هام لمن يريد الابتعاث وشروط الوزارة ومتطلبات التاشيرة الامريكيه

[سفاااري العرب]

بسم الله الرحمن الرحيم







ولله الحمد الوزارة سخرت لنا مجهودات كبيرة لتعليم ابناء بلدها من جميع النواحي ومن تلك النواحي الابتعاث للجامعات الامريكيه وعلى حسابها تقريبا

مقتبس من موقع الوزارة

تعتبر هذه البعثة مدفوعة التكاليف بالكامل من قبل وزارة التعليم العالي وتختص بالابتعاث للدراسة في جامعات الولايات

المتحدة الأمريكية المتميزة لمرحلة البكالوريوس والماجستير والدكتوراه والزمالة الطبية في التخصصات الآتية :



1- الطب (لمرحلة الدراسات العليا) .

2- العلوم الصحية التطبيقية (التمريض، الأشعة، علوم صحية ، مختبرات طبية ، تقنية طبية)

3- الصيدلة .

4- الهندسة .

5- الحاسب الآلي .

6- العلوم الأساسية ( الرياضيات ، الفيزياء ، الكيمياء ) .

7- القانون (لمرحلة الدراسات العليا) .

8- المحاسبة .

9- التجارة الإلكترونية .


الشروط العامه من الوزارة


1- ان تكون سعودي

2- ان لاتكون موظف في القطاع العام و الخاص إلا اذا كان يريد الابتعاث ليستفيدو منه اصحاب العمل

3- الحصول على القبول من احدى الجامعات الامريكيه واهم شيء ( تكون موصىبها )

4- الحصول على تاشيرة للدراسه من السفارة الامريكيه

5- يجب تكون حريص على الدراسة ومتفرغ لها كاملا


الشروط الخاصة لمرحله البكالوريوس

1- النسبه في الثانويه العامه فوق 85% بالعلمي , و فوق 90% للتخصصات غير العلمي

2- ان لاتقل نسبه اختبار القدرات اقل من 70%

3- لازم ماتتعدى 3 سنوات عن تاريخ اصدار الشهاده

4- في حالة الحصول على دبلوم الجامعات السعودية والكليات المتوسطة لازم تكون فوق 3 من 5
او 2 من4 او مايعادلهما

والمطلوب منك اذا كانت الشروط عندك كامله ان شاء الله

1- تعبئة استمارة الابتعاث للولايات المتحدة الأمريكية في موقع الوزارة www.mohe.gov.sa

2- صورة شهادة الثانوية العامة وصورة قرار معادلتها إذا كانت صادرة من الخارج .

3- صورة من شهادة دبلوم الجامعات السعودية ، أو دبلوم الكليات المتوسطة (التقنية والصحية والأخرى) أو دبلوم معهد

الإدارة العامة .

4- صورة شهادة حسن سيرة وسلوك لخريجي الثانوية العامة .

5- صورة بطاقة السجل المدني أو صورة دفتر العائلة .

6- صورة جواز السفر ساري المفعول


الشروط الخاصه لمرحله الماجستير والدكتوراه

شدو حيلكم قبل لان الشروط اصعب شوي من البكالوريوس

<--- يالحبيب ترى مافيه إلا شرط واحد

1- ألا يقل المعدل لمرحلة البكالوريوس أو الماجستير عن (2.75) من (4) أو (3.75)من (5) أو ما يعادلهما


2- أن لا تزيد مدة الحصول على شهادة مرحلة البكالوريوس أو الماجستير أكثر من خمس سنوات .


المطلوب منك اذا كانت الشروط كامله ان شاء الله:

1- تعبئة استمارة الابتعاث للولايات المتحدة الأمريكية في موقع الوزارة www.mohe.gov.sa

2- صورة شهادة البكالوريوس لمرحلة الماجستير أو صورة شهادة الماجستير لمرحلة الدكتوراة ، وصورة قرار

معادلتهما إذا كانت صادرة من الخارج .

4- صورة بطاقة السجل المدني أو صورة دفتر العائلة .

5- صورة جواز السفر ساري المفعول .


الحصول على قبول من الجامعات الأمريكية


للحصول على قبول في الجامعات الأمريكية الموصى بها ، لك 3 طرق سهله ان شاء الله

1- التنسيق مع مكتب القبول بالوزارة للمساعدة في الحصول على قبول ، من الساعة الخامسة عصـراً وحتى

الساعة الحادية عشر مساءً على الهاتـف رقم (441555) تحويلة (صفر) .


2- التنسيق مع الملحقية الثقافية او الاتصال على مسؤلي القبول في الملحقية

(كل على حسب التخصص المطلوب ) وهم:

- حمد العبدلي ، الهاتف/ 8821-298 (001202) :

العلوم الأساسية ( الرياضيات ، الفيزياء ، الكيمياء )، الهندسة، الحاسب الآلي.

- ديفيد ليمونز ، الهاتف/ 8869-298 (001202) :

طب ، العلوم الصحية والطبية ، الصيدلة .

- محمد الحمدان ، الهاتف/ 8818-298 (001202) :

القانون ، المحاسبة ، التجارة الإلكترونية .

ويمكنكم إرسال المستندات على فاكس الملحقية الثقافية رقم 8885-298 (001202)

أو التفضل بزيارة موقع الملحقية على الانترنت: www.sacm.org

3- قيام الطالب بالاعتماد على نفسه نحو الحصول على قبول وهذي موضحها اخوي ابو جريه بموضوع مثبت



==========================

الحين نبدا معكم وش تسوي خطوه خطوه


اول شيء تعبي النوذج في موقع الوزاره www.mohe.gov.sa وتحفظ كل رقم تكتبه من رقم طلب وكلمه سر مع تسجيل رقم الطلب على المستندات الي بترسلها

بعدين ترسل الاشياء المطلوبه منك اذا اكتملت الشروط اللي موجوده فوق على احدى الطرق هذي

* إرسالها على الفاكس رقم (4419005) .

* أو تقدم الطلبات لمكتب خدمات الدارسين بالخارج بمقر الوزارة

* أو إرسالها على بريدهم :: وزارة التعليم العالي، وكالة الوزارة للعلاقات الثقافية ، الإدارة العامة لشؤون البعثات،

برنامج الإبتعاث للولايات المتحدة الأمريكية الرياض 11153.


واذا سويت اللي فوق كله تمام صدروا لك قرار الابتعاث


واهم شيء قبل ماتروح للسفارة عشان التاشيرة تخلي الوزارة يصدرون لك الضمان المالي عشان توريه للسفارة

للحصول على التاشيره عليك تسوي اللي بقوله الحين خطوه خطوه لان السفارة مشدده مره مره


التاشيرة

اول شيء تدق عليهم قبل 3 اسابيع على الاقل من الوقت اللي انت تبيهم يشوفونك

رقمهم في الرياض
4881472
4887678


وتعبي هذا النموذج على كمبيوترك

http://www.50005000.com/US%20Forms/DS%20156.pdf


وهذا بعد

http://www.50005000.com/US%20Forms/DS%20157.pdf


-وتجيب صورة لك 5x5 سم ويكون الوجه مغطي 50% من مساحه الصورة والخلفيه تكون بيضاء بدون حدود

-والحساب من البنك اللي تتعامل معاه موضح فيها جميع حركاتك البنكية خلال الثلاث أشهر قبل الموعد

-ولازم تجيب معك جوازاتك السابقه والاشياء اللي تدل انتمائك للسعودية , ولا تنسى تجيب الضمان المالي من الوزارة وتجيب نسخ لجوازك الحالي والتاشيرات القديمه اذا كنت مسافر لامريكا قبل

-لازم جواز سفرك صالح لمدة لا تقل عن 6 أشهر من تاريخ السفر

-تدفع 380 مع الطلب للتاشيرة مع كل طلب وان شاء الله خلال اسبوع من المقابله إلى 10 ايام بتجيك التاشيره


بعد ماتاخذ التاشيره تروح لمكتب خدمات الدارسين بالخارج بالوزارةعشان تاخذ تذاكر السفر وحقيبة تشمل على

الأنظمة والإرشادات اللازمة لابتعاثك وبعد كذا امورك ان شاء الله كلها تمام

وعاد لما توصل لامريكا ان شاء الله تروح لنادي الطلاب السعوديه في المدينه اللي انت فيها ويعلمونك على السكن والدراسة واللي بتسويه في امريكا


وآمل ان شاء الله وصلت المعلومه لكم وعلما ان الابتعاث سهل ان شاء الله واذا انت ناوي تبتعث والشروط تمام مايبغالها واسطه ولا شيء وبالتوفيق




ترى الموضوع انا كاتبه لاحد يقول لاطشه من منتدى ثاني لاني انا كاتبه في منتدى ثاني وترى اخذت بعض الاشياء من موضوع اسبرانزا اللي ما قصر في موضوع التاشيرة وحبيت اخذ من موضوعه بعض الاشياء لاجمعها في موضوعي عشان يصير متكامل

[مبربسها]

ما قصرت والله يعطيك العافية

بس عندي سؤال عن التأشيرة

هل يتأخرون في الموعد لأني شفت ناس موعدهم في اغسطس معقول !!

[سفاااري العرب]

والله يالغالي يبغالها فترة يعني اتوقع 3 اسابيع المده اهم شيء خلي جوالك جنبك


وخلك دقيق معهم لانهم اذكياء وعارفين اللي يكذب



ههههههه نصيحه ابعد عن الكاشير رقم 7 لانه مشهور وخايفيين منه الناس واحد من الشباب يوم عرف انه عند الكاشير رقم 7 قعد يصيح ههههههههه ورحمه وعطاه التاشيره


وبالتوفيق

[CHF]

وخلك دقيق معهم لانهم اذكياء وعارفين اللي يكذب

طيب واحد بيروح يدرس ؟ وش بيكذب عليه فيه !!!!! لهدرجه متخوفين من العرب !!! عندهم ارهاب اشد ..الله يحسن الخاتمه بس

ههههههه نصيحه ابعد عن الكاشير رقم 7 لانه مشهور وخايفيين منه الناس واحد من الشباب يوم عرف انه عند الكاشير رقم 7 قعد يصيح ههههههههه ورحمه وعطاه التاشيره

ولو ماعطاك التأشيره !!! تروح فلوسك اللي دفتعه ؟؟

[أرض الأحلام]

موضوع مهم

بارك الله فيـــــــــك

[سفاااري العرب]

المشاركة الأصلية كتبت بواسطة chf

طيب واحد بيروح يدرس ؟ وش بيكذب عليه فيه !!!!! لهدرجه متخوفين من العرب !!! عندهم ارهاب اشد ..الله يحسن الخاتمه بس



ولو ماعطاك التأشيره !!! تروح فلوسك اللي دفتعه ؟؟

والله يالغالي يعتمد على اسم عائلتك اذا كانت قريبه من اسم واحد مسوي اعمال ارهابيه في السعودية او يبدا ب ( بن )

مثل بن طالب وبن حسن


واذا انت مسافر على العراق والا ايران وسوريا السنوات الاخيره لكن النقطه هذي ما تأثر كثير




لكن مثل ماقلت يعتمد على اسم العائله



اما من ناحيه التاشيره تدفع 380 على ماعتقد مع الموعد واذا وافقوا او ماوفقوا ماخذين الفلوس


لكن ان شاء الله تاخذ التاشيره وما عليك وسم بالله واقرا الكرسي والمعوذات وتوكل على الله وتصير معاك ان شاء الله