بسم الله الرحمن الرحيم
السلام عليكم ورحمة الله وبركاته ،،،
وعليكم السلام ورحمه الله وبركاتهـ .
اول مره اروح دبي عندي عمل ثلاثة ايام
ذهابي 8 سبتمبر والعودة 10 سبتمبر
تروح وترجع بالسلامهـ ..
حجزت بفندق جراند حياة دبي عن طريق البوكينق طلعت علي الليلتين بـــ 1900 درهم
اختيار رائعـ . يكفيك انه بشارعـ زايد كل شى قريب منكـ ..
اسئلتي اللي اتمنى تجاوبوني عليها :
ان شاء الله نساعدكـ باللى نقدر عليهـ ..
1ــ فندق جراند حياة دبي كيف من ناحية الموقع والخدمة وهل هناك اكثر من فندق في دبي بنفس الاسم
يقع قريب من شارع الشيخ زايد فى منطقه تجاريه كل شى قريب منكـ .. ( اذا كان هذا الفندق )
http://www.booking.com/hotel/ae/grand-hyatt-dubai.ar.html?aid=1329975&gclid=CITcne3toLkCFZShtA odDlgACQ
2ـ اذا وصلت المطار ماهي افضل وسيلة وطريقة ممكن اوصل فيها للفندق وبكم تقريبا
اذا انت على فلاى دبى راح يكون المطار 3 تستخدم التاكسى ( التاكسى الصغير يفتح العداد بـ 20 درهم والمسافه تقريبا 30 درهم) ( تاكسى العائله ( الكبير ) يفتح العداد بـ 25 درهم والمسافه 30 درهم ) ..
اذا كنت فى المطار 1 او 2 .. لك خيار تاكسى او تستخدم المترو ..
3ــ وايش الاماكن الحلوة اللي اقدر ازورها وتكون قريبة من الفندق واقدر استغل هالثلاثة ايام وبرج خليفة بعيد عن هالمنطقة او لا وايش فيه شي يستاهل الزيارة
نصيحه استخدم المترو يقرب لك كل الاماكن ( الفندق قريب منه وافى مول - امارات مول - دبي مول ) ..
برج خليفه قريب والافضل انك تحجز من النت ارخص بكثير .. ( من النت 120 مباشر من البرج بـ 400 درهم ) ..
شوف رابط المترو وراح يفيدك كثير ..
http://www.sfari.com/forums/sfari6/travel89547/
المطاعم القريبة من هالمنطقة وش هي الزينة
المطاعم اممممممممم فيه مطعم صدف بش شوى بعيد .. وفيه مطعم لافاوتين ..
4ـ كيف اقدر اكوي ملابسي هل يوجد مغاسل قريبة من الفندق لان اسعار الفنادق غالية
ايه الفندق فيه كوايه .. والشارع فيه مغاسل على مااعتقد ..
5ـ كم الميزانية اللي ممكن ادفعها وتكفي للتمشية لشخصين لاني بيكون معاي صاحب لي مقيم في دبي من جديد
تعتمد على حسب استخدامك للتاكسى او المترو .. المطاعم تاخذ وجبات سريعه او مطاعم . الاماكن السياحيه اللى بتروحها .. انت حط فى بالك من 500 الى 700 درهم .. كحد ادنى ..
6ــ لغتي الانجليزية صفر هل ممكن امشي حالي مع الفندق لاني سمعت مافيه عرب شغالين بالفنادق او الاغلب على مااظن
عادى لاتهتم تراك فى دوله عربيه .. اكيد فيه اشخاص يتكلمون عربى ..
7ـ انا هويتي هي الجديدة هل تكفي بالسفر والفندق مايطلب جواز سفر ويكتفي بالهوية كاثبات
ايه تقدر تسافر فيها .. ومايحتاج جواز .. كل دول الخليج بالهويه الوطنيه ..
الهويه الوطنيه تكون مثل اللى بالصورهـ ..
الله يجزاكم الخير ويجعلها في موازين حسناتكم
ويجزاك خير واى سوال لاتترد ..
رحله موفقه
صموتهـ ..