المقناص في اندونيسيا صدق ولا كذب ؟ افيدونا جزاكم الله كل خير

[وافي الخصال]

لو سمحتوا يااخوان انا بسافر لأول مرررره الى اندونيسيا بعد اسبوعين , المهم سمعت ان فيه هناك جزيره او جزر فيها مقناص ومكاتب سياحيه لتأجير لاوازم الصيد والسيارات والمرشدين لهذه الرحلات واذا احد يعرف عن هذاا الموضوع ارجو منه انه مايبخل علينا بأي معلومات راح تفيدنا كثير وياليت يجاوب على كم سؤال خفيف يخص هذاا الموضوع :
س1 : اذا فيه هناك جزر للمقناص ارجو اعطائي اسمائها وكم تبعد عن العاصمه جاكرتا ؟

س2 : ماهي انواع الصيد هناك وهل الغزلان والارانب من ضمنها ؟

س3: كم تكلف رحله مقناص لمده ثلاثه ايام اذا كان عدد الشباب ثلاثه اشخاص فقط ؟
وتقبلوا تحيااااتي ...... اخوكم وافي الخصال .

[mesferd]

مقناص .......... ياخوي مقناص بدون غبار ما احس انه مقناص ... هذيك ديره مابها الغبار ... احسن لك رح للسودان

[مجنون اندونيسيا]

من خلال عشرين رحلة الى اندونيسيا خلال عشر سنوات لم اسمع بهذا الكلام البته

بختصار هو موضوع طرحه احد النصابين المعروفين من السعوديين الموجودين في جاكرتا طرحه ليجني من ورائه

صيدا سمين من المسافرين هناك لاول مرة

وعندك الخبراء ورواد السفر هنا راح يوضحون الحقيقة

[وافي الخصال]

مشكورين اخواني على المرور والمشاركه في الموضوع والتوضيح اللي لقيته منكم واخص بالشكر اخوووووي مجنون اندونيسيا وماقصرت ياااخوي على المعلومات ومثل ماقال المثل ( اسأل مجرب ولا تسأل طبيب ) ومدام رحلاتك الى اندونيسيا وصلت الى الرقم عشرين اعتقد باخذ كلامك بكل ثقه وطمأنينه .

وتقبلوا تحيااااااااااااااتي ......... اخوكم ( وافي الخصال )

[almannai01]

mesferd

ومجنون اندونيسيا

احسنتما وبارك الله فيكما

[عاشق سفر9999]

يا أخون يوجد مقناص لكن مو مثل الي عندنا يعني صحراء


انا شايف تصوير مقطع من جوال

والطريقة انك تجي وتختار نوع السلاح وبعدين تختار الي تبي تصيدة ويطلقونة للك ولو صدت غيرة يحسب عليك ويكون معاك مشرف وتختار نوع السيارة بعد


لكن كل هذا في مكان مثل الغابة ولما ترجع يطبخون الصيد للك وكذللك عندهم فلل وانا متأكد من الكلام هذا

لكن موقعة ما ادري وين لكن بعد بنشاك
واستغرب ان الشباب نفو وجودة الي يعرف معلومة يزودنا

وتسلمون

[Satu Orang]

في رحلة صيد هذي بجزيرة بالي
رحلة اسمها سفاري تصيد طيور
وتاخذها من مكاتب للرحلات في بالي

[سدية الجبل]

موجود المقناص 100% واللي أنا جربته انطلاق من البنجاك نحو غابات والله لا أعلم عن موقعها ولا اسمها الا الذكرى ...

ولكن رحنا بهذه الرحلة الى شلالات بعيده وما حولها سكن وقالوا لمرشدين معنا ضروري نمرح ونقوم الصبح بدري علشان صيد الغزلان عند ورودهم للماء من هذه النقطة التي أدلنا عليها المرشد ...

جابو كل شيء بواريد وسيارات وغيره من العده ..... ولكن رحنا الصبح ورجعنا ما امرحنا ... ولا صدنا شيء ولا شفنا شيء .

وهذا عام 1996م ... وكنت حينها ما اعرف شيء عن هذه البلاد ....

تقبل مروري وتحياتي .... واذا تبي تعرف اكثر مر على مكاتب الجبل وأسألهم .....

[مشاري-Q8]

مقناص وفي اندونيسيا

عجيب اخي نصيحة اذا كنت مغرم فعلا في المقناص عليك في موريتانيا حيث هناك مكاتب مختصة عليك بس تحدد تاريخ قدومك وعدد الاشخاص الذين برفقتك وتلاقي كل شي جاهز من سيارات وخيام وبنادق صيد ..............الخ متطلبات القنص

هذا موقع احدي منظمي القنص في ماليزيا:
http://www.mauritaniatours.com/tar.html

وبعدها رح وسع صدرك في جزر الكناري ولا المغرب

تقبل خالص الود

[وافي الخصال]

تبغووون الصراحه يااخوان والله العظيم حيرتوووني ..... لأن فيه ناااس تنفي ان فيه مقنااص بأندونيسيا وناااس تثبت 100% وصرت مدري من آخذ كلامه منكم , بس ياليت يااخوان تتأكدون من معلوماتكم زين وتوضحون اكثر لأني ابغى اسم الجزر واسم المكاتب اللي مسوؤله عن المقناص وتكاليف الرحله وهكذااا الخ ...

اخوووي الغالي مشاري انا حاب اوضح لك معلومه بأني مو رايح اندونيسيا عشان مقناااص بس او اقصد من رحلتي هذي القنص فقط , بس قلت مادام انا رايح هناك وقصدي سياااحه بكل ماتحمله الكلمه من معنى والمده اللي راح اقضيها هناك مده طويله نوعاً ما ( تقريبا شهر كامل ) قلت لازم اخصص ثلاثه او اربعه ايام للمقنااص في الغابات اذا هو مسموح عندهم وانت عارف المقناص شي حلوو وجميل وممتع ويعتبر سياحه , مع العلم بأني انسان احب الصيد بكل اشكاله حتى صيد الاسماك ولكن للأسف ماعمري طلعت رحلات قنص خارج المملكه ابداً ابداً.

واخيرا اشكر كل اخواني اللي مروا على الموضوع وتفاعلوا معه .

وتقبلوا تحياااااااااتي ............ اخوكم ( وافي الخصال )