[ السلام عليكم ورحمته وبركاته
اعزائي اعضاء المنتدى هذه اول مشاركه لهذاء المنتدى العزيز علي قلوبنا
وهذاء الا جزا من رد الجميل لاعضاء المنتدى الكرام من ادارين واعضاء الذين بعد الله استفدنا نحنو الفرسان الثلاثه من رحلتنا لبرنامجنا المعد سلفا لرحلتنا الشيقه والتي في نفس الوقت حصلت لنا مواقف يحسد عليها نبداء يالربع ونسولف لكم رحلتنا الميمونه
الحلقه الاولى
كان خروجنا من مدينة الرياض الساعه الخامسه عصرا طبعا بالسياره الى الامارات العربيه المتحده عبر منفذ البطحاء وذالك لسبب احد الفرسان الذي سوف يشاركنا بالرحله بدولةالامارات طبعا هو ولد عمي وليكن حسب طبيعة عمله بالامارات مررنا اليه نرجع لطلوعنا من مدينة الرياض كانت الساعه الخامسه مساء وصلنا الى مدينة الخرج وصلينا المغرب والعشاء جمعا وتحركنا مسافة عشرين كيلو بعد الخرج واذا بزميلي يسئلني هل الجواز معك قلت نعم وبدى الشيك يراودني قلت اصبر لين اشوف الشنطه وهذه اول المواقف المطفشه لرحلتنا دورت يمين شمال وخويي يدور معي قلبنا السياره مالقينا شي خويي قال تاكد في مخابيك قلت مافي فكرت وين حطيته افتكرت انه على دولاب المطبخ لاني اخر كان خروجي من البيت الا وأم العيال تناديني وتقول نسينا التمر والقهوه ما وضعناه مع اغراضك وهذه احد الاشياء الضروريه لسفري التمر والقهوه مع الزعفران طبعا افتكرت اني وضعته على دولاب المطبخ قال خويي وش الحل قلت الحل انا نرجع قلت والله بلشه ام العبال يبي لها وداع ثاني قلت تدري نرجع على الخرج ونرسل احد الاخوان ويجيب الجواز رجعنا الى الخرج وقلب يقول ارجع الرياض وقلب يقول ارسل خوينا قلت يالله نرجع الرياض رجعنا الرياض الساعه تقريبا العاشره والنصف ودخلت البيت وقالت ام العيال الحمدالله على السلامه قلت الله يسلمك قالت خير وش الي رجعك علمتها بالسالفه قالت يالله بذي فيه الخير والصالح خوينا منتظر بالخارج يحتريني لاجل نواصل السفر ام العيال تقول والله ماتمشي الصباح وخير استسمحت من خوينا وقال على خير امسينا ذيك اليله بالبيت وقلبي معلق بالسفر وصبح الصبح وصليت الفجر وشربت القهوه والفطور الزين وتصلت بخوينا وقال انا من البارح ماجاني نوم قلت تعال ودع القياده لي والنوم لك مشينا الساعه السابعه والنصف صباحا بسلامة الله وصلنا منفذ الحدود وسئلني خويي وقال جوازك معك قلت الله الله لا يلدغ المومن من جحره مرتين ختمنا جوازاتنا وكانة الساعه الثانيه عشر ظهرا ودخلنا دولت الامارات وقلت وش رايك نريح بذي المحطه ونصلي الظهر والعصر قال طيب بالفعل صلينا وتغدينا واخذنا شيا من الراحه خوينا راح في نومه ونا اتصلت بفارسنا الثالث وقال وينكم رحلتنا قربت قلنا انشالله نصلك رتب الحجز قال كل شي اوكي
الظاهر اني اوجعت روسكم بسالفتي ليكن استحملوني والباقي اعظم والمقالب كثيره ليكن سامحوني على العموم وصلنا دبي بعد المغرب وطبعا مع فارسنا الثالث شقه جنبنا السياره وطلعنا الشقه طبعا الشقه بشارع الرقه نزلنا اغراضناوصلينا المغرب والعشاء جمع وقصر وكل واحد استلقا على سريره وحط رجله بنوم عميق الين الساعه الواحده صباحا وتعشينا و رتبنا امورنا لحيث فارسنا قد حجز لنا على رحله الى شرم الشيخ عبر مطار الشارقه على طيران العربيه يازين هالخطوط ويازين اسعارهم رحله ذهاب واياب 755 درهم على الشخص اصبح الصباح وصلينا الفجر وتقهوينا وفطرنا ورتبنا شنطنا متوجهين الى المطار نحنا الثلاثه الفرسان ووصلنا الى المطار وبلشنا لموقف السياره قلت تدرو نزلو الشنط ووقفوها بالمواقف وقفناها في مواقف بالرسوم وخوينا مايدري على العموم عند رجوعنا لنا سالفه بموضوع الموقف وزنا العفش وختمنا الجوازات وركبنا على متن الطائره اقلعة الطائره بسلامة المولى لنا في الحلقه القادمه مواقف مع ركاب العربيه لحيث كنا فيها عدد يسير وكانت متوجهه الى العقبه ثم شرم الشيخ سامحونا على التفصيل الممل والى لقا في حلقات قادمه الثلاثه
14-12-2005, 01:34 PM
العرض العادي
