السلام عليكم ورحمه الله وبركاته
اول شي حبيت اقول ان مانشيستر حده حلوه واحلى من لندن وما فيها مجرمين وايد بس اخذوه الحذر من حي روشم اهوا وايد حلو ومطاعم اي فيه جداا جميله واغلبها حلال وتقريبا اكثر سكانه مسلمين ولكن في وايد فقاره لا تعطينهم ويه لان اذا عطيتي واحد يولج كلهم واراح تخلصين وفي بقالات فيها لحم حلال وفي ايضاا محلاتت لبيع البرد والفالوده بس اذى تبين السوق في بل سيتي سنتر ماركت ستريت كل محلات م اوله الي اخره وفي هل شارع مجمع بس والله ناسيه الاسم واذ تبين الفنادق الي يمه في فندف لوري وهيلتون تمشين مشي بل سيتي وهاذا طبعاا افيدلج لان ماراح تحتاجين المواصلات وايد .......
واذا تبون تروحون منطقه اشويه بعيده طبعا روحوا بل القطار يطلع ارخص واونس من التاكسي على فكرة كل المحلات الي ما وجوده في ترافورد سنتر موجوده في ماركيت ستريت وبعد محلات مو موجوده بترافورد وفي مجمع اسمه لوري اوت ليت مول في اشياء وايد حلوه بس قديمه اشويه وارخص بوايد من المحلات العاديه يعني مثل القمامه اكرمكم الله يعني تلقين من الشي قطعه وحده ولا قديم يعني ماراح تلقين كليلي تبينه وفي هات هوم وايد حلو بس ترافورد سنتر الحلو الي في انه في مطاعم داخل حلال بس هاذي المجمعات الي في .. واذا تبين همن شي ارخيص في منطقه تروحيلها بل قطار سعر الواحد روحه ورده 16 باوند ديره وايد حلوه اسمها "chester" وفي ها اوت ليت فيلج وايد حلوه ورخيصه وبل القطار تستانسين وتشوفين الطبيعه ............ وهذا كل الي عندي وسامحيني عى القصوور .. بس اذا تبين تروحين مكان قريب من مكانج روحي بل البص وناسه ويمعه اذا كنتوا وايد بدال لا تروحون بتاكسيين وركبو فوق وناسه حده ولا تنسون اولد ترافورد في مانشيستر يونايتد .. واذا تبون حدائق حلوه موجوده في روشم تغدوا وروحوا في حديقتين حديقه اول روشم جدام فندق اوبال وفي بنص روشم هاذبي وايد حلوه وانا انطر ردج علي لما تردين من مانشيستر وتقوليلي وين رحتي وشنو اكتشفتي من مناك شي غير الي قتلج اياه وعلى فكرة بحثي بل نت و تلقين اشياء حلوه نفس اسماء المطاعم الحلوه الي في روشم واحلى مطعم الضفه الغربيه وكبابش وانشاله تستفيدين ويستفيدون الناس واسفه على الازعاج وتعبتكوم وياي
30-06-2008, 12:35 PM
انا توني راده من مانشيستر
السلام سامحوني على الازعاج ....... بس اذا تبون خطوط موبايل تتكلمون خارجي اخذو توك موبايل لا تاخذون فوداون لان غالي خارجي وداخلي توك موبايل غالي داخلي وارخيص خارجي يعني اهوا الاحسن ......... و اذا تبين شقق فندقيه يطلع عليكم غالي وايد اخذوا فندق عادي لمدت ليلتين او ثلاث على ما تدورون شقق مفروشه وايد ارخص يعني تقريباا نص السعر وشكراا
العرض العادي
