|
16-06-2007, 04:46 AM
|
||||
|
||||
|
$$الطريق الجديد$$
السلام عليكم ورحمة الله وبركاته في تاريخ 1-6-2007 قررت فجأة زيارة سوريا لشدة شوقي لأيام قد مضت وأحباء لي هناك لم أرهم منذ مدة ليست بالقصيرة فكانت لي الزيارة لمدة خمسة أيام ثم رجعت وقررت أن أتكلم عن الطريق الجديد لعدم وجود ما يشجع لكتابة تقرير. ذهبت أنا ورفيقي العزيز على السيارة وكانت محطة الإنطلاق الرياض وبعد مشاورات قررنا رؤية الطريق الجديد وتجربته بعد رد مشرفنا العزيز أبوحنان وإفادته أن الطريق الجديد جاهز تقريباً وبعد تفحص الطريق عبر ال Google Earth. طبعاً الرياض القصيم عبر الطريق السريع وبعد الوصول إلى مدينة بريدة (مسقط رأسي) الطريق مسافته 350 كم بعد الوصول إلى مدينة بريدة (الحين أبكتب لكم الوصف لعدم وضوحه ولقصر المسافات لكم وإذا إتبعت اللوحات في بعض المدن تبي تتوه) أول ما تدخل بريدة يجيك على طول الدائري على اليمين أدخل مع الدائري بعدين يلف بك الخط يسار خليك ماشي لحد ما يجيك لوحة تقول المطار يمين لف يمين وخلك ماشي لحد ما تاصل مدينة حائل (طبعاً طريق بريدة حائل ثلاثة مسارات لكل إتجاه سريع لكن باقي الشبك ما فيه يعني لا تسرع خلك ماشي 120 علشان البعارين) طول الطريق تقريباً 290 كم بعد ما تاصل مدينة حائل تبي تجيك إشارات خليك ماشي سيدة لحد ما توقف عند إشارة في الزاوية المقابلة على اليمين شقق الديوان المفروشة الحين لف يمين وخليك ماشي على طول يبي يجيك دوار يقولك قصر اجا على اليسار خليك ماشي على طول (مافيه مانع إنك تزور قصر أجا ومدينة حائل من أجمل مدن المملكة وتستحق الزيارة) المهم خليك سيدة لحد ما يجيك مجسم على اليسار على شكل طاسة فيها يوسف أفندي ولا تمر ما أدري بالضبط المهم بعد المجسم هذا لف يسار يبي يجيك مجمع الملاعب الرياضية على اليمين و صوامع كبيرة على اليسار بعد الصوامع ب 800 متر يجيك طريق على اليسار قبل قرية الجثامية لف يسار مع الطريق تجيك لوحات تحذيرية إن الطريق غير جاهز ما عليك منها ولا تخاف الآن أنت في طريق حائل الجوف وهذا الطريق هو نهاية الغموض بعدها إتبع اللوحات لحد الأردن والباقي معروف طبعاً طريق حائل الجوف خطير نوعاً ما لأنه لم ينتهي وهو سريع ثلاثة مسارات لكل إتجاه لكن كل مسافة ينقطع وتمشي بإتجاه خلك ماسك اليمين علشان ما تقابلك سيارة فجأة ولا تسرع شفت حادث ديينا صادمة بعيرين(جملين) وبعد ساعتين مرت الإسعاف يعني تجي من الجوف أو حائل أيهما أقرب طبعاً الطريق ما فيه خدمات ما فيه أمن طرق ولا الهلال الأحمر ولا محطات بترول ومسافته 380 كم.   بعد الجوف الطريق رايح جاي مسافته 500 كم إلى دمشق ليصبح إجمالي مسافة الطريق 1500 كم تقريباً الطريق الجديد يوفر عليك مسافة 400 كم تقريباً. مغليكم 
|
|
16-06-2007, 08:15 PM
|
||||
|
||||
|
يعطيك العافية اخي وليد
|
|
17-06-2007, 02:05 PM
|
||||
|
||||
|
|
19-06-2007, 02:21 AM
|
|||
|
|||
|
الله عليك غطيت على قوقل ايرث وجماعته ......
|
|
20-06-2007, 05:52 PM
|
||||
|
||||
|
يعطيك العافية اخوي وليد
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
