|
|
|
|||||||
| الصفحة الرئيسية | معرض الصور | التسجيل | التعليمات | التقويم | اجعل جميع المنتديات مقروءة |
|
| تعليمات الكتابة في منتديات سفاري للسفر والسياحة | تعليمات تحميل الصور في ( معرض الصور ) + شرح كيفية التحميل ... |
 |
|
|
أدوات الموضوع | طرق مشاهدة الموضوع |
20-05-2008, 01:08 AM
|
||||
|
||||
وحوش و حيوانات مفترسة وصراخ وكل ده فى قلب القاهرة
  أخوانى و أخواتى الكرام الكل طبعا داخل وبيقول ان فارس فرسان سفاري خلاص يعوض عليه ربنا والظاهر ان مخه ضرب من كتر الحرارة فى الجو اليومين دول  انا شايف اهو اللى جاي وهو بيبكي واللي ساحب في ايده دكتور امراض نفسية وعصبية بس صدقونى الحكاية بجد والعنوان مزبوط تعالوا احكي لكم القصة من البداية فى خلال رحلاتي المكوكية ذهاب وعودة من مطار القاهرة الدولى كنت بلاحظ المكان اللى هنروحه ده واستغرب من شكله ومكنتش اتوقع اني الاقي كل ده جوه وهنا فى قلب القاهرة انا عارف انكم متشوقين للمكان وعاوزيني ابدا على طول الجولة المصورة بس لازم اقول وانبه الاول تنبيه هام: أى واحد او واحدة هيروح يمين او شمال او يمشي وحده هو مسئول عن اللى هيجرى له اللى هيجري وراه اسد ولا تمساح ولا تعضه غوريلا مليش دعوة بيه وقد أعذر من أنذر .... خلوا بالكم الاول عنوان المكان اللى هنروحه ده هو : (علشان لو حد عاوز يروح من غيري ) 94 شارع عثمان بن عفان - ميدان تريامف - مصر الجديدة وتلفونه : 26445511 (تخيلوا عندهم تلفون  )مستعدين يلا بينا نبدا على بركة الله اه صح نسيت اقولكم اسم المكان Planet Africa الجماعة اللى اترعبوا وخايفين وركبهم بتخبط في بعض يا جماعة متخافوش انا معاكم وادينا سايبينها على الله يا رب بلاش نتاكل جوه  الاول بعد ما عرفنا العنوان نحوم حوالين المكان ونبعت كتيبة استطلاع زى ما انتوا شايفين ده المكان بالنهار شكله هادي   نيجي لمنظره بالليل (بالراحة مش عاوز حد يحس بينا لنروح فى الرجلين )   مش قلتلكم شكله بالليل يخوف  بعد ما خلصنا الجولة الاستطلاعية تعالو نبدا الجولة الاستكشافية جمدوا قلوبكم هندخل جوه و اللى بيخاف ...اللى بيخاف ... يطلع بره شفتم من اولها أفيال شايفين ( على فكرة الفيل بيتحرك وبيصدر صوت فعلا وكل اللى هنقابله نفس القصة ربنا يستر )   ودى لقطة تانى للفيل  خلى بالك شفت اللى كان هيمسكك مش قلنا نحاسب يا جماعة  شايفين اللى طالع من الميه بتاعت البركة ده (مين اللى كانت بتقول نفسها تبل رجليها فيها  )؟؟!! كفاية بقي رعب وتعالوا نقف عن الراجل بتاع الهدايا والتذكارات ده  وده منظر تانى للهدايا اللى عنده  طبعا هديتم اعصابكوا شوية وعلشان جرعة الرعب الزيادة دى لازم اعوضكم تعالوا ورايا ((متخافوش)) على فكرة الرمز ده هو الرمز الخاص بالمكان هنا قارة افريقيا وعليها الاسد ده  تعالوا ((يا عم اطلع وانت ساكت من غير خوف والله ما في حاجة حتى طرزان انا خليته يروح ))  مفاجااااااااااااااااااااااااااااااااااااااة (( فى بني ادمين تانى غيرنا اهو هههه  )) هههه  أظن ارتحتم وعلشان خاطر شوية الرعب اللى اخدتوهم فى الاول النهاردة العشا على حسابي هههههههههههه ايوه ايوه زى ما بتقول تمام طلع مطعم هههههههههههه بصوا ايه رايكم نقعد فى الحتة اللى هناك دى  ايه رايكم بقي انا عارف ان فى ناس هتبدا تضرب وناس شايفها ماسكة السكاكين بس المفاجاة حلوة ومفيش اى حد فيكم كان متصور ان المكان ده مطعم بس ايه مطعم على الطراز الافريقي يعني حتى الحيوانات جايبينها وكلها بتتحرك ((لا طرزان واخد اجازة مرضي النهاردة )) شايفين الصورة اللى على الترابيزة اللى بيحطوا عليها الاكل (( افريقي افريقي يعني))  روقوا اعصابكم بقي واشربوا العصير ده على فكرة اسمه الزولو خايفين لا متخافوش ده عبارة عن عصير مانجو مع قطع فراولة وزى ما انتم شايفين حاطين نص لمونة لزوم المنظر و كده ومليان مكعبات ثلج علشان الحرارة دى  بسم الله ادي عدة الشغل وصلت ولا مؤاخذة قصدي العشا  امممممم الشوربة وصلت يا جدعان انتم مش عاوزين عزومة (( اه شوربة فراخ ))  الطبق الرئيسي وصل (( اولا محدش يمد ايده لان الطاجن سخن مولع ومش عاوزين حد يتلسوع )) ثانيا لازم تعرفوا المكونات الاول <<<امم ما اقولهم ان في لحم خنزير علشان محدش ياكل واكل لوحدي اممم>>>"فكرة خبيثة لكن طردناها  " الطبق ده بقي اسمه فاهيتا وهو عبارة عن طاجن لحوم ودجاج و روبيان و رز بسمتي وتحت منهم شرايح بصل وطماطم وفلفل حلو يلا بسم الله والف هنا وشفا  استنوا استنوا الطبق الفرعي اللى مع الطبق وصل ده بقي شوية صوص ولمون زي ما انتوا شايفين وجزر مبشور و كام حتة فلفل  الحمد لله الف هنا وشفا مطرح ما يسري يمري لالالا انتم لسه هتقوموا تغسلوا ايديكم امال المناديل المعطرة والمناشف دى عملوها ليه ((ثم ان محدش ضامن ايه اللى يكون مستنيه فى مكان زي ده فى المكان اللى هيغسل فيه ايديه يمكن جودزيلا هناك ولا حاجة )) ايه يا ابو فيصل في حاجة شابكة ما بين اسنانك طيب خد الخلة بتاعت الاسنان اهي على الطبق مد ايدك متتكسفش يا راجل  ايه ده انا شايف ان فى عالم بدات تنام مننا هنا لالا مش هشيل حد وانا ماشي احسن حاجة نطلب لكم نسكافيه  شايفين حتى المجات والسكر كله عليه اسم المطعم ((ممكن تشتروا زيها من عند بتاع الهدايا اللى تحت فاكرينه ))  ايه رايكم جولة حلوة وعشا محترم الف هنا وشفا جايبلكم مفاجاة بس انا حاسس انها اشاعة اتاكد منها واقولكم عليها 
|
|
20-05-2008, 04:51 AM
|
||||
|
||||
|
(نشفتي دمي ) عنوان مرعب( وحوش و حيوانات مفترسة وصراخ وكل ده فى قلب القاهرة) افتكرت حاكه حصلت في القاهره معليش حتكلم مصري شويه --- على فكره يااخ فارس تعجبني اللهجه المصريه بخفه دمها --- موضوع جميل بسرد احداثه وصوره --تحياتي
|
|
20-05-2008, 09:23 AM
|
||||
|
||||
|
|
|
20-05-2008, 09:24 AM
|
||||
|
||||
|
|
|
20-05-2008, 09:49 AM
|
||||
|
||||
|
|
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| طرق مشاهدة الموضوع | |
|
|
.gif)
العرض العادي
