لمن لديه استفسار عن الدراسة او السياحة في كندا Canada

[Esperanza]

bbb087

بالنسبة للجامعة فنا الحقيقة ما اعرف عنها شي.

اما مدينة هاليفاكس فنا اعتقد انها لها مميزاتها و عيوبها، و هي كما يلي:

المميزات:

- وقوعها على الساحل الشرقي لكندا يجعل من الوصول اليها اقرب بكثير بالمقارنة بمدن اخرا مثل فانكوفر ، مثلاً المشوار من لندن الي عاليفاكس بتكون في حدود 6 الي 7 ساعات. و فانكوفر من لندن 9 الي 10 ساعات.

- غالبية سكان هاليفاكس هم من البيض اللي لغتهم الاصلية هي الانجليزية.

- الحقيقة فيها جمال طبيعي مهبول و بالذات في الصيف و الربيع.

العيوب:

- البرد ، انحش عن البرد ، في الشتاء توصل درجة الحرارة الي حدود 20 تحت الصفر.

- كون غالبية اهل هاليفاكس من البيض قد يشكل مشكلة في بروزك بينهم و معرفتهم انك اجنبي.


هذا الحقيقة اللي اقدر افيدك فيه

[رحالة الخليج]

شكراً جزيلا على المعلومات هذه ولكن وش وضع مواطني المنطقة عسى ما فيه تعصب إنشاء الله .

[bbb087]

اسبرانزا يخوي جننتنا ياخي انكسرت رقبتي وانا اقرا موضوع بوسطن قمت الجذب والأبداع في الكتابه كنت شارب كولا وانت تكتب ولا شلون. مشكور على معلوماتك عن هالفكس لاكن يخوي اش اسوي لازم ها التخصص ادرسه وما لقيته الى فيه ابيك تفيدني لوسمحت عن تكاليف المعيشه فيها (شقه محترمه,الأكل , الشرب’ الوناسه ،) وهلم جرى ومشكوررررررررررررررررررررررررررررررررررررررررررررر رررررررررررررررررررررررررررررررررررررررررررررررررر ررررررررر

[الطبيب]

السلام عليكم 0 بصراحة استفدنا كثيرا من اسئلة الاخوان وجواباتك الشافية 0 السؤال انا اريد محادثة فقط فى الحياة الاجتماعية هل يلزمنى دراسة فى المعاهد او يكفينى البقاء مع عائلة وايهم افضل علما ان المدة 60 يوم ولكم جزيل الشكر 0

[Esperanza]

رحالة الخليج

انا من زياراتي المتكررة الي فانكوفر و اقامتي فيها ما عمري صادفت اي تعصب من اهلها، بالعكس كانو اهلها في قمة الاحترام معي.




bbb087

زين اللي انت قريت الموضوع كامل ، لو انك قريته و انا انزلة جزء كل اسبوع كان طقيتني

بالنسبة لتكلفة المعيشة و الاقامة انت ما قلت لي كم المدة اللي انت ناوي تقعدها عشان اقدر افيدك اكثر.



الطبيب

شي اكيد انك بتستفيد و تتعلم انجليزي فقط من الاقامة مع عائلة و الاختلاط باهل المدينة.

لكن ترا ما يضر انك تأخذ لك كم ساعة دراسة في احد المعاهد كل اسبوع عشان تتعلم قواعد اللغة الانجليزية على اصولها.



لكم الشكر و التحية

[bbb087]

اخوي اسبرنزا انا راح اروح ادرس ماجستير يعني تقريبا سنه لغه وسنتين الماستر والف شكر

[Esperanza]

bbb087

انا الحقيقة ما اهرف تكلفة المعيشة في هاليفاكس لذلك انا بحط التكاليف في فانكوفر ، مع العلم ان هالفاكس المفترض تكون ارخص من فانكوفر:


التكاليف التالية بالدولار الكندي لمدة شهر:

السكن في شقة مكونة من غرفة و صالة و مطبخ و حمام = 600 .
فاتورة كهرباء = 45
فاتورة تلفون (لا يشمل مكالمات دولية) = 40
فاتورة تدفئة (و صدقني بتحتاج لها) = 40
فاتورة كيبل التلفزيون = 80
الاكل و الشرب في البيت = 300
الاكل و الشرب برا = 500
الوناسة = 1000
التمشية = 500
ملابس و مقاضي = 300
المواصلات العامة = 200

المجموع = 3605 دولار كندي في الشهر.


هذي المصاريف اللي انا اتوقعها قياساً على انا و مصاريفي لو بسكن و اعيش في فانكوفر.

لك التحية

[Esperanza]

و هذي ايضاً مجموعة من الاستفسارات اللي وصلتني عبر البريد الالكتروني و الرسائل الخاصة:



____________________




وصلني الاستفسار التالي في احد المنتديات التي اشارك فيها:

السلام عليكم ورحمة الله وبركاته

ابشركم وبعد انتظار طويل وفحص طبي الـــــــــــــــــخ !

طلعنا التأشيرة الكندية ووجهتي ان شاء الله الى فانكوفــر الى معهد pli وادعولي بالتوفيق
ذهابي انا لتعلم اللغة الانكليزية وبعد مشاورات اخترنا المعهد هذا ومن لديه تعليق على هذا المعهد يا ليت يقوله لنا والي يبي موقعه هذا هو :http://www.pli.ca/

انا الان اريد نصايحكم ماذا احتاج في سفري حتى لا اندم هناك هذا واريد نصائح من تجاربكم في فانكوفر
وما تنصحوني هناك بزيارة ماذا وما ذا تنصحوني بأي برنامج اقوم العمل عليه هناك في غربتي

ارجو من الله ان يوفقني انا وياكم بما ينفع

وشكرً

التاشيرة جاهزة وباقي نصائحكم

لا تنسون ان تدعولي بالتوفيق في رحلتي الدراسية

[/align]


[align=center]الرد على الاستفسار:


اخي :

الحقيقه انت ما استفسرت عن شي محدد ، يعني استفساراتك كانت عامه. اللي اقدر افيدك فيه هو ما يلي:

1) مر على الموضوع التالي و انشاءالله بتلقاء فيه معلومات كثيرع عن فانكوفير:

اشتقت لكي يا فانكوفير.

2) هذي بعض المعلومات عن مطاعم و اسواق فانكوفير و بعض المعلومات العامه:

الاسواق في فانكوفير و المدن التبعه لها:

سوق الميترو تاون (Metrotown)

عنوان السوق ( 4700 Kingsway) في مدينة برنبي.




موقع السوق على خريطة فانكوفير.




هذي الصوره الوحيده الي لقيتها للسوق و يظهر في الصوره التوسعه الاخيره له ، وهي مجمع الميتروبليس.

ويقع في مدينة برنبي واللي هي تعتبر جزء من مدينة فانكوفير ، والسوق هذا يعتبر اكبر مجمع تجاري في فانكوفير و في مقاطعة برتش كلومبيا و يتكون من حوالي 460 محل ، يوم زرتة عام 1994 كان اسمه (سوق ميترو تاون و ايتون) كان سوق ايتون اللي كان جزء من ميترو تاون شاغل مساحه كبيره من السوق ولكن قبل كم سنه قفل و انتقل لم سوق ثاني في الداون تاون ، طبعاُ سوق الميترو تاون توسع و اضيف له مجمع ثاني اسمه (الميتروبليكس) ، الميتروبليكس هذا عباره عن حوالي 15 صالة سينما كبيره و مجمع العاب الكترونيه ( اركيد ) الاركيد يتكون من دورين و يوجد في داخله مطعم و كل لعبه الكترونيه تخطر على البال. بالاضافه للاركيد و صالات السينماء فيه مجموعه من المحلات من ضمنها واحد من اكبر محلات الادوات و الملابس الرياضيه.

يقع على طرف السوق فندق الهولدي ان وهو فندق 3 نجوم و فندق الهيلتون قطع الشارع عن السوق وهو 4 نجوم.
الي يحب يكون قريب من السوق يفضل انه يسكن في احد الفندقين هذي و بيحصل كل ما يحتاج له.
يوجد في السوق كل ما يحتاج له الشخص ، فيه البنوك و المطاعم و السوبرماركت و كل انواع المحلات ، صدقوني لمن اقول ان الشخص يحتاج الي اكثر من ثلاثه ايام عشان يدور كل ارجاء السوق ، بس الله يعينكم على الضياع فيه لانه من كبره يضيع.



سوق الباسفيك سينتر (Pacific Centre ):


عنوان السوق : تقاطع شارع هو و جورجا في الداون تاون (Howe and West Gerogia).











و يعتبر ثاني اكبر سوق في فانكوفير ، يتكون السوق من حوالي 200 محل موزعة على 3 ادوار ، افضل مافيه سوق ايتون الموجود على طرفه الشمالي ، سوق ايتون هذا عندهم ماركات ملابس خياليه ما تلقاها في اي سوق ثاني في فانكوفير..
مشكلة السوق هذا و اللي ضيق صدري هو عملية انك لازم تدفع فلوس مقابل استخدام مواقف السيارات.
لكون السوق في الداون تاون جمبه مجموعه من الفنادق و الاسواق الاخري ، طبعاً اشهر فندق جمبه هو فندق الفور سيسونز.


سوق اوكريج سنتر (Oakridge Centre )
عنوان السوق : 650 West 41st Ave فانكوفير.




موقع السوق على خريطة فانكوفير.


السوق يتكون من دورين و فيه حدود 150 محل ، السوق صغير مقارنه بالمترو تاون و الباسفيك سينتر ، لكن فيه شي ماهو في السوقين هذي ، فيه محلات مجهورات و تحف من البلور تاخذ العقل ، انا ما عمري شفت على كثر ما ادور اسواق المجوهرات شي زي اللي شفته في السوق هذا. يا ناس عندهم مجوهرات خيال ولا في الاحلام ، ولا تحف البلور و الزجاج يافيها تفنن ماهو في الدنيا هذي.
و تعذروني لاني الحقيقه ما لقيت صور للسوق.

طبعاً فانكوفير و المدن التابعه لها مليانه اسواق بس انا بصراحة ما جاز للي الا الاسواق الثلاثه هذي.


بعض المطاعم في فانكوفير:


-) مطعم جو فورتيز (Joe Fortes) وهو موجود في وسط المدينة (Downtown) ويقدم تشكيلة من الاكل البحري والايطالي وانواع المشويات. اكلهم رايييق.
العنوان : عنوان المطعم: 777 Thurlow Street, Downtown Vancouver
الموقع الالكتروني : مطعم جو فورتيز


-) مطاعم ايرل (Earls Restaurant ) ويقدم تشكيلة واسعة من الماكولات الغربية.
المطعم له عدة فروع في مدينة فانكوفير.
الموقع الالكتروني : مطاعم ايرلز


-) مطاعم ريد رابن (Red Roban) ، ويقدم تشكيلة واسعة من الماكولات الغربية وعنهم بطاطس مقلي واجنحة دجاج عجيبة. المطعم هذا له فرع عند سوق الميترو تاون.
المطعم له عدة فروع في مدينة فانكوفير.


-) مطاعم بوستون بيزا (Boston Pizza) ويقدم بيزا رايعة ومجموعة كبيرة من الماكولات الغربية.
المطعم له عدة فروع في مدينة فانكوفير. وله فرع عند سوق الميترو تاون.


-) مطاعم بوت هاوس (Boat House Restaurant ) ويقدم ماكولات بحرية متنوعة ورائعة.
المطعم له عدة فروع في مدينة فانكوفير.
الموقع الالكتروني: مطعم البوت هاوس


-) مطعم نرفانا (Nirvana Restaurant ) ويقدم ماكولات هندية رائعة ولازم تجرب.
عنوان المطعم:2313 Main Street at 7th Avenue
الموقع الالكتروني : مطعم نرفانا


-) مطعم الشلي كلب (Chilli Club) ويقدم ماكولات تالندية ممتازة وعنده كل يوم احد غدا بوفية مفتوح.
المطعم موجود في وسط المدينة على شارع هورنبي وجمب البحر.


-) مطعم مصنع المكرونة (The Old Spaghetti Factory ) مطعم اكلة ايضاً رائع من الاكل الايطالي والغربي.
عنوان المطعم : في حي مدينة الغاز (Gastown)


-) مطعم انتونز (Antonz) مطعم اكل ايطالي ، لا يفوتكم بقوة بس تاكدو انكم ما تاكلون اي شي في اليوم الي انتم ناوين تروحن لة فية لان اكلهم كثير وصعب انكم تخلصونه.
عنوان المطعم: هو على شارع هيستنق الشرقي (Est. Hasting) في مدينة برنبي ، ما اذكر عنوانه بالضبط لاكن ممكن تاخذ العنوان من دليل التلفون.


طبعاً فانكوفير كلها مطاعم من كل شكل ولون. وفية خدمة اسمها تيكاوت تاكسي (Takeout takes)
وهم عبارة عن شركة توصل لك الاكل من اغلب مطاعم فانكوفير الي مكان سكنكم . وتراهم ممتازين وعرفهم زين لاني اشتغلت عندهم.

انا من محبي الاكل الصيني والياباني واذا تحبون عطيتكم اسامي وعناوين مجموعة منها.


بعض المعلومات العامه عن فانكوفير:

-) اذا الواحد حب يستاجر سيارة لازم ياخذ معها تامين شامل على السيارة وليس فقط تامين ضد الغير لانه لو لا قدر الله وحصل حادث التامين ضد الغير بيغطي فقط اضرار السيارة الثانية ونت بتدفع اضرار السياره الي معك.

-) السياره ما تقدر تستاجرها الا ببطاقة ائتمان (فيزا ، ماستر كارد و ما شابة ذلك).

-)اذا استاجرت السياره بستخدام بطاقة ائتمان ذهبية ممكن يعفيك المحل الي تستاجر من السياره من دفع قيمة التامين اليومي على السياره ، وهذا طبعاً يعتمد على مصدر البطاقة.

-) خريطة مدينة فانكوفير الي على شكل كتاب صغير ممتازه ولا يمكن تضيع اذا كنت تعرف تقراها بشكل صحيح.

-)اغلب شوارع فانكوفير لازم تدفع فلوس مقابل الوقوف فيها. وسعر الوقوف يختلف من شارع الي اخر.

-) ما بين الساعة 6 الي 9 الصباح و ما بين الساعة 3 الي 6 بعد الظهر يكون وقوف السيارات ممنوع في اغلب الشوارع و بالذات في وسط المدينة حتي لو كنت دافع فلوس مقابل الوقوف ، واذا نسيت توخر سيارتك من الطريق الي فية الوقوف ممنوع في الاوقات هذي الله يعينك على المخالفة والله يعينك تروح لم الشركة الي سحبت سيارتك و تدفع لهم قيمة السحب.
في مواقف السيارات الجانبية الي ما تكون على الطرق الرئسية يمنع الوقوف فيها بعد الساعة 12 باليل الي الساعة 6 الصباح.

-) قبل ما توقف سيارتك في اي مكان اقراء اللوحات وتاكد انه ممكن توقف سيارتك و الاوقات الي ممكن توقف فيها.

-) في وسط المدينة من الصعب جداً انك تحصل موقف للسياره و اذا حصلت موقف فهو في العاده غالي.

-) ممكن الواحد يستخدم وسايل المواصلات العامة مثل الباص و و القطارات الكهربائية الي تمشي فوق جسور خاصة على ارتفاع حوالي 8 متر من الارض.

-) اذا استخدمت الباص قيمة المشوار تعتمد على المسافه الي انت ناوي تقطعها ، اقل مشوار قيمتة دولار ونصف ، و اول ما تركب الباص فية صندوق جمب السواق تحط الفلوس فيها ، و لا تتوقع السواق يصرف لك اذا ما معك فكة مناسبة.

-) ذا استخدمت القطار الكهربائي لازم تشتري لك تذكرة من مكاين موجودة عند كل موقف للقطار ، وعرف انه ما فيه على القطار شخص ثابت يفتش على التذاكر ، يعني ممكن تكمل مشوارك واكثر من مشوار مندون ما يسالك احد عن تذكرة ، وممكن في اول مشوار يجيك واحد لابس ملابس شركة القطار ويسالك عن التذكرة واذا ما معك تذكرة او التذكرة الي معك ما تغطي المشوار الي انت قاطعة الله يعينك بتاخذ مخالفة و ممكن يودونك للشرطة.

-) اذا اكلت في مطعم او ما شابة ذلك يكون من الافضل انك تعطي بخشيش في حدود 5% من قيمة الفاتورة.

-) عندما يكون معك سيارة لازم تعرف ان الدوران للخلف بالسيارة ممنوع منع بات واذا ديورت ممكن تاخذ مخالفة ، اذا احتجت تديور ادخل احد الحارات وديور ورجع للخط الي انت تبية.

-) اذا معك سيارة و وصلت الي تقاطع رائسي او فرعي ولا فية اشارة فعرف ان اول واحد يوصل للتقاطع هو اول واحد يعدي التقاطع.

-) اذا معك سيارة وتمشي في خط مكون من اكثر من مسار وفجاة واحد من المسارات كان مسدود وحبيت تغير مسارك بعد ما توقف فعرف ان السيارات تبي توقف لك عشان تعدي ونت لازم تسوي زيهم.

-) اذا كانت اسنانك ماهي مضبوطة وتبي علاج عالجها في ديرتك لان عيادات الاسنان عندهم غالية جداً.

-) اذا تتعاطي علاج معين خذ معك الي يكفيك من بلدك لان العلاج عندهم لازم بوصفت طبيب.

-) اذا انت تدخن خذ معك الي يكفيك من الدخان لان الدخان الي عندهم ما هو نفسة الي في بلدك وتبي تشوف دخان غريب اول مرة تشوفة و نسبة النكوتين فية منخفضة جداً.

-) اذا جيت تشتري دخان اعرف انهم بيطلبون منك اثباتك الي يوضح فية عمرك.

-) اذا اخذت معك دخان كثير من بلدك اعرف انهم بياخذون منك ضريبة على الدخان هذا.

-) اذا جاك واحد في الشارع وطلب منك زقاره لا تعطية الا اذا انت متاكد انه فوق 18 سنة ولا ممكن تحاكم اذا مسكوك.

-) اعرف ان اغلب الهامبرغر عندهم ما يكون لحم بقر صافي و يكون مخلوط مع لحم خنزير.

-) اعرف ان البيتزا عندهم يكون فيها لحم خنزير اذا كان فيها ببيروني او سجق بالاضافة طبعاً للهام او البيكون.

-) اعرف ان البطاطس الشبس عندهم اغلبها فيها مشتقات من الخنزير.

-) اعرف ان اقصي سرعة عندهم في شوارعهم هي 50 كم في الساعة ، و اذا تعديت السرعة هذي بتاخذ مخالفة وقيمة المخالفة تعتمد على سرعتك عندما يصيدونك.

-) اعرف ان اقصي سرعة للسيارة في المناطق الي تكون حول المدارس هي 30 كم في الساعة اوقات الدراسة الرسمية.


3) المعهد اللي انت تتكلم عنه موجود في منطقة وسط المدينه (الداون تاون) على شارع بورارد ، المنطقه زحمة شوي و لكن هذا طبع كل وسط مدينه ، و الحقيقه ما عندي معلومات عنه.
الرابط التالي هو لصوره حيه و على الهواء مباشره لجسر بورارد في اتجاه وسط المدينة (الداون تاون) ، في نهائية الشارع بتلقاء المعهد حقك. الصوره هذي يتم تحديثها كل 15 دقيقه الين تضلم الدنيا ، فرق التوقيت بين السعودية و فانكوفير هو 11- ، يعني الساعة هندهم الان 8:45 في الصباح.


صوره مباشره من فانكوفير.



4) الجو في فانكوفير و الي السته ايام القادمه جميل و درجة الحراره في حدود 12 درجة مئوية و امطار كثيفة ، بس لا تخوفك الامطار ، فانكوفير دايم فيها مطر.
و هذا رابط يوضح لك درجة الحراره في فانكوفير لمدة 6 ايام قادمه و يتم تحديثه كا ساعة:

الطقس في فانكوفير


لا تشيل هم السفر الي فانكوفير ، انا متاكد انك بترتاح فيها و بتنهبل على جمالها، يمكن تتضايق في البدايه الين تتعرف لك على بعض الاصدقاء ، بس انشاءالله بعد كذا بتسلك معك الامور.

اتمناء لك التوفيق في دراستك ، و اذا عندك اي استفسارات الان او لين وصلت فانكوفير اكتبها للي في الموضوع هذا و انا ارد عليك و افيدك بلي اقدر عليه.

لك اجمل تحية.

[Esperanza]

اسمع يالطيب

بصراحة انا ودي اروح لكندا وطبعا ما اقدر اروح كذا لازم ادبر لي عذر

والعذر بيكون دراسة

ما ادري يمكن القى دراسة لمدة قصيرة او لمدة طويلة لكن ايام قليلة بالاسبوع وياريت تكون 3 ايام

واظن نظام القيادة عندهم عادي مثلنا ماهو بالمعكوس ( انواع الحوادث بالتقاطعات)

ويمكن القى مدرس او يستحسن مدرسة خصوصية

لو بحثت عن فندق كم بتكون التكلفة بالشهر لفندق 5 او 4 نجوم

والفيزة للطالب تقدر تتنقل بها بالبلد عادي ولا لا

المعاهد تحاسب على الغياب ولا عادي

اللي بيروح كندا ما افضل طريق من الشرق ولا الغرب

وش اسوي كل محل اروح له احبه و اعشقه ، قلبي رهيف.

اجل متغوص ، لازم تجيب عذر ، اييييه يا الدنيا.

المهم ابعطيك اللي عندي و الباقي عليك.


شف سالفة انك تدرس فقط 3 ايام في الاسبوع ، ما اعتقد تمشي على السفاره الكندية و اكيد بيشوتونك.

انت خذ دراسه يوميه بمعدل 2.5 ساعة في اليوم خمسة ايام في الاسبوع ، او انت وش خسران خذ دراسه 5 ساعات في اليوم و خلهم يعطونك قبول و اول ما تاخذ الفيزا و تاصل فانكوفير امحطهم ركبه و لا تروح للمعهد ، او رح للمعهد و غير خطتك الدراسية او حتي غير المعهد ، في النهائه كل اللي انت بتخسره هو مبلغ 100 دولار كندي (300 ريال) قيمة التقدم بطلب التسجيل ، هو اهم شي للفيزا خطاب القبول.

و المدرسين الخاصين كثير و بتلقا منهم واجد ، لاكن اذا تطيع شوري وش تبي بهم ، اللغة و بتتعلمها من الاختلاط بالكنديين.

و اذا انت خايف تورط في الديره من ناحية الانجليزي او التجول ، تراني فاضي الين شهر 4 كان تبي خوي و دلوله ، بس ترا المصاريف عليك.

من ناحية الفندق و السكن ، السعر يعتمد على الموسم اللي بتسافر فيه ، يعني في الربيع و الصيف الفنادق غالية بسبب كثرة السياح.

بعدين انت تعال الاخ ولد نعمة ما يسكن الا في فنادق 4 او 5 نجوم ، الضاهر انت فنادق الفنس ماثره عليك ، ترا الفندق الكندي ابو نجمة يعادل فندق 4 نجوم في ديرة الفنس.

انت خذ لك غرفة في موتيل ( اللي غرفة على الشارع على طول) و بتطلع عليك في مثلاً البيست ويسترن بسعر 200 ريال في اليوم ، او رح للفندق اللي انا سكنت فيه و اول ما تاصل الفندق قابل راعية الهندي و قله انك خوي اسبرانزا و بيعطيك الغرفة بسعر 4000 ريال في الشهر ، و اذا قالك بشرط ما ينضفون غرفتك الا 3 مرات في الاسبوع قله عاد من زين هندياتكم اللي ينضفون ، بعدين رح و قردن الهنديات و عطهن دولارين و يلحسون لك غرفتك لحس.

و اذا انت مصر على 4 نجوم فيه فندق الهلتون سعر الليله عندهم بسعر 500 ريال و موقعهم حلو.

هاه تبي شي ثاني ولا خلاص.



لك اجمل مساء

[Esperanza]

موضوع رائع يا اخوي ومفيد جدا


بس حبيت أسألك لو ابي ادرس طب مثلا بكندا هل الشهاده من هناك معترف فيها


وكم تكلفة الدراسة للسنة


تحياتي

دراسة الطب في كندا تعتبر من الافضل في العالم الان.
يكفي ان تعرف ان اغلب الدكاتره السعوديين يتم ابتعاثهم الي كندا عشان يتخصصون و يرجعون استشاريين ، بالاضافة الي تنضيم دورات و بشكل مكثف للدكاتره في كندا و يحضرها الكثير من الدكاتره السعوديين المبتعثين من قبل جهات عملهم.

المشكله ان دراسة الطب في كندا صعبة و صعبة جداً و كذلك مكلفة.

يكفي انك تعرف ان شهادتك الثنوية غير معترف فيها عندهم بشكل كامل و انك مضطر تدرس مواد دراسة مختلفة في الثانويات الكندية قبل ما يسمحون لك بدراسة الطب عندهم.

سعر الدراسة يختلف من جامعة الي جامعة و من مدينة الي مدينة.

عطني شوي وقت و انا ابحث لك عن تكلفة الدراسة و ارحع لك فيها.

تكلفة دراسة الطب بدون السكن و المصاريف الشخصية هي كما يلي:

1) جامعة برتش كلومبيا (UBC)

60732 ريال سعودي في السنة الواحده.

2) جامعة البرتا.

56212 ريال في السنة.


و باقي الجامعات تقريباً نفس التكلفة.

لك اجمل تحية.

لك اجمل تحية.