|
03-07-2009, 06:35 PM
|
|||
|
|||
|
انا مسافر بالعائله بر عن طريق تبوك ومعي الشغاله اخاف يسون لي حكايه وبالنسبه لاجراءات خروجها الاخوان يقولون لازم تاشيره من وين اخذها ورسوم دخولها كم بالظبط . واحنا رسوم دخول السياره كم يعني كم المبلغ يكلفني للدخول الى الاردن وسوريا انا وعائلتي والشغاله والسياره ايجار تمليك تاهو . والمده تتدخل في الرسوم لاني يمكن اجلس اسبوعين او 17 يوم . ولو بروح تركيا فيه اوراق احتاج اسويها من هنا للسياره و للشغاله وبايش تنصحوني لاني حايس. واذا ما في كلفه اذا تعرفون رقم مكتب يساعدني سواء هنا او هناك عشان الايجار يعني احد له تجربه وثقه وشاكر لكم
|
|
03-07-2009, 07:53 PM
|
||||
|
||||
|
اخوي ميمو
يسعد لي مساك انت حايس وشكلك حستني معك ههههه بالنسبة للشغالة اول شيء تطلع لها خروج وعودة من الجوازات واذا عندك سفرة قريبة لجدة مر على القنصلية الأردنية والسورية وخذ من عندهم التأشيرة وبالنسبة لسوريا الأفضل تكون لعدة سفرات لأنك راح تطلع من سوريا لتركيا وترجع وممكن تأخذ التأشيرة من نفس الجمرك الأردني والسوري في الأردن تدفع تأمين مرور 9.5 حوالي 55 ريال وللشغالة تدفع 10 دنانير حوالي 60 ريال يعني تأمين الشغالة اغلى من السيارة ههههههه وفي سوريا تأمين تدفع 270 ريال + 500 ليرة (40ريال) رسم دخول والشغالة اعتقد حوالي 100 ريال بس انها بالجمرك السوري تطول وتدوخ لما تطلعها يعني افضل واريح انك تطلعها من السعودية اما السيارة ما دامها تأجير فلابد من تفويض من الشركة المالكة ويكون مصدق من المرور والغرفة التجارية وتكون صورة الإستمارة مختومة طبق الأصل ولا تنسى التربتك لأنه يخفف شوي من الدفع بسوريا ويعطيك مدة اطول اما تركيا اللي اعرفها انك تدفع بالجمرك 20 دولار بس واذا راح تطلع من جمرك باب الهوى عن طريق حلب ما عندك مشكلة بالوقت اما اذا بتطلع من الجمرك اللي عند كسب لازم توصلهم بالنهار لأنهم بالليل يقفلون شكلهم ما فيه زباين بالليل هههههههه لقلة المسافرين عن طريق هالجمرك ما يفتحونه إلا بالنهار وفيه وقت محدد بالليل يقفلونه وعندي لك سؤال وش تقصد بالمكتب والأيجار
|
|
03-07-2009, 08:33 PM
|
||||
|
||||
|
اخوي يقول الشاعر
لا تسبق الأحداث ما فيه داعي اتوكل على الله ولا تنسى دعاء السفر واربط الحزام وان شاء الله مو صاير إلا كل خير بس نصيحتي لك لا تطول بدمشق كم يوم واطلع لحمص وللمشتى والساحل والشمال فهناك راح يتغير عليك كل شيء المناظر .. المعاملة .. الجو .. الأسعار بالنسبة للتأشيرة مثل ما قلت لك حوالي 100 ريال وورقة الخروج والعودة يمكن 200 ريال وماني متأكد وتفويض السيارة يعتمد على المدة اللي انت تطلبها يعني اذا طلبت من الشركة تفويض لمدة شهر تدفع قسط شهر مقدم واذا شهرين قسطين وهذي ممكن تستفيد منها الأسواق عندك سوق الحمراء وسوق الحريقة والشعلان وبعض المحلات في باب توما اما الحميدية خلوه زيارة وتمشية ومرور على المسجد الأموي وميلوا على بوظة بكداش او دمشق ولا تنسوا عصير التوت بآخر السوق لكن ما انصحكم تشترون منهم شيء لأنهم غالين ونفس بضاعتهم موجودة بأسواق ثانية وارخص وهذي اسواق ومولات جديدة شام سيتي سنتر مجمع تاون سنتر سيتي مول المطاعم الكمال .. بوابة دمشق .. الميدان زمان .. الصحي .. القرية .. قصر النبلاء .. مروش .. ست الشام مطاعم دمشق القديمة الخوالي .. بيت جبري .. بيت جدي .. قصر الأمويين .. دمشق القديمة بالإضافة إلى بعض مطاعم الربوة مثل توشكا والعجلوني وهذي ثلاث مطاعم لابد من زيارتها وتذوق اكلهم الطيب أبو الخير ويقع مقابل جامع الدرويشيه أبو العز بجانب الجامع الأموي في الحميدية سحلول بساحة المرجة بالنسبة للنصائح انت اكبر من ان ننصحك بل ننتظر منك النصيحة والإرشاد ولكن هذي نقاط لمجرد التذكير مو اكثر - اول ما توصل مر على السفارة وسجل جوازك - الحذر مطلوب والحرص زين - لا تقف عند اي حادث او مشكلة في الشارع - لا تدخل في مناقشات وخاصة السياسية مع اي شخص كان - الأفضل ترتيب مشاويرك مثلا خل التمشية والترفيه بالأول والتسوق وشراء ما تريده في الآخر - دمشق جميلة ورائعة وفيها الكثير من الأماكن التي تستحق الزيارة ولكن لمن يعرفها او على الأقل عنده خلفية عنها لذلك انصحك بالمرور على بعض المواضيع والتقارير والبرامج السياحية ومؤكد انك راح تستفيد منها نصيحة تذكرها ان ذهبتوا إلى جبل قاسيون لا تجلسوا على اي طاولة حتى تسألوا عن قيمتها فهناك وللأسف البعض قد استغل سمعة وبهجة ومكانة هذا الجبل الأشم الصامد طوال مئات السنين بجشعه وطمعه ولو كان الأمر بيد قاسيون لرماهم من على هذه القمة ليرتاح هو ويرتاح زائروه الذين جاءوا من اجل ان يشاهدوا ويمتعوا عيونهم بمنظر لن تراه في أي مكان آخر نصائح للصرف الأفضل ان تكون قد صرفت من مدينتك بعض الليرات لو مبلغ بسيط ( مثلا 500 ريال ) افضل واحسن مكان تصرفه من عنده بالشام كشك علي الدولي وفي نظري افضل صراف 5111581 5125801 - لا تصرف من اي شخص يعرض عليك بالشام حتى لو كان السعر مغري - لا تصرف ببطاقة الصرافه او الفيزا عن طريق اي من محلات الصرافه - لا تعطي بطاقة الصراف لأي شخص مهما كانت الظروف لأنهم سوف يقومون بسحب رقمك السري وعند خروجك راح يسحبون اللي في رصيدك - بطاقة الصراف بإمكانك ان تسحب عن طريق الصراف ومكائن الصراف منتشرة في الشام وبعض المدن وفيه مكائن صراف كثيرة لهذه البنوك البنك العقاري .. بنك التجاري السوري .. بنك بيمو الفرنسي لكن نصيحة اجعل استخدام بطاقة الصراف آخر الحلول اقصد اذا معك فلوس ما فيه داعي لإستخدام البطاقة لأن البنك يأخذ عليك عمولة وفيه تنبيه لأحد الإخوان في هذه الصفحة عن السحب بالطاقة ميل عليه واقرأه زين وبالتوفيق
|
 |
| الكلمات الدلالية (Tags) |
| الخيول, الرجاء, ابو, حنان |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
العرض العادي
