استفسار بخصوص الدراسة في نيوزيلاندا

[دغداش بن دردوم]

السلام عليكم ورحمة الله وبركاته
فيه عندي واحد من الشباب وده يسافر نيوزيلاندا دراسة انقليزي لمدة شهرين بالاجازة ..
وحبيت لو فيه احد يقدر يفيدنا ويساعدنا عن بعض الامور ومنها :
ـ ماهي المعاهد اللي بالسعودية ممكن نستفيد منها وافضلها ؟
ـ ماهي التكلفة التقريبية للدراسة هناك ؟
ـ أفضل الأماكن او المعاهد للدراسة ؟
ـ ملاحظات ونقاط مهمة او شروط للسفر هناك ممكن نستفيد منها ؟

وتقبلوا خالص تحياتي ..

[khaled220]

طريقه الحجز
1- عن طريق الانترنت اذا تملك قدره لغويه .
2- مكاتب السفر والسياحه (الصرح وغيره )
3-معاهد اللغه الانجليزيه استفسر من اي معهد.
والباقي عليك تبحث وتفكر وتختار
وبصراحه نيوزلاندا حلوه مره وشعبها طيب ولكن يا غريب خلك اديب
-الرحله طويله جدا (تنام وتصحى وتتابع فلم وتاكل وجبه وترجع تنام وتصحى مره ثانيه وتتابع فلم وانت ما وصلت )بس ممتعه جدا
-الفيزه بالمطار هناك ثلاث اشهر فما دون ولكن خذ معاك اشعار القبول في المعهد اللي انت بتدرس فيه
- ابتعد عن المصاريف الليليه وانت فاهم قصدي
-اهناك شركات الباصات لها بطاقات شهريه راح توفر عليك مصاريف النقل
-اشياء كثير جدا حلوه وانت اول ما تصل راح تعرف وكل واحد وله ذوقه ما ابي احرق عليك الفلم
والله يوفقك ويردك بالسلامه

[أحمد عابد]

أنا اقدر اساعدك أخوي في الموضوع هاذه:
تكلفة الدراسة في نيوزيلندا تصل تقريبا إلى 6.000 ريال سعودي في الشهر شاملة مصاريف السكن مع عائلة + التأمين الصحي + دراسة اللغة الانجليزية +وجبتين يومياً وثلاث وجبات في نهاية الاسبوع يوجد العديد من المعاهد في نيوزيلندا للغة الانجليزية يوجد هناك معاهد خاصة يالجامعات ومعاهد متخصصة أيضا ومعاهد لغة انجليزية مع النشاطات.

لأي استفسار أخر يمكنك التواصل معي في أي وقت.

وفقكم الله جميعاً