السلام عليكم
الجلابيات الأفضل تلقينهم في محل كلانيكيتن على ما اعتقد اسمه جذي ومكتوب تحته بيت الفن موجود في مجمع الاوقاف طبعاا اهوا تشترين جاهز بس في بالعربيد خياط يعني يكون جاهزلمدة اربع ايام ....بس اذى دفعتي اكثر اليوم الثاني يكون جاهز والمبلغ يفرق دينارين ثلاث والمباركيه بعد في دراريع بس يكونون مو فخمين حيل و الفروانيه و الخيطان متروسه خياطين يكون ارخيص ومقلدين مصممين مشاهير مثل ناديه بو شهري وانسام الخلف وسعد الدواس وحاطيلج التقليد والصوة الي لابستها الفلانه المشهورة واذا تبين شي على مستوى وشيك روحي عند المصممة المعروفه انسام الخلف راح تعرف ذوقج ومكانها في الجابريه على الطريق العام وانشاله اكون فدتكم في شي ولا تنسون الكويت كل شي فيها اهيا ديرة العز اللهم احفظ الكويت من كل مكروه 
29-04-2008, 09:58 AM
ديرة العز " عمار ياكويت
العرض العادي
