|
21-04-2008, 07:50 PM
|
|||
|
|||
@@@ رحلتي لقطر بالصور @@@
السلام عليكم الاسبوع إلي طاف رحت قطر ثلاث ايام اغير جو 37 دقيقه بس بالطياره من بوظبي الي الدوحه ايجار السياراه 270 كامري 2008 غالي شوي التكاسي نادره وغاليه شوي الشوارع تضيع وايد وايد وضيقه وزحمه وخاصه لاني ما اعرف الدرب امممممممممم بصراحه بدون زعل اذا قطر قادره انها تسوي اولمبياد واسياد الامـــــــارات قادره على انها تسوي كل بطولات العالم بدون مبالغه شعب قطر طيب لابعد الحدود وخاصه انهم يحبون الاماراتين وطبعا لازم وانت تتمشي في مول ولا مكان تحصل كم كلمه حلوه من بعيد اي حد يمر عليك يقولوك هلا بعيال زايد حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود رحب فيني كانه يعرفني من زمااان وما قصر وعماد الحوسني سجل هاتريك  عدد الصور 40 انتظروا التحميل شوي طيارتي طبعا الساعه 10 الصبح يوم الجمعه قلت بروح المطار شوي بوقت اتمشى في السوق الحره واتريق     هاي طيارتي اخترت طيران الاتحاد - سعر التذكره 1010 - ارخص من القطريه بواير  وصلت الفندق وهو فندق موفنبيك تــــــــاورز ( نفس مال المنتخب لووول ) خمس نجوم على كورنيش قطر مقابل الفور سيزون اكبر فندق في قطر سعر الليله 890 طبعا هالسعر خاص لانه عن طريق شركة اول شي دخلت هالغرفه من الدور الخامس قلت لا اريد مكان اعلى عطوني في 15    هالعماره ساكن فيها ( الســــــــــــاحر كريمي لاعب نادي قطر)  منظر عام من الغرفه مثل ما تشوفون قطر شغاله بس في نظري كل شي غلط لانه مافي اساس      اهنيه تحت الفندق في كوفي داخل وبرع   مدخل الفندق   طبعا لازم الواحد يروح استاد خليفه في الدوعه عند برج الاولميباد في هناك مول يديد اسمه فياجلاو احسن مول هناك اصلا ماشي مولات غير الستي سنتر وهو قديم شوي بس فيه حركه حلو وفياجلاو مول على الطراز الايطيالي في نص المول في نهر وقوراب ولاند مارك مول عائلي فيه سنيما وكارفور وهادي وبعيد شوي     مدخل المول  اهنيه المبني إلي خلف البرج هو مبني اكادميه اسباير    اهنيه رجعت الفندق وبعض الصور من طريق الكورنيش   شيراون الدوحه على البحر مباشره  انا اهنيه في هالبرج ساكن  مسبح الفندق في الدور 26   منظر من الدور 26  هذا فندق الفور سيزون  طبعا اليلسه في الجاكوزي اكيده وخاصه بعد تعب السفر وتخيل انك مستري وتشوف منظر من الدور 26  طبعا رحبوا فيني وحلقوني بعد لووووووووول وكله في الدور 26  واهنيه الجم وطبعا مالي خص في هالسوالف  مدخل الغرف  ثلاث ايام حلوه مرت وجعت البلاد بالسلامه والحمدالله اتمنى ما اكون طولت عليك واي استفار حاضرين سوري لو في اخطاء املائيه لاني ما رجعت النصوص تحياتي والله اني مواطن  اي سؤال انا حاضر اشوفكم ع خير 
|
|
21-04-2008, 08:10 PM
|
|||
|
|||
|
حلو يا الموعود الامارات شغل وردي لرحلة القطرية الرائعة ،،،، يزين قطر وهلها حبايبنا .... أستمتعت معاك من خلال تقرير وتجولنا بقطر الحبيبة .... من خلال صورك ،،، ونعم بهل قطر وعيال زايد ،،،، وشكرا لك ع التقرير الرائع ،،،،
|
|
21-04-2008, 08:20 PM
|
|||
|
|||
|
تكلفت الفندق 890 درهم عن طريق مكتب سفريات
|
|
21-04-2008, 08:44 PM
|
|||
|
|||
|
يا حي الله الموعود الامارات.. ويا حي أهل الامارات.. بصراحه الصور وايد حلوه .. ومن فتره طويله ما شفت قطر وما توقعتها جي.. الفندق شكله فنان ..ومكانه رائع جداً.. وعلى فكره سعره مناسب وأرخص من فنادق الامارات .. نتمنى نشوف تقارير ثانيه من شخص محترف .. تقبل مني كل التقدير..
|
|
21-04-2008, 08:50 PM
|
||||
|
||||
|
الله الله على هيك تقرير
|
|
21-04-2008, 09:12 PM
|
||||
|
||||
|
|
|
21-04-2008, 10:01 PM
|
||||
|
||||
|
ما شاء الله على اللقطات التي توضح مدى الطفرة العمرانية السريعه التي تشهدها دولة قطر
|
 |
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| طرق مشاهدة الموضوع | |
|
|
العرض العادي
