لسة راجعة من اسطنبول طازة(تقرير رحلتي صيف2009)

[ريهام كمال]

صباح الخير على الكل انا لسة راجعة من اسطنبول امس و انا مش عارفة اشكر اعضاء المنتدى ازاى على المعلومات الى من غيرها لم تكن رحلتى الى تركيا الجميلة بهذة الروعة و انا ادعو اى حد مسافر الى اى بلد الى البحث فى منتدانا و تدوين كل المعلومات مهما كانت صغيرة لانها هتفيدكم جدا جدا و دلوقتى اسمحولى اشاركم معى فى اجمل اسبوع فى تركيا


اليوم الاول: 30-7-2009

علشان تكونوا على ضوء بخلفية الموضوع زوجى كن مش عايز يسافر تركيا و كان عايز يسافر لندن و انا كنت هجنن لو ما سفرتش تركيا المهم كل واحد فينا حاول يقنع الثانى برأية الى ان حسم انفلونزا الخنازبر الموقف لانها موجودة بكثرة فى لندن و الحمد لله مش موجودة فى تركياو علشان دة كان اختيارى حاولت انجاح الرحلة بكل الطرق و معرفة كل التفاصيل حتى لو كانت صغيرة علشان كدة كل يوم قبل الرحلة ب15 يوم كنت بجلس على النت لمدة لا تقل عن 5 ساعات فى اليوم و ادون كل التفاصيل المهمة لدرجة انة اصبح عندى كشكول مفصل عن اسطنبول و بورصا لانهم هم الى كانوا فى الخطة الفضل يرجع لمنتدانا الجميل

المهم عدد افراد الرحلة انا و زوجى و ثلاثة اطفال
التكلفة : للفرد الكبير 4 الاف جنية مصرى شاملة الطيران ذهاب و اياب و الفندق 7 ايام بالافطار فى غرفة ثلاثية + رحلة نصف يوم فى مضيق البسفور و الذهاب الى احدى المولات ثم العودة الى الفندق

المهم كانت رحلتنا الساعة 9 صباحا من مطار القاهرة فذهبنا الى المطار قبل الميعاد بساعتين و الحمد لله قامت الرحلة فى ميعادها استغرقت الرحلة من مطار القاهرة الى مطار صبيحة فى اسطنبول تقريبا ساعة و 45 دقيقة وصلنا اسطنبول الساعة 10.45 درجة الحرارة كانت 28 و كان الجو تحفة بس فى الشمس حر شوية
استغرقت الاجراءات تقريبا نصف ساعة ثم خرجنا من المطار كن الباص يتاع شركة السياحة منتظرنا فى الخارج طبعا لازم اقول ان المطار نظيف جدا و لكنة صغير ركبنا الباص متجهين الى الفندق و من اول ما خرجنا على الطريق وقعت فى حب اسطنبول كم الخضرة و المناظر الطبيعية الرائعة و النظام و نضافة البلد بهرتنى انا و زوجى حتى ابنى البالغ من العمر 6 سنين كان سعيد جدا و مش مصدق ان فى جبال عليها كم الزرع دة- استغرقت الرحلة من المطار الى الفندق 45 دقيقة
الفندق: حجز الفندق كان فى فندق كريستال الموجود فى تكسيم فى اسطنبول الاوروبية و هو مصنف 4+نجوم اللوبى بتاعة صغير و لاكن الحجرة كانت كبيرة و نظيفة جدا و ظاهر على العفش انة جديد اما عن موقعة فهو ممتاز فهو فريب جدا من شارع الاسقلال و يوجد امامة و جنبة محطتين لمترو الانفاق و وعلى نفس الرصيف يوجد محطة باص و يوجد بجانبة صرافة و سوبر ماركت و فى الشارع الموازى لة عدد من المطاعم
المهم وصلنا الفندق و كانت حوالى الساعة 12.30 و قالو ا لنا ان استلام الغرفة لسة بعد ساعة فقلت لزوجى طب نروح نستكشف المكان جنب الفندق و فعلا سبنا الشنط فى الفندق و اخذنا الاولاد و خرجنا من الفندق و اتمشينا حول الفندق نصف باعة عرفنا مكان محطات المترو و الباص و مكان الصرافة و رجعنا الفندق كانت الغرفة جاهزة استلمنا الغرفة و فى الحال قلت لهم مفيش راحة عايزيين ننزل و فعلا غيرنا ملابسنا و حضرنا شنطة صغيرة وراء ظهرنا حطينة فيها زجاجة مية و الكشكول العجيب بتاعى و مناديل و ويبس و بعض الحاجات الصغيرة لزوم الاطفال و اتكلنا على الله

يتبع

[speedbird]

بارك الله فيك اختي وفي الحقيقة نشكر كل الاخوان القائمين على سفاري تركيا

لجهودهم الملموسه في خدمة السائحين وتزويدهم بكل المعلومات التي يحتاجونها

ارغب في الاستفسار بخصوص السعر كان 4000 جنيه للفرد الكبير يعني نقدر نقول عدد 2 كبار × 4000 = 8000 جنيه

والاطفال كم تكلفتهم أرغب في معرفت تكلفة الرحلة بالكامل لأنه بصراحة ممكن تكون التكلفة ارخص من الخليج

منتظرين باقي التقرير واهم شئ الصور ، وهذا رابط سيساعدك كثيرا في تحميل الصور

تعليمات تحميل الصور في ( معرض الصور ) + شرح كيفية التحميل ... - منتدى سفاري للسفر و السياحة

[شخمطه]

الحمد لله على السلامه اختي

بدايه جميله

وتزداد جمالا ً بتدعيمها بالصور

كما في الرابط في المشاركه أعلاه

بانتظار البقية

تحياتي

[basrah007]

اختنا العزيزه ريهام كمال

الف الحمد لله على سلامة رجوعكم من عاصمة السلاطين الى عاصمة الفاطميين



ما شاء الله تبارك الله

كاني ارى السعاده مرسومه على وجهك

وانتي تكتبين هذا التقرير و الوصف الدقيق لتفاصيل رحلتكم الميمونه

فمن سياق الكلام يتضح لنا ان سفرتكم كانت غايه في الروعه

بسبب التنظيم المسبق من قبلك والاعداد الجيد للسفر

استمري اختي الكريمه بسرد باقي التفاصيل على نفس هذا الاسلوب والنسق الجميل

ويا حبذا لو كان هناك بعض الصور الجميله من اسطنبول الحبيبه

سجليني متابع معك لهذا التقرير الشيق

فلا تتأخري علينا


دمتي بحفظ الله ورعايته

[الدوسي(ابومنصور)]

الحمدلله على السلامه

[m&m'ssss]

اختي العزيزة ريهام
حمدلله على السلامة ,, وواضح انها رحلة جميلة وانبسطتم فيها كثير ..

الأسعار رخيصة جدا" ماشالله ..

ننتظر بقية التفاصيل والصور



تحيــــــ سوسو ــــــــــــــاتي

[ريهام كمال]

اولا شكرا لكل الاعضاء المتابعين معى على ردودكم الجميلة - اما بخصوص الصور فمعلش اصبروا على شوية لانى لسة جديدة فى الموضوع دة و ان شاء الله هنزلهم

ثانيا بخصوص استفسار الاخspeed bird الاطفال اصغر من 12 سنة 2800 جنية مصرى و الاطفال اقل من سنتين 800 جنية مصرى

اكملكم دلوقتى رحلتى

بقية اليوم الاول 30-7-2009

نزلنا من الفندق تقريبا الساعة 2.30 و توجهنا الى الصرافة doviz بالتركى لنغير بعض الدولارات الى ليرة تركىالدولار =1.47 ليرة ثم قررنا بعد ذلك الذهاب الى جواهر مول لاننا كنا عايزيين حاجة مفهاش مجهود كبير لاننا كنا تعبانين من مجهود السفر فذهبنا الى محطة مترو الانفاق التى بجانب الفندق و ذهب زوجى لشراء التذاكر التذكرة الواحدة ب1.50 و الاطفال مجانا طبعا محطة المترو تحفة و نظيفة جدا و كل السلالم بالكهرباء و كل دقيقة بيجى مترو و ركبنا المترو الى محطة شيشلى كما تنطق فى التركى - يوجد ميكرفون فى المترو ينادى على المحطة قبل الوصول اليها مرتين المهم وصلنا الى محطة شيشلى و نزلنا من المترو و توجهنا بالاسهم الموجودة فى المحطة الى جواهر مول الذى يوجد له بوابة من داخل محطة المترو
جواهر مول: طبعا المول كبير جدا جدا كما قال لنا المرشد السياحى التابع لشركة السياحة فى المطار انة تانى اكبر مول فى اوروبا - المول يتكون من 7 ادوار الدور الارضى به محلات ادوات منزلية و مفروشات و هايبر ماركت كبير اسمة ميجروس اسعارة ممتازة ارخص من الاسعار برة و الدور الاول و التانى و الثالث و الرابع و الخامس ملابس و احذية و الدور الاول به ملاهى و الدور السادس و السابع به مطاعم و كافيهات المهم تمشينا فى المول وطبعا اشترينا شوية حاجات و الجدير بالذكر ان المول به جميع الماركات العالمية و التركيه تقريبا و و يوجد به تنزيلاتindirim بالتركى تصل فى بعض المحلات الى 80% و لكن فى مولات ارخص منه هقولها تباعا و نزلنا السوبر ماركت اشترينا مياة و عصير و لبن و بسكوتات للاولاد ثم توجهنا الى محطة المترو و ركبنا مترو المتوجة الى تكسيم - نزلنا فى الجة المقابلة الى شارع الاستقلال و تمشينا فى شارع الاستقلال و شاهدنا محلات البوظة العربى ب3 ليرة و محلات الحلويات التركية و دخلنا بعض محلات الملابس ثم قررنا ان ناكل فذهبنا الى احدى المطاعم التركية المشهورة بنظام البوفية المفتوح انا مش فاكرة اسمة و لكن هو تانى مطعم من ناحية اليمين و انت قادم من تكسيم - اخذنا اسكندر كباب و هو بصراحة تحفة يقدم معه اللبنة و البطاطس المحمرة و العيش الطلب ب 7.50 ليرة و اخذنا اخذنا مكرونة بالبشاميل و كانت سيئة جدا ب 3.50 ليرة و اخذنا حلو مشهور فى تركيا اوى اسمة كمال باشا و هو بصراحة يستحق الشهرة انا من اول ما اكلتة كل يوم اجيب منه الطلب منه ثلاث قطع متوسطه ب 3.50 ليرة و بعد ما اكلنا كنا تعبانين جدا فقررنا نروح علشان اليوم االتلى كان عندنا رحلة البسفور صباحا
بعض المعلومات عرفتها هذا ليوم:زجاجة المياة الكبيرة ب1 ليرة فى المحلات الصغيرة و لكن فى سوبر ماركت ميجروس ب 50قرش
تغيير الفلوس افضل فى الصرافة من البنك و الفندق لانة بيعطى سعر افضل و الفندق بياخد عمولة كبيرة
احسن حاجة استخدام المواصلات العامة لان التاكسى غالى جدا و لو اتضريت لاستخدام التاكسى اتفق معة على المبلغ اولا
لا تترك فلوسك فى الغرفة من غير ان تضعها فى الخزينة التى فى الحجرة او الخزينة التى فى مكتب الاستقبال
لا تخرج و معك جوازات السفر انما خذ معك صورة لها فقط و احفظ الاصل مع الفلوس

و الى اللقاء فى اليوم الثانى

[شخمطه]

الله يعطيك ِ العافيه اختي الكريمه على التفصيل الواااضح

منتظرين ما تجود به نفسك

تحياتي

[ريهام كمال]

اولا شكرا الى الاخ شخمطة

اليوم الثانى الجمعة 31-7-2009

استيقظنا الساعة السابعة صباحا و جهزنا انفسنا و نزلنا الى الافطار - الافطار يعتبر جيد و متنوع و كان هذا اليوم طالعين رحلة الى مضيق البسفور بالعبارة مع شركة السياحة و بعد ذلك الى احدى المولات و الرجوع الى الفندق كل هذا بواسطة شركة السياحة المهم كان التجمع فى الاستقبال فى الفندق الساعة 9 صباحا وصل الباص التابع للشركة الساعة 9.30 ركبنا متجهين الى ميناء قاباطاش لركوب العبارة ركبنا العبارة و اخذنا جولة فى مضيق البسفور مع الشرح لكل ما نمر به من قصور و مناظر طبيعية بجد جولة غاية فى الروعة و الجو كان اكثر من رائع و شاهدنا قصر مهند و نور و استغربت انه شكلة مبهدل اوى و علق المرشد الياحى ان هذا الفصر لايستحق الزيارة تماما - استغرقت الجولة تقريبا 1.30 و بعد ذلك نزلنا من العبارة و كان فى اما العبارة واحد بيبع لعبة ظريفة ذى اللعبة النحلة بتاعت زمان طبعا ابنى شبط فيها و جبناها ب1 ليرة بعد ما كان البائع قال 3 ليرة ثم ركبنا الباص و اتجه بنا الى مول اسمة ارمونى بارك و هو اوت لت outlet لكثير من الماركات و قال المرشد السياحى ان امامنا ساعة و نصف ثم التجمع ثانيا فى الباص بصراحة المول تحفة و اسعارة حلوة اوى و اشترينا منه حاجات كثيرة و يوجد بة كارفور و دور كامل مطاعم و ملاهى للاطفال طبعا الساعة و نصف ماكفتش فقررنا الرجوع له لوحدنا فى يوم اخر بعد اخذ العنوان و كيفية الذهاب لة من المشد السياحى

يتبع

[speedbird]

متابعين كل التفاصيل الجميلة التي تروينها

والجولات في اسطنبول لا تمل