|
|
|
|||||||
| معرض الصور | التسجيل | التعليمات | التقويم | اجعل جميع المنتديات مقروءة |
|
|
|
| تعليمات الكتابة في منتديات سفاري للسفر والسياحة | تعليمات تحميل الصور في ( معرض الصور ) + شرح كيفية التحميل ... |
 |
|
|
أدوات الموضوع | طرق مشاهدة الموضوع |
17-01-2008, 03:36 PM
|
|||
|
|||
|
رحلتي الصيفية إلى معشــوقتي اللاذقيــة وجبالها الأبيـــة..بالصور
البحر......... وما أدراك ما البحر حبيت أبدأ موضوعي بصورة بس ما لقيت أحلى من صورة البحر  تفضلوا نبدأ بالجزء الأول..  بالنسبة لعائلتنا لاااازم كل صيفية نطلع للاذقية لأن بنعتبرها متنفس للعيلة بعد الدراسة بالنسبة إلنا((على أساس كتييييير عم نتعب الله يعينا)) وضغوط العمل بالنسبة للوالد كنا بالعادة نطلع بشهر 9 حتى تخف حدة الشمس شوي بس الصيفية يلي قبلها ما طلعنا فكنا متشوقين كتير للاذقية وما قدرنا نصبرشهرين و بعد النق الطووووووويل والإلحاح المتواصل على الوالد وافق يأخدنا قبل بوقت  اتصل بأبو علاء ((صاحب الشاليه يلي بننزل فيها بالعادة)) وقاله أننا طالعين وبدنا الشاليه لمدة سبعة أيام قاله أهلا وسهلا ابعتولي رسالة أول ما تطلعوا بالباص وقلولي وين رح يوديكم وأنا بكون بانتظاركم  راح الوالد وحجزلنا بباصات الدرجي بدأ النق يوم : 21\7\2007 موعد الحجز : بعد النق بساعة كان الانطلاق يوم: 22\7\2007 الساعة:6 صباحا قيمة التذكرة للشخص الواحد : 150ليرة .....يابلااااااش مركز الانطلاق : كراجات حرستا موعد الوصول : 10صباحا مكان الوصول : الشاطئ الأزرق ليلتها ما نمنا ولا ساعة مو مصدقين ايمتا نوصل ونشك بالبحر الأغراض ولأول مرة صارت بالحقائب خلال نص ساعة طلعنا من البيت الساعة 5 الصبح طبعا ما كان فيه الا القطاط ونحنا بالشارع بعد ربع ساعة من الانتظار لقينا تاكسي واتفقنا يودينا على الكراجات ب75ليرة وصلنا الكراجات الساعة 5 و 35دقيقة مبااااااااشرة بوجهنا عالباص كان لسا ما حدا واصل غيرنا ((نشيطين!!)) كان الوالد حاجزلنا الأربع مقاعد الاولى لأنها الأوسع أخدنا مقاعدنا ومرت هالنص ساعة الأخيرة كأنها خمس ساعات وانطلق الباص وبدأ النعس يسيطر علينا وشوي وبدينا خششششششششششششششش خششششششششش خششش  هييييييييييييييييييييييك حتى وصلنا جنب حمص وقف الباص عند استراحة وقالوا: يلي بيحب ينزل يتفضل بس ربع ساعة وبعدين بدنا نكفي طريقنا انشاااااااااء الله طبعا نحنا ترددنا ننزل ولا مااااااااننزل؟؟ سؤال يسدح نفسه بعد التفكير الطويل تذكرنا أننا ماتعشينا فققرنا ننزل!! ونزلنا وركضنا باتجاه الطعام واخترنا كل واحد على كيفو أنا أخدت سندويشة مرتديلا ب25ليرة وباقي عائلتي طلبوا فطاير جبنة و زعتر سعر الفطيرة عشرين ليرة و4كاسات شاي حجم كبير سعرالكاسة25ليرة وبعد 5 دقايق بدأت الناس تطلع عالباص بس نحنا ماخلصنا وبكل برادة قلب ضلينا قاعدين نكمل أكلنا وأول ما خلصنا لقينا مساعد الشوفير جاية بجلالة قدره حتى يقلنا تفضلوا عالباص طبعا ما حبينا نخجلوا مع أنو لسا ما خلصت كأسة الشاي تبعي آآآآآآآآآآخ أحترق قلبيييييييييي عليها وطلعنا للباص وانطلق وعدنا للنوم مجددا بس هالمرة بمعدة مليييييييييييييانة وما صحينا إلا ونحنا بالشاطئ الأزرق  ساحة الشاطئ الأزرق اذا حبيتوا تعرفوا الباقي....انتظروني بالجزء التاني 
|
|
18-01-2008, 12:14 AM
|
||||
|
||||
|
الله يعطيك العافيه نحن بانتظار ابداعك
|
|
18-01-2008, 12:56 AM
|
|||
|
|||
|
التعديل الأخير تم بواسطة : الراكع لله بتاريخ 18-01-2008 الساعة 01:00 AM.
|
|
18-01-2008, 09:37 AM
|
|||
|
|||
|
الحمدلله على السلامه اقتباس:
لأننا نستفيد من هكذا أماكن خصوصآ وأن من يرتادها هم أهل البلد يعني مضمونه من ناحية الجودة والنظافة بأنتظار الجزء الثاني يعطيك العافيه
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
