ذكريات الطفولة

[المكتشف المغامر]

المشاركة الأصلية كتبت بواسطة الكعبي

اخي المكتشف احييك على موضوعك القيم وقصص الأوليين زندمجت مع ماكتبته وماكتبه اخوتنا
المشاركين

تقبل تحياااااتي

حياك الله مشرفنا الغالي ويسرني ان الموضوع اعجبك

بس لي عتب

مرور حاف كذا

يعني خايف من الفضايح

قل وفضفض ما احد معلم عليك انك شايب

عيال يالله مشرف القسم مر هنا بسيارته رجموووه عليه بالبيض والطماط يالله واذا دخل بيته ننسم كفراتها

تحياتي اخوك المكتشف المغامر
(( كأنني اشوف المشرف يقول هو انت خليت فيها تحيات والا بطيخ ))

[المكتشف المغامر]

من الكلمات اللي مانساها
بلعب والا بخرب
صاحب الكورة يبي يشوت الفاول والبلنتي(( والركنية طبعاً ما فيه الشارع ما يقد لها )) والا كان بيشوتها ويقول (( بلعب والا بروح بكورتي ))
عضيم ساري هذي في البراحة والا في المزارع (( والله من الجروح اللي تجي بسببها نطامر حافين في الليل ))
يعني ولد النعمه اللي عنده سيكل هذا من قده (( ويوم شرا الوالد سيكل ممنوع يطلع للشارع العب به في البيت - الشكوى لله العوض ولا القطيعة ))
لعبة غريبة ما ادري خاصة ولا تم تعميمها على العالم ههههههه لعبة صاح وما ادري ليش نوافق نلعبها يجتمعون العيال على واحد ولازم يكون جالس اذا جا بيقوم يويله ويعطونه كفوف على وجهه ومع كل كف يقولون صاح صاح لين يبكي غصب من الألم والا من الأستفزاز كلها مجتمعه وبعدها بشوي يصير الدور على واحد ثاني هههههههه مسكين اللي ما يجيه الدور

[المكتشف المغامر]

طيب عيال الأيام هذي ايش بيقولون عن ذكرياتهم
الله تتذكر زمان يوم افوز عليك في البلاي ستيشن يوم تاخذ نجوم العالم وانا آخذ ريال مدريد (( على فكره ابارك لريال مدريد بالكاس - ايه هين من درى عنك ))
ويقول الثاني الا تتذكر سوبر ماريو ياسلام صحيح العبها تمام ويرد الأول بس انا اروح مراحل اكثر منك في كراش ههههههههه هذي سوالفهم بعدين

لا ولا الأسامي حقتهم تحس انهم مثل بضايع ابو ريالين ما يتحملون الشمس ولا الهوا يعني عظامهم اي كلام هذا ما توحيه اساميهم (( ايه هين من اللي يسمسهم ماهو احنا ههههههه))

اتذكر مُراسل سعودي شايب في مدرسة ابتدائية يضحك على الطلاب يقول طيب هذا اذا صار جد ايش بيقولون احفاده جدي هاني او لؤي

[المعري]

لعبة غريبة ما ادري خاصة ولا تم تعميمها على العالم ههههههه لعبة صاح

هذي اللعبة جديدة علي
يمكن أقرب شي لها عندنا في الشمال (تريب الذلال) والفكرة باختصار عند أي هوشه بين عيال الحارة
وعندما لا يكون هناك أي آكشن(يعني هوش أشوام) حكي بس...يقوم واحد من الجمهور يملى يده تراب(بوجه العدو)
وياقف بين المتهاوشين قائلا تريب الذلال(يعني تراب الخواف) والبطل اللي يكبه بوجه الثاني ثم تشتعل الهوشة بالمضارب وخذ بعدها تريقه وطنازه على المدبوب(يعني المهزوم)

[الباخص]

الحبيب ابوفيصل لاعدمناك

قلت : ترا بطحلك بالعجرا ان كانك صغينون

اقول انا : الله وين طلعت العجرا !! هذي تطلع أول من خلف المرتبة .. إذا فيه مهاوش ..

---------------

قلت : نبي كل واحد يدخل يجيب بعض ذكريات الطفولة القديمة مرة :

اقول انا : ابشر بسعدك والقادم أحلى .. شرايك في :

# ايام الوناسة .. ياترى تتذكر ..
طجمه ..
قمرق .. يوم ناخذ العيدية يوم العيد وانحن نتمشى بين البيوت يجونك الوراعين الطبار القشران يقولك قمرق يعني حط له كل ماعندك له .. رحت وطي
البسطة .. شختك بختك والعكوس
البليلة .. من أول الكل يبيع بليلة على الثاني في الحارة صح وإلا ؟

والقادم أروع .. من الذكريات ..

# الروعه والخوف ..

حمار القايلة .. ياترى هل الحمار مايخرج الا وقت القايلة بش في الظهر !! نبي التفسير احبتي تكفون تراني الى الحين اخاف في القايلة مااطلع !!
السحليه ..
ام الشعر والليف .. احسه تخرع بس في الليل يعني لاليل وقايلة نطلع قعدنا بها متى نطلع اجل !!
القامة .. المقرصة الحامية .. لكن هل شفتا مقرصة باردة .. اكيد بتكون حامية بعد ..
عوافي الله .. يعني هي العافية لكن ليش نصدق ونخاف !!
خروف السلة .هذا يبدو يعيش في القلبان والمزارع .. .

---------------


قلت : ومولازم اليوم أو الآن لا رح تذكر وهات المفيد (( بس لا يصير تصبيرة من لوزين – على فكرة أنا جايع هالحين الله يذكرك بالخير ياحمود الخلف )

قلت انا :
ههههههههههههه تذكرت حمود بس في الجوع .. أكيد فيه رابط وموقف .. اللي هو ياليت تذكره لنا ؟ ..

---------------

وترقبنا ابوفيصل فموضوعك ولااروع وذو شجون لاعدمناك يالغالي ..







يامبدع



اخوك المحب

[المكتشف المغامر]

المشاركة الأصلية كتبت بواسطة المعري

هذي اللعبة جديدة علي
يمكن أقرب شي لها عندنا في الشمال (تريب الذلال) والفكرة باختصار عند أي هوشه بين عيال الحارة
وعندما لا يكون هناك أي آكشن(يعني هوش أشوام) حكي بس...يقوم واحد من الجمهور يملى يده تراب(بوجه العدو)
وياقف بين المتهاوشين قائلا تريب الذلال(يعني تراب الخواف) والبطل اللي يكبه بوجه الثاني ثم تشتعل الهوشة بالمضارب وخذ بعدها تريقه وطنازه على المدبوب(يعني المهزوم)

برضه لعبة حلوة بس ما لعبتها وهي اهم شيء لعبة توسخ الملابس الله يعين اهلنا علينا عاد لا شغالات ولا هم يحزنون يعني الأميمة اذا كانت في مدينة من قدهم عندهم غسالة سبيد كوين ام عصارة

المعري هات المفيد كمل باقي الذكريات الشمال فيه الكثير من الذكريات لك شاركنا فيها اذا ما عليك كلافة

لا الا لعبة ما لعبتها بس سمعت عنها اذا كان فيه واحد مولود وقلبه صاحي ماهو ينلعب عليه يلعبون الصقور والحباري المخفة اللي يلعبون عليهم يصيرون صقور والذهين يصير حبارى كيف الصقور تطارد الحباري والحباري تكرمون تمرش عليهم ايش المرش هنا تراب في وجه العدو يكثحة الحبارى في وجه الصقر ولا عاد يقدر يشوف اي شيء
تحياتي

[المكتشف المغامر]

المشاركة الأصلية كتبت بواسطة الباخص

الحبيب ابوفيصل لاعدمناك

قلت : ترا بطحلك بالعجرا ان كانك صغينون

اقول انا : الله وين طلعت العجرا !! هذي تطلع أول من خلف المرتبة .. إذا فيه مهاوش ..

---------------

قلت : نبي كل واحد يدخل يجيب بعض ذكريات الطفولة القديمة مرة :

اقول انا : ابشر بسعدك والقادم أحلى .. شرايك في :

# ايام الوناسة .. ياترى تتذكر ..
طجمه ..
قمرق .. يوم ناخذ العيدية يوم العيد وانحن نتمشى بين البيوت يجونك الوراعين الطبار القشران يقولك قمرق يعني حط له كل ماعندك له .. رحت وطي
البسطة .. شختك بختك والعكوس
البليلة .. من أول الكل يبيع بليلة على الثاني في الحارة صح وإلا ؟

والقادم أروع .. من الذكريات ..

# الروعه والخوف ..

حمار القايلة .. ياترى هل الحمار مايخرج الا وقت القايلة بش في الظهر !! نبي التفسير احبتي تكفون تراني الى الحين اخاف في القايلة مااطلع !!
السحليه ..
ام الشعر والليف .. احسه تخرع بس في الليل يعني لاليل وقايلة نطلع قعدنا بها متى نطلع اجل !!
القامة .. المقرصة الحامية .. لكن هل شفتا مقرصة باردة .. اكيد بتكون حامية بعد ..
عوافي الله .. يعني هي العافية لكن ليش نصدق ونخاف !!
خروف السلة .هذا يبدو يعيش في القلبان والمزارع .. .

---------------


قلت : ومولازم اليوم أو الآن لا رح تذكر وهات المفيد (( بس لا يصير تصبيرة من لوزين – على فكرة أنا جايع هالحين الله يذكرك بالخير ياحمود الخلف )

قلت انا :
ههههههههههههه تذكرت حمود بس في الجوع .. أكيد فيه رابط وموقف .. اللي هو ياليت تذكره لنا ؟ ..

---------------

وترقبنا ابوفيصل فموضوعك ولااروع وذو شجون لاعدمناك يالغالي ..







يامبدع



اخوك المحب

ايو يابوعبدالرحمن هات الذكريات فل الشريط بس لا يصير كاترج لا واللي فيه سميرة توفيق

اما البسطة مرة كنت ابيع بسطة ونمت ويوم قمت والا البضاعة الله يخلف

العكوس هههههه ادمان

طيب ايش رايك بالمصاقيل والدبق


طيب البليلة ما كان يرافقها عسكريم عبارة عن توت مثلج في باغة

اما حمود الخلف ما بعد صار بيني وبينه شيء بس انا احبه في الله ولله واذكر انه يرحب فينا يوم حضرنا للمنتدى بذبيحة ماكول منها بعدين اي تقرير فيه حمود الخلف يركزون عليه وهو ياكل المسكين

تحياتي

[الباخص]

اما البسطة مرة كنت ابيع بسطة ونمت ويوم قمت والا البضاعة الله يخلف


ههههههههههههههههههه الله يسعدك ياابافيصل عز الله ونستنا الله يسعد قلبك هالموضوع لاعدمناك


ابشر بسعد بنفلها بس من بيجمعها بعدين


اخوك المحب

[المكتشف المغامر]

المشاركة الأصلية كتبت بواسطة الباخص

اما البسطة مرة كنت ابيع بسطة ونمت ويوم قمت والا البضاعة الله يخلف


ههههههههههههههههههه الله يسعدك ياابافيصل عز الله ونستنا الله يسعد قلبك هالموضوع لاعدمناك


ابشر بسعد بنفلها بس من بيجمعها بعدين


اخوك المحب

هلا بالحبيب الغالي
الا ما تتذكر اسم البسطة (( لأن شختك بختك هذي طريقة المناداة عليها )) اسمها الثاني (( خُفيّسات ))

طيب فيه لعبه ثانية اوووووه مين يحصل جنط سيكل مرمي يعني خربان (( الدنينة )) الله الواحد يخش جو معها

[أم شيخه]

المشكله ما نفهم كلام الشيبان خخخخخخخخ

مو فاهمه لا كلام المكتشف المغامر ولا كلام بو عبدالرحمن (( الباخص))... شو هالمصطلحات اللي تكتبونها؟!!

ياترى هل هي طلاسم ولا نوع من الاكل والا ألعاب قديمه والا شو....!!!

احنا ما يخصنا في هالسوالف .... احنا جيل البلاي ستيشن وفله وستروباري... (( ادري مب فاهمين شي))

بس هاي العابنا احنا الصغارية هالايام