مســاعده من اهل الخير .. بخصوص تنظيم رحله لسويسرا والنمسا ..

[المسـافره]

المشاركة الأصلية كتبت بواسطة cheese

ممتااااااز .. كذا حلو

20 يوم و 45 الف ميزانية بدون التسوق

قبل البرنامج اجاوب على سؤالك حول النافقيشن .. هو نفسه " القارمن " الذي ذكرته سابقا

يجي اذا طلبتوه مع السيارة .. لكن ما تصمنون نوعه

ممكن يكون قديم و اكيد بيكون باللغة الالمانية و احتمال اقل يكون بالانجليزية

لذلك الافضل انكم تشترونه من هنا .. يكون باللغة العربية شامل و تأكدوا انه معه خرايط اوروبا محدثة

بالنسبة للسيارة فيفضل تكون كبيرة .. و الأحسن تكون بوكس " واجن " عشان الشنط ما تضايق الطفل

فورد فولكسواجن مرسيدس .. اهم شي تكون تعمل بالديزل .. لأنه يقطع مسافات اكبر بدون استهلاك كبير

الجو في اغسطس ممتاز .. اذا الجو صحو بتكون الشمس حارة شوي من 10 صباحا الى 2 ظهرا

لكن الغالب بيكون غيوم و امطار و فلة حجاج

البرنامج رسمته لك على الخريطة بالمسافات ( على الخريطة ) و مو ضروري تكون حقيقية

لأن الطرق تلف و جبال و انفاق و قرى .. اهم شي تتحركون بالسيارة بدري الصباح لتستمتعوا بالطريق و ما يجيكم الليل و انتم ما وصلتوا .. على افتراض انكم بتوسعون الصدر بالطريق و تنزلون للمطاعم و الاماكن الجميلة التي تمرون بها



اذا 20 يوم نوزعها لك بعد التأكيد .. اذا 15 يوم ممكن نحذف انسبروك و جنيف

طبعا هذا البرنامج بدون التفاصيل .. التفاصيل كلها موجودة بالمواضيع المميزة و اذا فيه اي استفسار ما حصلتوا له جواب .. اسدحوه هنا في هذا الموضوع

تقبلي تحياتي

أبدعت اخوي تشيز

روعه بمعنى الكلمه والله انك رهيب ..

الله يوفقك ويرزقك كل 3 شهور رحلة بميزانيه مرتفعه جدا جدا

اليوم ارد عليك الأكيد علشان توزيع الأيام ..

ودخلت على موضوعك Europa-Park في ألمانيا .. قمة المتعة و الإثارة !

بصراحه ررررروعه المكان مو طبيعي وفي صور لفندق خيال ابي انام فيه

خلال اليومين انا بدخل على كل المواضيع المتعلقه بالمدن إلا راح نزورها وبجمع معلومات علشان أخفف عليك وأي سؤال راح اسدحه لك هنا

الله يسعدك .. دمت بود ,,

[المسـافره]

عدنا

اعتمد اخوي على 20 يوم والميزانيه 45 ألف شامل السكن والتذاكر والأكل والسياره والتمشيات .. اكيد تكفي ؟؟

وياريت تحدد لي بكل منطقه وين احجز بفندق يكون قريب بين 4 نجوم و3 نجوم ..

تعبتك معاي ..

دمت بود ..

[المسـافره]

سؤال كمان بخصوص تحويل العملات .. نصرف الأن وله بعدين .. بالنسبه لي افضل الأن علشان يمكن وقتها يرتفع اليورو ..

وكيف يكون شيكات سياحيه وله كاش ؟؟

يسلموو ..

[cheese]

ميزانيتكم ممتازة لا تخافين

لكن يا ليت تذكرين كم اشتريتوا التذاكر و كم حسبوا لكم تذكرة الطفل ؟

الفنادق ملحوق عليها بعد تأكيد شراء التذاكر و امرها سهل بحول الله

بالنسبة للمبالغ فتكون موزعة على شيكات سياحية و بطاقات ائتمانية و كاش يصرف من هنا قبل الذهاب

مهم تتطلعين على المدن المحددة بالبرنامج من خلال مواضيع الاعضاء و صورها

لو ما اعجبك شي .. نشيله

[المسـافره]

بالنسبه للتذاكر لسه ماحجزنا شي قال لنا المكتب لازم اول تطلع الفيزا لان ممكن تنرفض ..

لما سألت قال لي 3500 للشخص و2600 للطفل عمره 5 سنوات و9 شهور ..

بالنسبه للمدن بس انسبروك يبي لي اسوى عنها بحث اكثر .. افكر مثلا لوقانو او لوزان .. بس لسه ماسويت بحث وما اعرف طبيعتها ..

دمت بود ..

[المسـافره]

عدنا

هلا اخوي تشيز يعطيك العافيه ..

قررت اني اروح لوقانو كثير شجعوني عليها الأهل ..

وبشيل انسبروك من القائمه ..

وبالنسبه لليورب بارك .. بس زياره وله اسكن فيها !! ولو فيها سكن كم يوم يكفي ؟؟

وابي اروح قرية ديفون الفرنسيه وقرية فرنيه .. اقدر اروح لهم من جنيف ربع ساعه بالسياره ..

وبعد ابي تبدأ الرحله من سويسرا علشان اقدر احضر الكرنفال في جنيف ..

بالنسبه لتوقيت الرحله لحد الأن ماتحدد لان عندنا رحلة عمل للبحرين بتاريخ 18 الشهر الجاري وبنسلم الجوازات يوم 20 وتاخذ تقريبا 3 أسابيع بس بيكون في بداية اغسطس اكيد ..

تعبتك معاي .. عذرا لأني غيرت مسار الرحله ..

دمت بود ..

[cheese]

لا كذا انا زعلت .. خلاص

مين دخل في مخك هذي الاشياء ؟!

عموما .. انا ابديت رأيي و انتي حرة

قررت اني اروح لوقانو كثير شجعوني عليها الأهل ..

وبشيل انسبروك من القائمه ..

طيب هذا حلو و ما عليه خلاف .. انا اؤيدك فيه

وبالنسبه لليورب بارك .. بس زياره وله اسكن فيها !! ولو فيها سكن كم يوم يكفي ؟؟

انا وضحت في موضوعي في سفاري المانيا

انه من الافضل السكن فيها او في مناطق قريبة منها

يكفي التعب اللي بيصير اثناء التمشية و اللعب هناك

ما يصير تجون تعبانين قبل لا تدخلوها

انا اعطيها يومين كافية لاستكشافها

وابي اروح قرية ديفون الفرنسيه وقرية فرنيه .. اقدر اروح لهم من جنيف ربع ساعه بالسياره ..

ممكن تستفسربن عنها في سفاري فرنسا .. انا ما سبق و رحتها

وبعد ابي تبدأ الرحله من سويسرا علشان اقدر احضر الكرنفال في جنيف ..

انا تخربط مخي .. ارسي على بر و نشوف البرنامج المناسب لك

بالنسبه لتوقيت الرحله لحد الأن ماتحدد لان عندنا رحلة عمل للبحرين بتاريخ 18 الشهر الجاري وبنسلم الجوازات يوم 20 وتاخذ تقريبا 3 أسابيع بس بيكون في بداية اغسطس اكيد ..

تعبتك معاي .. عذرا لأني غيرت مسار الرحله ..

بالتوفيق لكم في رحلة العمل .. لكن ما يمنع تسوون الحجوزات و التذاكر قبل الزحمة و ارتفاع الاسعار

حياك الله .. و اي خدمة حاضرين للطيبين

[المسـافره]

والله فشلانه منك

ادري اني عفست الدنيا وغيرت التخطيط ..

بس مثل ما قلت لك ابي الرحله تبدأ بسويسرا علشان الكرنفال

والمدن هي جنيف(( ومنها لديفون وفرنيه زياره لمدة يوم او نص يوم)) لوقانو انترلاكن زيورخ ميونخ ويورب بارك زيلامسي سالسبورج فينا ميونخ ويورب بارك ..

وبإذن الله انا براجع مكتب السفريات اليوم علشان الحجز إذا يصير من الأيام هذي وقبل استخراج الفيزا ..

ولما يتحدد موعد السفر بسدحه لك هنا

ومشكور يالطيب ..

دمت بود ..

[المسـافره]

والمدن هي جنيف(( ومنها لديفون وفرنيه زياره لمدة يوم او نص يوم)) لوقانو انترلاكن زيورخ ميونخ ويورب بارك زيلامسي سالسبورج فينا ميونخ ويورب بارك ..

انا كررت في غلط

وهذا التصحيح والمدن هي جنيف(( ومنها لديفون وفرنيه زياره لمدة يوم او نص يوم)) لوقانو انترلاكن زيورخ زيلامسي سالسبورج فينا ميونخ ويورب بارك ..


اول ماترد على وين ابدأ الرحله وعدد الأيام .. بتلاقيني طيران على مكتب السفريات وتعبك مابيروح بلوشي

ولك دعوه صادقه بكل خطوه

دمت بود ..

[cheese]

طيب .. بس عطيني وقت لأني مشغول اليوم

بس تراه آخر برنامج

تحياتي