|
08-11-2007, 04:44 PM
|
||||
|
||||
|
اقتباس:
اخي الكريم رأيي في التقرير انه يستحق المنافسة لما يحويه من معلومات مفيدة جداً وصور ومقاطع فيديو زادة من حلاوة التقرير ... التقرير لاغبار على تميزه وقريباً سيتم اضافته لرابط المواضيع المميزة في البوابة ... توكل على الله اخوي وفالك التوفيق ... بالنسبة لليوم اللي قضيته في ميونخ فيعتمد على كثرة الصور وتنوعها .. فأن كانت كثيرة ومتنوعة للاماكن فمن الافضل كتابتها في بوابة المانيا ... اما ان كانت قليلة ولها ارتباط باحداث الرحلة وتسلسلها فمن الافضل الاكمال هنا ... تحياتي لشخصك الكريم واي خدمة او مساعدة انا حاضر ... 
|
|
10-11-2007, 10:23 AM
|
||||
|
||||
|
|
|
11-11-2007, 07:35 PM
|
||||
|
||||
|
الرحلة الى زيلامسي تختار القطار الذي يتوجه الى سالفيلدين Saalfelden الوجهة النهائية للقطار الذي يمر بزيلامسي قيمة التذكرة 12.70 تقطعها من نفس المحطة التي قدمت اليها من فينا نظرا لجمال سالزبورغ و قصر المدة التي قضيتها فيها أخرت رحلتي الى القطار الذي يغادر الساعة السابعة مساء  انطلقت الى وجهتي ناويا الوصول ثم التوجه للفندق و النوم مباشرة في زيلامسي لا صور تستاهل لأني في القطار ليلا ما عندي الا البروشورات اقراها عن وجهتي وصلت الساعة التاسعة او قبلها بقليل تقريبا نزلت وحيدا من القطار و معي ام فيصل مستغربة ! اخرجت خريطتي و حددت موقعي و الشارع ما فيه أحد .. تشم رائحة اقرب ما تكون للبخور :11utup: مشيت الى السنتر وسط البلدة و لم اقابل احدا  لمحت شخصا يسير بخطى سريعة .. و سألته ان كان طريقي صحيحا الى فندقي " هيتزمان " فقال لي و هو لم يتوقف عن المشي : استمر .. ثالث لفة يمين و لم يمل وجهه الي ! ثالث لفة يمين .. وصلناها ايش هذا ؟؟ وين الفندق ؟؟  تبينت لوحة غير مضاءة و اذا به فعلا فندقي و اقتربت من الباب لكنه مقفل عناكب بنت اعشاشها فوق الباب ! :11utup:  بغيت اصيح .. بس عيب وش خليت للمدام ! وش خلاني اختار هذا الفندق .. لعبوا علي تذكرت سبب اختياري للفندق : ماكدونالدز خلفه هرعت الى ماكدونالدز .. و اذا بهم يبتسمون و كأنهم يقولون غريبة .. زبون بالليل ! سألتهم : وين الفندق اللي وراكم " هيتز مان " ؟؟ ليش مسكر ؟ قالوا : ما ندري خرج لي مدير المطعم " دب " و قال لي : انت حاجز هنا ؟؟ قلت : نعم .. وهذا الفاوتشر طالع فيه .. و قال : بعد اذنك .. اقدر اساعدك باني اتصل لك بتلفونهم المسجل هنا قلت : اكون شاكر لك راح لمكتبه و انتظرت شوي .. رجع و هو يطالعني و يقول : لازم تروح فندق ثاني هذا مسكر قلت : اي فندق انا حاجز هنا !! رد علي : هم يقولون خله يروح لفندق اسمه " سي هوتيل " .. حجزه تحول الى هناك حسبته يمزح .. "سي هوتيل" غالي و على البحيرة .. و ضعف سعر "هيتزمان " المهم اخذت الوصف منه و رحت في هالديرة اللي ما بها احد .. بس ريحة بخور مشيت عشر دقايق اسحب شنطتي .. وصلت .. و اذا " سي هوتيل " ايضا طافية انواره و الاستقبال اشوفه من برا .. ما فيه احد !! قلت و الله و طحت في يد هالنصابين .. و ضاقت بي الارض لمحت لوحة صغيرة على باب الفندق .. تطلب دق الجرس حال اغلاق الباب او الاتصال برقم هاتف ضربت الجرس .. محد رد و انا مقفي .. خلاص بروح اشوف لي جسر انام تحته ناداني شخص : هيه .. ( بالالماني طبعا ) التفت و اذا به شخص من نافذة بالدور العلوي من فندق " سي هوتيل " يشير الي بأن ارجع و يتحدث الالمانية .. ما فهمت له بس رجعت على امل انه يقول ترانا نمزح معك .. الكامير االخفية  شايب طايح .. نزل و فتح الباب و عطاني ورقة و قال لي شي ما فهمته قريت الورقة لقيت اسمي .. قلت ايه .. انا خويكم شكلي طولت عليكم معليش .. آخر مرة :11owoff: عطاني مفتاح و شال شنطتي و علمني ان المفتاح لباب غرفتي و باب الفندق ايضا في نفس الوقت و وراني كيف افتحه لو جيت متأخر بالليل مرة ثانية .. و كنه يقول .. تجي متأخر مرة ثانية بحش رجولك !! ابتسمت له و فريرة على الغرفة .. ابغى احس بالارض و الاستقرار طحت مغمى علي .. و نمت أحلى نومة في الـ " سي هوتيل " قمت الصباح .. فتحت باب البلكونة .. طالعت جهة الشرق  طالعت جهة الغرب   نزلت للفطور .. احسب اني بدري قالت لي موظفة الاستقبال .. امس انتظرناكم و شكلكم وصلتوا متأخرين و عشان كذا تركنا البوفيه لكم .. لو ما كفاكم اطلبوا زيادة احرجتني و قلت لا بس اومليت و جبن .. احب الاومليت و الجبن .. ما تدرين وش اسمي بالانترنت ! قال ت تفضلوا و يجيكم الفطور الحين  افطرنا على منظر جميل .. و هذي بعض الصور   طلعنا نتمشى على البحيرة الصباح     مكتب خدمات السياح و المعلومات   مناظر اخرى من البلدة   التعديل الأخير تم بواسطة : فارس الشجاع بتاريخ 04-12-2007 الساعة 12:31 AM.
|
|
11-11-2007, 08:02 PM
|
||||
|
||||
|
مشينا بعد شوي .. و مضينا ذاك اليوم كله تمشية كان يوم أحتفال وطني او حاجة زي كذا  هذا البزر يطامر .. يقول لامه ابي حمام .. كذا انا فهمتها و هي طايرة  كان فيه ناس تصور الفرق .. و وحدة تحمست لي .. شوفوها اللي في النص .. تقولون الدعيع مع المنتخب  تمشينا و تغدينا شاورما قدام البحيرة .. اللي فيها بط  وين صور الشاورما ؟؟ ما فيه شاورما .. كله اكله البط احنا العرب معروفين .. من نشوف بطة نرمي عليها غدانا كله درجة الحرارة = 14 لكن ما تحس بالبرد .. فيه رطوبة خفيفة  بدأوا يتجمعون البط   تجمعوا علينا 100 بطة .. كل وحدة تطلع صوت .. كنها تقول .. فيه عرب .. تعالوا !  التعديل الأخير تم بواسطة : فارس الشجاع بتاريخ 21-11-2007 الساعة 02:28 AM.
|
|
11-11-2007, 08:34 PM
|
||||
|
||||
|
اقتباس:
|
|
11-11-2007, 08:35 PM
|
||||
|
||||
|
اقتباس:
 اشكر اطراءك
|
|
11-11-2007, 08:38 PM
|
||||
|
||||
|
اقتباس:
قمة كابرون الثلجية  شكرا لمرورك الطيب التعديل الأخير تم بواسطة : فارس الشجاع بتاريخ 21-11-2007 الساعة 02:29 AM.
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
