كشتة مغارة المضباعة

[المكتشف المغامر]

ماشاء الله تستاهل العنوة دام انها خضرا

مشكور ابو ابراهيم (( بس ترانى ننتظر الأجابة - من اللي لابس مريول ههههههه )) منك للباخص مالي دخل شقراويين وتنجازون بدوني

[أبو حمد الثاني]

السلام عليكم ورحمة الله وبركاته


أول شيء بو براهيم لا تعلم أبو عبدالرحمن أني جيت من هنا ويحرجني بالتقرير اللي الظاهر أن بيضة الديك تواجه أكثر منه


ثاني شيء الله لا يهينك ان حصل تعطينا احداثيات الموقع لأن شكله يفتح النفس والله


ثالث شيء ولا عليك أمر ياليت تعلمنا عنه شوي يعني كيفه زحمة يعني كثير اللي يجونه ولا لا وهل هو خطير ما يصلح يجون فيه الأطفال ؟؟ الطريق له من الزفلت كم كيلو تقريبا وهل تصلح له السيارا ت الصغار ولا الدفع الرباعي أحسن


يا صبرك علي

فمان الله

[نعنوشة]

مكان مخيف ... لا يصله الا شجاع ومغامر.ما شاء الله... تستحق لقب المغامر الشجاع 2

[حايط علا]

المشاركة الأصلية كتبت بواسطة أبو حمد الثاني

السلام عليكم ورحمة الله وبركاته


أول شيء بو براهيم لا تعلم أبو عبدالرحمن أني جيت من هنا ويحرجني بالتقرير اللي الظاهر أن بيضة الديك تواجه أكثر منه


ثاني شيء الله لا يهينك ان حصل تعطينا احداثيات الموقع لأن شكله يفتح النفس والله


ثالث شيء ولا عليك أمر ياليت تعلمنا عنه شوي يعني كيفه زحمة يعني كثير اللي يجونه ولا لا وهل هو خطير ما يصلح يجون فيه الأطفال ؟؟ الطريق له من الزفلت كم كيلو تقريبا وهل تصلح له السيارا ت الصغار ولا الدفع الرباعي أحسن


يا صبرك علي

فمان الله

هلا بو حمد مالك هم منيب معلم الباخص بس وين تروح مني أبلجك أنا وانت فيك الخير والبركة



بالنسبة للإحداثيات ماعندي له إحداثيات بس أي واحد من أهل الحريق لو رحت يدلك لإنه معروف عندهم

مهوب بعيد عن الخط ولا فيه أحد يعني زحمة ماكو لإن الوصول له شوي فيه مغثة بتشديدالثاء

مايروح ألا واحد يبي يكتشف بس


مافيه خطورة بس يبي حذر في النزول لاتزلق مافيه مشكلة أطفال بس يعرفون يدبرون أنفسهم ويفهمون

الكلام والتوجيهات

ممكن توقف السيارة الصغيرة بس تمشي لك مشيوير لو معك دفع رباعي بتقلل المشوار



ويسرني خدمتك باللي تامر لايردك ألا الكيبورد

[حايط علا]

المشاركة الأصلية كتبت بواسطة نعنوشة

مكان مخيف ... لا يصله الا شجاع ومغامر.ما شاء الله... تستحق لقب المغامر الشجاع 2

أشكر لك إطرائك وتراي صدقت أني شجاع يعني أبنافس (فارس الشجاع)و(المكتشف المغامر)


نقولهم راحت عليكم

[ابوضرار]

مكان جميل جدا للجلوس في الظل وعلى العشب
ولا يكون هذا المكان جميلا بدون تصليح غدا من يد حايط علا
والله أشتقنا لرؤياكم

[حايط علا]

المشاركة الأصلية كتبت بواسطة ابوضرار

مكان جميل جدا للجلوس في الظل وعلى العشب
ولا يكون هذا المكان جميلا بدون تصليح غدا من يد حايط علا
والله أشتقنا لرؤياكم

والله مرورك ياحبيب الكل هو الأجمل


تشتاق لك العافية والله ان الواحد يفرح بشوفتك وينبسط علها تكون قريبة