سوال عن محلات الماركات في الكويت

[تيفه11]

السلام عليكم انا ان شاء الله مفكره ازور الكويت العزيزه

بس ودي اجمع معلومات من الحين

ودي اعرف هل فيه محلات تبيع ماركات بس مخفض عليها مثل موسكينو كالفن كلاين جست كفالي وغيرها بس تكون مخفضه ووين موجودات هي اكيد ماراح القيها في المولات الرئيسيه

ماابي بوتيكات الماركات نفسها لا اعرف هذي وين القاها

وتظنون اسعار الفنادق في تاريخ 18/ 6 هجري تكون ارخص لان احنا في السعوديه لسا ماخلصت اختباراتنا
وانتم خلصتوا

وش تنصحوني فيه ابي شي فخم وسعره متوسط >شكلها ماتجي< وفي اي منطقه هل تصلح في منطقة الشعب المرجانيه ولا لا

طولت عليكم بس وش اسوي مااعرف شي في الكويت

[almannai01]

للرفع

*********

[فطووم]

المشاركة الأصلية كتبت بواسطة تيفه11

السلام عليكم انا ان شاء الله مفكره ازور الكويت العزيزه
حـيـاج اللـه ف بلـدج الثـانـي وموغريـبه عليـنـا احنـا أهـل : )
بس ودي اجمع معلومات من الحين
اتفضلـي =)
ودي اعرف هل فيه محلات تبيع ماركات بس مخفض عليها مثل موسكينو كالفن كلاين جست كفالي وغيرها بس تكون مخفضه ووين موجودات هي اكيد ماراح القيها في المولات الرئيسيه
سمعي اختي في مجمع كامل كله حق الماركات بس كله غـالي .. وانتي تبين اسعار منخفضة مثلا تقدرين اتلاقين شيلة ( حجاب ) على ماركة أو بوك أو بجامة .. كلـه هـذا اب سوق سالميـة وفيـه مركز سيتي سنتر امممم .. اهـو سوق بالسـالمية بجوار دوار الجوازات .. ويمه مسجد .. وداخله في كل مستلزمات العائلة من العاب ومطاعم وفي بعد شركة طفل المستقبل هذا حق الطفل .. واتلاقين بالدور الارضى العديد من المحلات اللي اتبيع ماركات بس تقليـد .. وانتي تبين اسعار منخفضة ف التقليد افضل حل لج ..
وانصحج اتزورين مجمع الافنيوز بالشويخ وبجانبه ايكيا .. وأيضا افتتحوا سينما وانصحج اتروحين حق السينما لأنها جد اتجنن والمجمع يجنن بما فيه من مطاعم وجميع محلات الكويت .. ..

ماابي بوتيكات الماركات نفسها لا اعرف هذي وين القاها
مافهمت قصدج بس اتمنى اني أفدتج ..
وتظنون اسعار الفنادق في تاريخ 18/ 6 هجري تكون ارخص لان احنا في السعوديه لسا ماخلصت اختباراتنا
وانتم خلصتوا
اممم اسعار الفنادق عندنا على حسب فخامة الفندق او الشقة .. ف في اسعار معقولة وحلوة واحلى الشقق والفنادق في البدع وجبال الشقق بحر والمكان شرح وحلو وفيه مطاعم وكافيهات ..
وش تنصحوني فيه ابي شي فخم وسعره متوسط >شكلها ماتجي< وفي اي منطقه هل تصلح في منطقة الشعب المرجانيه ولا لا
اممم منطقة الشعب فيها بعد .. بس أحسن لج منطقة البدع قريبة من المطاعم والمراكز مثل مرينا وسوق السالمية والمطاعم اللي على البحر ومركز العلمي
طولت عليكم بس وش اسوي مااعرف شي في الكويت

حيااااج بالكوييت واذا تبين اي استفسار انا حاضر ومن عيوني

[بو امل]

ياهلا اختي هذي ديرتج الثانيه
بالنسبه للماركات انا فهمت قصدج تبين يكون ماركه بس بسعر معقول ؟؟ عندج مجمع الكوت مجمع اجيال مجمع المنشر وعلى فكره المنشر داخله فندق المنشر واهو روعه وانا انصحج فيه
وعندج مجمع الفنار ومجمع الافنيوز فيه شغلات وايد حلوه يعني هذا المجمع يجمع بين الاثنين الغالي والرخيص وعندج محل ماركه جيس اسعار الشنط بالاربعينات تقريبا
وبالتوفيق............

[تكانه]

الصالحية - الراية - المنشر - فيلا مـودا

لكن أسعارهم أبدآ مو منخفضه و ما أتوقع عندنا أماكن تبيع ماركات أصلية بس بأسعار مخفضة ..

إذا تبين جناط تقليد درجة أولى مثلآ قولي لي عشان أسأل لج ..


\


و مثل ما قالت فطوم الأفنيوز لا يطوفج و مجمع الكوت بعد حده حلو ..

و أتمنى لج إجازة سعيدة بدار جـــابر

[شيخه البدور]

المشاركة الأصلية كتبت بواسطة تيفه11

السلام عليكم انا ان شاء الله مفكره ازور الكويت العزيزه

بس ودي اجمع معلومات من الحين

ودي اعرف هل فيه محلات تبيع ماركات بس مخفض عليها مثل موسكينو كالفن كلاين جست كفالي وغيرها بس تكون مخفضه ووين موجودات هي اكيد ماراح القيها في المولات الرئيسيه

اختى في مجمع اسمه الصالحيه في ماركات بس اكيد مو ارخيصه وفي الرايه واكيد ليلى غاليري تلقين في ماركات ارخيصه في المحلات الي يكون فيها اكثر من ماركة مثل تاناغرا او سامبا او سواني وهذوله تلقينهم في مجمع الكوت ماابي بوتيكات الماركات نفسها لا اعرف هذي وين القاها

وتظنون اسعار الفنادق في تاريخ 18/ 6 هجري تكون ارخص لان احنا في السعوديه لسا ماخلصت اختباراتنا
وانتم خلصتوا
والله اختي ما ادري متى 18> 6 عندكم لو قايله الشهر يكون افضل في اغسطس " شعبان " تنزل الاسعار لان الجو طبعاا ما يساد على السياحة وش تنصحوني فيه ابي شي فخم وسعره متوسط >شكلها ماتجي< وفي اي منطقه هل تصلح في منطقة الشعب المرجانيه ولا لا [size="4"]اذا تبين فندق حلو في فندق على البحر في منطقه بنيدر القار بالقرب من مستشفى السلام اسمه " سويت رويال " وايد حلو وفخم على المستوى المتوسط بس اذا تبين المستوى العالي روحي فندق الرايه اسمه على ما اعتقد كورت ماريوت كويت هذا الفندق فوق مجمع الرايه الفخم الي في ماركات كثيره وشكراا
طولت عليكم بس وش اسوي مااعرف شي في الكويت

[/SIZE

[شيخه البدور]

واسفه نسيت فيلا مودا موجود في مجمع المنشر والمنطقه الحره والماركات تكون ارخص ويسون وايد خصومات