الى عمتي

[emaad_32]

عمه ولا هنتي ابيك بستفسار صغير الله يحفظك لنا ويطول في عمرك
يا عمة انا حاجز لى ولزوجتي واطفالي الاربعه شهر 7 ولحد الان ما حجزت فنادق رايك احجز من هنا ولا اروح لبانكوك واحجز من هناك فنادق ورحلات داخليه وادا كان رايك احجز من هناك وش تنصحيحني فيه من مكاتب ووين اروح ومطار بانكوك فيه مكاتب سياحه مثل اسيا رومز مثلا مع العلم اني راح اجلس 17 يوم كيف اقسمها على مناطق تايلند ابغي بانكوك تكون اخر شي تعرفي مشتريات وشنط رايك ابدا بشنغماي ولا ببوكيت.......... انصحيني تراني حايس حوسه

[عمة الجميع]

السلام عليكم بالنسبة لي ماتحرك من دبي الا وانا متاكدة من الحجوزات كاملة الطيران والفنادق والرحلات الداخلية وبما انكم عائلة نصيحتي احجز من بلدك لان الموسم سياحة والطيران والفنادق فل على الآخر لاتوهق نفسك وعند الحجز اتاكد من الفندق ولازم يكتبوا لك نوع الغرف اللي اخترتها وعند الوصول للفندق فيه مكتب سياحي اكد حجز الرحلات الداخلية منهم اخذ رحلتكم بلدك بانكوك تغيير طيارة بوكت وبعدها شنجماي لان فيها تسوق ومشتريات وبعدها بانكوك . شنجماي تكفيك 5 ايام وبانكوك للاطفال احلى لان فيها اماكن ترفيهية اكثر ومشتريات للمدام واللة المشتريات للكل ليش اظلم الحريم بس .رحلة سعيدة ان شاء اللة وانا بعد خلصت اختباراتي وبكون بتايلند بتاريخ13 /7

[عاشق بتايا]

عمتنا ماتقصر الله يخليها لهلها وعيالها ولنا من لنا غيرها بعد الله

[emaad_32]

عز الله انها ما تقصر ابد الله يخليها لنا هالاجازه وكل اجازه