش داعي انك تكون ف الشارع بعد ظ¨ طبعاً.
ثالثاً: كل مكان في العالم فيه اماكن خطر، جنوب أفريقيا مش اخطر مكان في الدنيا، نسبة الخطورة أعلى لكن تقدر تبعد عن المشكلة ديه ببساطة.
رابعاً وخامساً وسادساً: انت عايش ف مصر فا فكك بقى من موضوع خطر وهتسرق وهياكلوني والشغل ده، انت اول ما بتركب الطيارة لأي مكان في العالم فأنت في خطر.
بداية الرحلة في چوهانسبيرج
وها هي چوهانسبيرج او زي ما بيقولوا عليها أهل البلد (چوبيرج). چوهانسبيرج العاصمة جميلة بس عشان نبقى متفقين من الاول انها مش احسن من كيب تاون، المدينة مش آمنة بعد الساعه ظ¨ وديه حاجة لازم تحطها في بالك.
وصلنا المطار ومش معانا عملة البلد (الرند) ودي بحوالي ظ،.ظ£ جنيه مصري، و ناس كتير قالت بلاش تغير فلوس من المطار لأن بيغيروا الدولار ب ظ،ظ¢ رند والسعر الرسمي ظ،ظ£ رند ، ده طبعا غير العمولة اللي بياخدوها حوالي ظ£ظھ. طيب هنوصل الهوستيل ازاي واحنا معناش فلوس؟ قفشنا سواق تاكسي، هتاخد كام يا عم الحج قال ظ¥ظ.ظ. رند بالصلاة على النبي، قولتلوا كتير يا حج احنا كده هناخد (اوبر) و كان ساعتها عامل ظ¢ظ¥ظ. بس المشكلة اننا ماكنش معانا فلوس وكان في مشكلة في الفيزا كارد، المهم وصلنا معاه لإتفاق انه هياخد ظ£ظ.ظ. رند و هيودينا نغير عمله من مكان كويس وهنا كانت المفاجأة.
اخدنا على مول كده وبعدين دخلنا محل لبس ومنه على البروع¤ه (اه و الله البروع¤ه بتاعت اللبس) و جواها باب سحري كده دخلنا لقينا واحدة ست قدامها فلوس وجمبها ماكينة عد فلوس زي اللي في البنوك المهم قولتلها بكام قالتلي بظ،ظ£ ومفيش كوميشن قولتلها قليل قالتلي طيب عشان وشك السمح ده خليها ظ،ظ£.ظ،ظ. قولتلها آمين.
*
الأماكن اللي روحناها
وصلنا الهوستيل على الساعة ظ¤ حطينا الشنط و نزلنا جري على برج كده اسمه (Carlton Centre) اخر دور (الدور الظ¦ظ.) فيه بتقدر تشوف المدينة كلها زي في الصور كدة. تكلفة الدخول ظ،ظ¥ رند.
كانت الساعه داخله على ظ¦ فأكلنا وبعدين روحنا الهوستيل كانوا عاملين حفلة حضرناها واتعرفنا على الناس وبعدين نمنا عشان تاني يوم نصحى على الساعة ظ§.
روحنا تاني يوم على أشهر متحف في جنوب أفريقيا (Apartheid Museum) وهو متحف المناضل نيلسون مانديلا و بيحكي عن تاريخ استقلال البلد سنة ظ،ظ©ظ©ظ¤. تكلفة الدخول ظ¥ظ. رند للطلبة.
بعد المتحف قررت أروح أعمل Bungee Jump في مكان إسمه (Orlando towers). عملتها مرتين عشان اول مره نطيت قالي لا مؤاخذة يا ابو الكباتن الكاميرا مشتغلتش قولتلوا مليش فيه انا هنط تاني قالي اطلع يا باشا نط ولا يهمك.
خلصنا ال Bungee Jump وطلعنا على (Johannesburg Zoo) مكنتش احسن حاجه ف الدنيا بس كانت في اللذيذ يعني. تذكرة الدخول سعرها ظ¥ظ. رند للطلبة.
أخر محطة لينا قبل ما نتطلع على كيب تاون كانت مكان إسمه (Sandton City) حاجه كده زي التجمع عندنا ف مصر، مدينة جميلة اوووي فيها مول حلو جداً ، مشينا من هناك الساعه ظ¨ تقريبا و مكنش فيه اي مشكلة.
كيب تاون وجمال كيب تاون
نخش على كيب تاون بقى. كيب تاون ببساطة يا جماعه من احلى المدن اللي شفتها في العالم حيث الطبيعه الخلابه واللمسة الأوروبية والثقافة الافريقية.
وصلنا المطار وكنا رايحين نأجر عربية عشان تكون وسيلة مواصلتنا هناك. المهم دخلنا على شركة Bidvest car rental قولنالهم عايزين أحقر وأرخص عربية اوتوماتيك عندكم، المهم الموظفة اللي هناك قالتلنا عندي عربيه بظ¢ظ.ظ. رند في اليوم والعربية ديه كانت Hyundai i10 انا وقتها استغربت لأن مفيش i10 اوتوماتيك بس قولت جايز هما هنا متقدمين ونزلتلهم اتوماتيك.
بعد ما دفعنا وروحنا نستلم العربية لقينها مانيوال فعلاً، فقررنا نرجعلها تاني وقولنلها العربية مانيوال واحنا قايلنلك عايزين اوتوماتيك، المهم فضلت تعتذر والمدير خرج قالنا احنا اسفين جدا بس هي حاسبتكوا على سعر المانيوال قولنالوا احنا ملناش دعوه وإن كدة يعتبر اتنصب علينا. بعد جدال طويل قالنا خلاص بدل ما تدفعوا ظ¥ظ¥ظ. رند في اليوم هنخليها ظ£ظ.ظ. و ده اقصى حاجه نقدر نعملها. المهم احنا وافقفنا لأن ده عرض كويس جدا ونعتبر محظوظين اننا لقينا السعر ده.
Couchsurfing في كيب تاون
اتحركنا على بيت الست اللي كانت مستضيفنا في بيتها في مكان اسمه Fish Hook. انا مش هتكلم كتير عن الست و جوزها لإن الناس دول كانوا قمة في الاخلاق والرقي. اول يوم وصلنا البيت قالولنا اركنوا عربيتكوا واحنا هنفسحكوا في عربيتنا عشان البنزين هنا غالي! ده غير طبعاً الاكل الجنوب أفريقي اللي كانوا بيعملوه.
اول يوم ده لفينا المدينة دي كلها وطلعنا الجبل وكانت المدينة تحفة بصراحة. تاني يوم بقي الست قالتلنا انا رايحه مدينة اسمها Hermanus دي بتبعد عن المكان اللي كنا فيه حوالي ساعتين فقالتلنا تعالوا معايا انا عندي ميعاد هناك كده كده وهخلص بعد ظ£ ساعات تكونوا انتوا شوفتوا المدينة.
مدينتين في يوم واحد
المدينة دي يسكنها أغنياء جنوب أفريقيا عموما ومشهورة بالحيتان انك بتقدر تشوف الحيتان وهي بتنط في المياه! بليل بقى على الساعة ظ¨ قررنا اننا ننزل مدينة Muizenberg ورجعنا على الساعة ظ،ظ¢ و محدش سرقنا ولا اي حاجه برضوا.
ثالث يوم بقي كان اكثر يوم زحمة وفي كذا حاجة كنا عايزين نعملها. اول حاجة روحنا على Cape Point â›° و بالعربي هو رأس الرجاء الصالح اللي هي آخر نقطة ارض في افريقيا. كان مكان وهمي بصراحة بس الدخول كان غالي نسبياً، تكلفة الدخول ظ،ظ£ظ¥ رند للشخص
تاني حاجة عملناها في اليوم ده كانت إننا زرنا مزرعة نعام، مزرعة كبيرة كدة فيها نعام وفيها مطعم ومحل هدايا
دخلنا المطعم طلبنا ستيك وبرجر نعام الاتنين كانوا تحفة.
ثالث مكان روحناه كان Table Mountain، وده جبل سطحي من فوق ومن احلى الجبال اللي ممكن تشوفها في حياتك غير أنه متسمي برضوا بجبل السحاب. صعود الجبل بياخد حوالي ساعتين، الغريب عن الجبل ده ان في ناس كتير اوووي بتموت أثناء صعوده بسبب البرد الشديد والانزلاق من على صخور الجبل و في بعض السياح اختفوا تماما و ملقوش الجثث لحد دلوقتي.
بعد ما خلصنا الجبل قولنا نعمل حاجة جديدة شوية زي اننا نجرب نضرب نار. بصراحة كانت تجربة ممتازة الواحد كان أمير كرارة في نفسه. المكان اللي فيه الموضوع ده إسمه Gun Fun
أخيرا مسك الختام كان في مكان رائع إسمه Waterfront. المكان ده كان مرسى سفن عادي لحد من حوالي ظ،ظ¥ سنه جه رجل أعمال و قرر يطور المكان و يخليه واحد من اجمل مزارات كيب تاون. المكان ببساطة حاجه كده زي كايرو فيستيفال بس مع فرق رهيب بسبب المناظر الطبيعية.
نهاية الرحلة
وفي آخر الرحلة، وصلت ام الدنيا بسلام من غير ما حد يسرقني او يقتلني او ياكلني او اي حاجه من حكاوي الناس اللي بتتكلم عليها.
ملحوظة: محدش يسألني على شغل لأني مش هقدر افيده عشان انا كنت رايح لمجرد سياحه بس، و اللي عايز حجز مبدأي لطيران او فندق يبعتلي وانا هعملهوله وهساعده في ورق الفيزا (من غير أي فلوس).
اخر حاجة حابب أقولها لكل الناس هي سافروا يا جماعة ومتحكمش على حاجه غير لما تجربها أو على شعب غير لما تتعامل معاه وكفاية عنصرية. واتمنى كل الناس انها تقدر تسافر وانا هساعد بكل اللي اقدر عليه ان شاء الله، مش عايز غير الدعاء بس مقابل افادة الناس.
رد مع اقتباس
المشاركة الأصلية كتبت بواسطة شاذوب
