السلام عليكم ورحمة الله وبركاته
اخواني الاعزاء اشكركم كل الشكر لمساعدتكم في كل شي واشكرالاداره كل الشكرلكل ماتبذله في هذا الصرح العظيم
بدايه انا لفيت على المنتدى وشفت المواضيع المفيده جداً والاستفسارات والردود عليها صراحه ماقصروا الاخوان قامو بالواجب الله يجزاكم خير
صراحه انا مفكر اسافر الى نيوزيلانداخذ لغه فقط لمدة ثلاث شهور لكن ..!!!
ماابي اضيع وقتي في شي ثاني يعني الثلاث شهور هذي ابي اكثفها في الدراسه والمشكله انا من النوع اللي اذا حصل واحد عربي في غربه يصير اخوه وينسى كل اللي جاي علشانه
فعلشان كذا ابي مكان في نيوزيلندا عمر العربي مامر عليه يعني ابي منطقه تكاد تكون معدومه من الشباب العرب وخصوصا الخليجيين ويكون فيها معهد ممتاز
نسيت اقوللكم موعد السفر
ماتفرق معي بعد رمضان ان شاء الله ابي اسافر يعني على شهر 10 او 11 او12 --2008
بس اللي ابي اعرفه متى يكون الجو مناسب ولطيف لأني دخلت قوقل ايرث اليوم وشفت درجات الحراره تخوف 6--7--8 في الجنوب لكن في الشمال اعلى شوي ومعقوله 13--14--15
اللي اعرفه ان عندهم اللحين شتاء في شهر 11 كم بتكون درجات الحراره
هذا بالنسبه للجو بالنسبه للعائله والمعهد
عن نفسي ابي اعرف التعامل مع العائله يعني احصل عائله تغسل ثيابي
لاني قريت موضوع يقول فيه عوائل تخليك تغسل ثيابك وانا ماابيها ابي اشرط عليهم هم يغسلون احصل ولا لا وبعدين الاكل --->> ماني واثق فيهم
الوجبات اللي يقدمونها اقدر اشترط عليهم يجيبون لحم حلال او اي شي مافيه خنزير ؟؟
طبعا مثل مااستفدت وعرفت من هذا المنتدى وخصوصا الدراسه المكثفه بيكون لك وجبتين في اليوم ماعدا الويكيند بتكون ثلاث وجبات
بخصوص العائله ايهم احسن العائله الكبيره او الصغيره في التعلم بسرعه
وهل فيه حلاقين انا لي لحيه خفيفه ولازم تحديد عوارض يعرفون او اشيلها مع ان عمري ماشلتها ويمكن انصدم اذا شليتها ههههه
بالنسبه للمبالغ ماعندي اي مشكله ادفع بس ابي منطقه تكون هاديه ومعهد ممتاز وعائله قمه بس هذا اللي ابيه
وين تنصحوني اروح للشمال او للجنوب تكفون ياشباب يامجربين ابي هذي المعلومات طبعا اوكلاند كثير العرب فيها وين ارووووووح
وتسلمون واذا فيه اي سوال نسيته بحطه في نفس الموضوع
شكرا
02-06-2008, 12:07 PM
العرض العادي
