مساعدة يا اهل الامارات واهل الخبرة

[mesa3d0]

السلام عليكم ورحمة الله و بركاته
كيف حالكم يا احلى اعضاء
انا مخطط باذن الله اروح دبي مع الوالد واختي وانا من جدة المهم التاريخ حيكون من يوم 18 سبتمبر او 19 لمدة 7 ليالي تزيد او تنقص ليلة
ف الوالد اقترح انو نسكن في الشارقة على اساس انو كلها كم يوم نوفر فيها للعب او اماكن تانية افضل
بس انا قريت انو رح يضيع علينا الوقت من الشارقة لدبي يوميا
دخلت بوكينق وما لقيت الفرق الكبير في السكن بين الاتنين ولا ايش رايكم طبعا كلهم شقق فندقية
------------------------------------------
لقيت طيران ناس ب 1070 تقريبا
الخطوط السعودية 1370 تقريبا
تحسو فيها فرق يستحق او لا
-------------------------------------------------
الان خلصنا من الكم سؤال
باقي امور السياحة عندي كم سؤال عنها
الرحلة حقت سفاري وقت ما نوصل للبر الاقي دبابات و بقيات ؟؟ وكم تقريبا سعرها+افتكر من اول مافي جت سكي في دبي هل رجعوه ولا ما زال ؟ +سؤال محرج شويا اتلانتس عندهم احد انواع اللعب مع الدلافين مكتوب انك لازم تكون تجيد السباحة انا مو مره جيد ولا اني مره سيء يعني ب اللايف جكت اقدر اسبح عادي فهل اعتبر سباح جيد ولا ؟هههههههههه
اعطوني ارائكم في الاماكن السياحية او الامور الي اقدر اسويها
تعرفو وايلد وادي ما ينفع+الانشطة الي فيها سباحة وكلو مفتوح ما ينفع ههههههههههههه غير انو الوالد لا يفضل انو لحالي فمافي حماس +لو ابغى العب جت فين الاقي ؟ +ان شاء الله اني ما ثقلت عليكم..

[mesa3d0]

اتوقع انكم مشغولين لكن ان شاء الله احد يرد في اقرب وقت

[ياسرر السبيعي]

أول شئ بخصوص الطيران دبي ماهي بذيك الدوله البعيدة من وجهت نظري أخذ طيران ناس واوفر 300ريال للتذكرة الواحده
بخصوص الفندق عندك فندق رمادا تشيلسي البرشا أخذ فيه حول هادئ خدماته جيده جدا ما فيه أي إزعاج وسعره رخيص وحلو
وبخصوص سكنكم بالشارقة فيه خساره مالية لأن أقل شئ تروحون لدبي بي100وترجعون للشارقة بي100يعني مواصلتكم 200ريال يومي
والجزء الأخير من استفسارك م عندي أي معلوومة عنها

[mesa3d0]

يعطيك العافية اخوي على ردك ورايك في انتظار البقية

[صموته]

فى البدايه تروحون وترجعون بالسلامه
الطيران افضل لك الطيران الاقتصادى بس اهم شى حط فى بالك الوزن كم
بخصوص السكن الافضل تسكن بدبى عشان مخاسير المشوار وفوق كذا التاكسى بدبى غالى فخلك على السكن بدبى اريح لك
سفارى تختلف من شركه لشركه فيه شركه بعد ماتطعسون توقفك فى مكان حق اللى يبون يستخدمون الدبابات وفيه شركه تحصل الدبابات بالمخيم الافضل تسال الشركه اللى راح تحجز منها
الجتى اظن انه فى جميرا وراء فندق هيلتون
رحله موفقه

[mesa3d0]

الله يسلمك
يعطيكي العافية اختي صموته
ردك كافي و وافي ما شاء الله
شكرا