السلام عليكم ورحمة الله وبركاته
اليوم الساعه السابعه صباحا ، جهزنا الفطور ودله شاي وقهوه وقلنا خلنا نروح نتمشى في البر ،
لكن للأسف الجو كان مشمس ، لما صارت الساعه 30-9 العيال قالوا نبي نروح محمية العرين ، وغيرنا الاتجاه قلنا يالله اليوم يومهم ، مع العلم اننا سبق زرناها أكثر من عشر مرات
وقلت فرصه نصور لكم كم صوره
نبدأ بسم الله
منتزه محميه العرين
AL AREEN
ت / 17836116
تحتوي على : قاعه العرض -مركز الهدايا - الكافتيريا - استراحه الكافتيريا - مسجد - عيادة للصقور - خيمه للصقور - وحظائر للحيوانات - حديقة للنباتات البرية - وحده تعليمية - منتزه للطيور المائية - منتزه للطيور البريه - وجلسات حلوه
تحتوي على 40 نوع من الحيوانات - 60 نوع من الطيور - 80 نوع من النبات البريه المزروعه - ونخيل
من السبت الي الخميس
مواقيت عرض الفيلم كل ساعه تقريبا تبدأ من الساعه 30-8 صباحا ال 30- 3
ومواقيت تحرك الحافلات تبدأ من 9 صباحا وكل ساعه تقريبا ال 4 بعد الظهر
تفتح من الساعه8 تقريبا الي 4 مساء
سعر التذكره 500 فلس واقل من 3 سنوات مجانا
هذا مدخل المبنى
هذا الصاله لعرض الفيلم عن المحميه وفيها مجسم المشروع
هذا محل الهدايا
هذا ولدي فيصل يطالع الخريطه علشان يتعرف على خط السير ، ويتفرج قبل نركب الباص
هذا الاستراحه وفيها الكافتيريا
المهم ركبنا الباص
والجوله تاخذ تقريبا 45 دقيقه
هذي منتزه الطيور المائيه وبابتدي فيه ان شاء الله
نزلونا من الباص وقالوا لنا لكم 15 دقيقه تتفرجوا فيها ، بس والله انا أخذت راحتي
هذي بعد بنوتي ، ماشاء الله عليه كانت تراكض وراء طائر الكروكي ، متنا من الضحك ، هذا الطائر بتشوفونه بعدين يحب اللعب مع اليهال الظاهر ،
هذا الطائر قالي المرشد السياحي ان أسمه فردوس الجنه ، سألته ليش قال كذا يسمونه
هذا طائر الكروكي
خلكم معانا ، تابعونا في صور كثيره للطيور والحيوانات
يتبع