مرحبا بكم جميعا
و كل رمضان وانتم بخير والف صحة وعافية
يا شباب الكوسا محشي ... وانطلق يا (ك ر ... نا)
واجعل السلطة شهية .... وانتفخ يا (ب ط ن ن ا)
ممممممممممم
ما أشهى وأحلى رائحة الأكل بعد نضجه
سنضع الطبق بين أيديكم
ثم نخبركم بتفاصيل وطريقة العمل
تفضلووووااااااااا
محشي ورق الدوالي والكوسا بالأرز والخضراوات
مخشي الكوسا المحشو باللحم والصنوبر
اما كيف عملنا المخشي .. خلينا نشوف سوا وبالصور المختصرة ... يلا بنا
أول شي قلينا اللحمة مع زيت الزيتون على النار و وضعنا الصنوبر المقلي فوق الحشوة
وهون واحنا عم نقلي الصنوبر... عم نقلي شو؟؟؟ في حد حكا لوز !!!ركزوا منيح والا
منفرط الطبخة ومنرجع كل شي محلو
ايوة وين صرنا؟؟!!
نقرنا الكوسا وخلصنا ... الكوساية الي عاليمين للحشي والي عاليسار للمخشي .. والفرق في سماكة كل كوساية فالتي للمخشي لازم تكون أسمك شويتين .
هلأ رتبنا الكوسايات بعد الحشي بحشوة الخضار
من امام
من الخلف
وهذه حشوة الخضار المكونة من رز وبندورة وبصل وفليفلة وماء بندورة وزيت زيتون وبهارات شهية
وهاي منظر الكوسايات بعد ما استووا ... عجبوكم؟؟؟ الي حب شكلهم ياخد وردة من هون
والي مو عاجبينو يطلع برات التقرير
ونرجع للمخشي
بعدما حشينا جزء من الكوسا باللحم والصنوبر نقليهن في الزيت عالخفيف(يعني تشويح)
ونجهز اللبن الذي سنغطس به حبات الكوسا... (كما كنا نجهز لبن المنسف)
و بعد هيك نسقط الكوسايات باللبن شوية شوية وعلى أقل من مهلك ومنخليهم عالنار شوية
واما كيف جهزنا ورق الدوالي ؟؟
هذا ما سنشاهده في الحلقة القادمة و سنعرف أيضا كيف حشونا اليقطين اخو الكوسا (الله يخليهم لبعض العمر كله أصحاب وحبايب عالسفرة و بالمعدة ووين ما كانوا )
وصحتين وعافية على قلوبكم
وريتها سفرة دايمة
نلقاكم في الحلقة القادمة