مرحبآ..
هالمره طايحه لكم بمطعم متوسط باسعاره .. وان شاءااللهـ يعجبكم
قصتي مع هالمطعم <<تكفين اخلصي علينا
مره من المراريت دخلت المطعم العصر .. شفته فاضي وماغير العمال متوزعين بكل مكان قلت بلاها يتوحدون فينا
وبدل ماناكل منهم ياكلونا,<لاعاد تشوفي افلام ي بنت
الموهيم طلعنا وبدلنا المطعم بل المنطقه كلها
وهالمره من المراريت في هالاجازه <<ي مراريتنا كثيره والله ...
قلنا نبي نروح الافق سبق ونزلت تقرير عنه .. حول 10ونص تقريباً . قبل لااوصل اتصلت عليه ابيه يحجز لي طاوله كبيره عائليه معي الاهل ومانبي نفتشل وحنا نستنى ..
الا رد علي بردالوضع مزري وزحمه ويبيلنا نص ساعه نستنى وقلنا سلامات مافينا
واشوي تجي براسي هالفكره ليه ماننزل للكبش دام حنا قريبين منه وبهالساعه الدمام زحمه وماراح نتعشى الابماكدووو .. وسبق اختي شموخ مدحته .. للكن ماحصلت طبق خبز بللحم اللي مدحتيه لانه بلزحمه مايسوونه <<غريبين
قلت للسواق وقف هنا وصلنا وزحمممممممممممممممممممممهـلكن ولله الحمد بعد 3دق فضت لنا طاوله
انتهينا من هالقصه ..
نشوف الصور
اسم المطعم /الكبش
عنوانه هنا ..
بعض من المنيو
قدموا لنا السلطه مجاناً.. <مدري ليه الصوره مسوده
طلبنا شوربة الدجاج بلذره 10/10
لحم كراهي 10/10 . يجي تحته مثل الفحم حتى يبقى ساخن
برياني دجاج 7/10 حلو لكن الدجاج يجي بعظم وانا احب البرياني بدون عظم ..
رز مقلي مع الروبيان 10/9 ممتـاز .. بس مدري وش با الصوره مطلعه لونين لاتلومني
اضاءة المطعم تعبانه ومن جوال .
البرياني جمب البطاطس . روبيان .10/9
البطاطس ماذقته بس اكيد عادي
وجمبه تشيكن65
تشيكن65 حلووو لكن فيه شوي ملوحه 10/8ونص ..
لولي بوب .. افخاذ دجاج 10/7 ... حلوو لكن ذقت الاجمل والالذ منه ..وحسيته غالي 5حبات ب24من
مطعم عادي ..وجاي معه الصوص الحار
دجاج بلزبده 10/7 حلوو لكن ماهو بسبايسي وجاي فيه كريمه يعني مش الدجاج المعروف لكن كطعم كويس
روبيان مقلي عـادي 10/8
صور جويه لجزء الطاوله وطبعا الطلبات نفسها مدبله
زووم للحم الكراهي
طلبنا خبز نان
زووم لصحني وميكساتي لاتلوموني جووووووووعانه مرره
الفاتوره جتـنا 303 .. وانا يوم كنت اسجل الطلبات بلورقه
من الفضاوه جلست احط جنبها بلسِعر فجاه وانا استنى الباقي قلت خليني احسب طلعت حسبتي
غير 257.. واقوم للهندي واقوله من وين جت 303 ويطلع لي كل طلب وسعره وافتح المنيو قدامه واقوله
شوف السعر / .. يقول لا هذا سعر جديد الحين زياده ريالين كل شيء
انقهر واعصب .. واقوله ليه ماجبت لي منيو جدديد بلاسعار الجديده ماتفرق معي ادفع لكن مب تلعب معي
وهو مضيع ملامح وجهه ويمسح ونعيد الحسابات ونفس الشيء مزود لحم الكراهي انا طلبته لقيته ب18
وهو مخليه ب30.. قلت ليه ب30وهذا 18 قال حق نفر لكن انا يجيب زياده نفر .قلت له انا ماطلبت
منك خليته 24 لان كميته كثيره شوي ...
ومنه منه نعيد ونحسبـ ..
طلع حسابنا 251ريال وانا حاسبه بسرعه 257..
يبي يدفعني 53ريال زياده هالنصااااااااااااااااب قلت له لماتجيب لي منيو جدديد انااشوف السعر ادفع
لكن من راسك مادفع ..
دفعنا ومشينااااااااااااا عاد جلست افكر بيني وبين نفسي هل اغلب المطاعم اللي ازورها تسوي فينا كذا
الله اعلم .. الموهيم الواحد يركز بلفاتوره لو اخذ 5او10زياده اوكي لكن فوق الخمسين قويه شوي ...
سوري ع البثره الزايده فيني حماس اسولف ...
انطلقوا
المشاركة الأصلية كتبت بواسطة روتيشن
