|
|
|
|||||||
| الصفحة الرئيسية | معرض الصور | التسجيل | التعليمات | التقويم | اجعل جميع المنتديات مقروءة |
|
| تعليمات الكتابة في منتديات سفاري للسفر والسياحة | تعليمات تحميل الصور في ( معرض الصور ) + شرح كيفية التحميل ... |
 |
|
|
أدوات الموضوع | طرق مشاهدة الموضوع |
01-07-2007, 11:35 PM
|
||||
|
||||
|
أخـي فـارس تقرير رائع وجميل جدا...جعلتنا نعيش معك الأجواء الرائعة في رحلة مشوقه وسياق رائع يستوجب الشكر والتقدير ونحن معك الى العوده باذن الله مع محبتى 
|
|
01-07-2007, 11:36 PM
|
||||
|
||||
|
اقتباس:
يعافيك ربي اخوي .. احد يجلس فس ميونخ ويخلي زيلامسي !! صدقني انا ختمت الرحلة بيومين في ميونخ احس اني ظيعت وقتي .. مافيه مقارنة بجمال الطبيعة .. بس على قولتك خيرها بغيرها .. وبالنسبة للمقالب لاتخاف كلها من الوزن الخفيف .. يهمني نفسيات الشباب اللي معاي .. تعرف احنا في غربة بعد يزعل عليك صديقك يسويلك  .. وتقعد طول الرحلة  .. لكن المقالب الخفيفة تزيد من جو المتعة في السفر .. وابشر بالخير اذا ودك اعطيك دورة في فنون صناعة المقالب انا حاظر  ..
|
|
01-07-2007, 11:39 PM
|
||||
|
||||
|
اقتباس:
لاشكر على واجب .. انا اللي اشكر مرورك ومتابعتك المميزة ..
|
|
02-07-2007, 12:17 AM
|
||||
|
||||
|
- ابوالفوارس ينتحل شخصية موظف الاستقبال !! ( مقلب جديد ) .. بعد ماخلصنا من رحلة الشلال ورحلة المرتفعات الثلجية .. رجعنا للفندق .. صلينا الظهر والعصر .. ريحنا بعض الوقت ... وشفنا فينا شدة للطلعة مرة ثانية ... الجو يحمس للخروج ... وهذا اليوم قبل الاخير لنا في زيلامسي .. فعزمت انا وصاحبي نروح للبحيرة .. اتصلت على غرفة الشباب الطيبين .. الو الو .. اتصال من غرفة الشرقية الى غرفة الوسطى ... رد علي عبدالله ... قلت يلله فرصة مقلب جديد  .. قلدت صوت موظف الاستقبال ( الريسيبشن )  ... طبعا الصوت الخشن مش الناعم مافيه امل اقلد الناعم ... قلتله HELO SER قالي YESقلتله ( HO IZ THES ) الاخ تلخبط شوي قالي ( HO ) قلتله شفيك ياعبدالله تهو هو ماعرفتني انا بوالفوارس .. قال الله يقطع شيطانك ماتخلي سوالفك .. قلتله والله انتو تحمسون للمزح وانا ظريف بطبعي وحصلتلي ناس استظرف عليهم ... بوعبدالرحمن عارف حركاتي ماتمشي عليه .. ماعندي الا انتو تحملوني ... المهم قلتله يابو الشباب فيكم شدة .. قال فينا شدتين .. قلت بعدي والله هذا السياح السنافيه . عموما احنا بنطلع للبحيرة انتو معنا ولا ضدنا !! قال معاكم .. قلت يعني نحجز لكم مقاعد في السيارة  .. تبون درجة اولى ولا سياحي ... قال اللي يجي ان شاء الله في الشنطة ..بعد 10 دقايق ركبنا السيارة وتوجهنا للبحيرة .. على طول استأجرنا قاربين وتجولنا في البحيرة نصف ساعة ... بعدها رحنا للسنتر .. ولا نشوف الوضع اليوم مختلف .. زحمة شديدة .. شالسالفة .. ولا الفرق الموسيقية منتشرة في كل زاوية .. .. والمهرجين مالين المكان .. واحتفالات وعروض بهلوانية .. طلع عندهم هذا اليوم من كل شهر يصير فيه فعاليات من هذا النوع وجات من حظنا .. جلسنا في مقهى نشرب الكوباتشينو والهوت شوكليت ونتفرج على الرايح والجاي ... المهم تمشينا بين هالناس الى ان خيم الظلام وغابت شمس ذلك اليوم .. واحنا نمشي مرينا على مطعم حاطله شواية بالخارج .. يوم قربنا عندها الا نشوف ذاك الخنزير اكرمكم الله مصيخ من الوسط ويدور حول النار .. ( باربيكيو يعني ) وهالخواجات كلا ياخذله شريحة منه ويدفع الفلوس .. الله يقرفكم .. انزعجنا من صخب الموسيقى اللي يعم المكان .. ورحنا للبحيرة اهدى من هالمراجيج .. جلسنا قرابة الساعة .. بعدها رجعنا للفندق ونمنا استعدادا لآخر ايامنا في هذه المدينة الحالمة ... *** بعد الفاصل *** - رحلة جديدة هذه المره الى الزحليقة الصيفية .. الا ليت الطفولة تعود يوما ..
|
|
02-07-2007, 01:15 AM
|
||||
|
||||
|
الخميس 9 / 8 / 2006 م هلا فيكم جميعا ... نواصل معكم احداث آخر ايامنا في النمسا وزيلامسي تحديدا .. في هذا اليوم استيقضنا صباحا ونزلنا كالعادة للفطور .. اتفقنا مع بقية الشلة نروح للزحليقة الصيفية بالقرب من ( سولفادين ) .. وماادري شسبب تسميتها بهاذا الاسم !! بس اكيد تم تسميتها بهالاسم عن طريق احد السياح العرب ومشت التسمية عليها .. طبعا الكثير من اللي سالناه ذكر ان الباص يوقف عند بداية المدخل للزحليقة وتكمل مشي مسافة 7 دقايق تقريبا للرشيقين مثلي .. و10 دقائق للسمان اللي مثل صاحبي .. بس اللي معاه سيارة يوصل الى المواقف الخاصة باللعبة وتوفر جهد المشي ... وصلنا وقطعنا التذاكر .. كان الجو مشمس نوعا ما .. ومافيه زحمة .. ركبنا التلفريك المعلق .. طبعا التلفريك مختلف عن بقية التلفريكات .. كرسي تجلس عليه مثل المراجيح .. يعني اقدامك في الهواء الطلق .. واحنا طالعين نشوف تحتنا اللي طايحة جزمة بنتها .. ولا جزمة رجالي .. كل هذا من الخوف .. وصلنا للاعلى واخذنا جولة حول المكان .. المكان جدا رايق .. مليء بقطعان البقر بلون التوفي ... التقطنا صور بين الغابات ثم ركبنا الزحليقة .. بصراحة هي ممتعة .. وانا جربتها في مدينة ابها بس المسافة اقصر من حقت زيلامسي .. صاحبي مسكين وده ينطلق فيها بس توهق بوحدة قدامه ماتحب السرعة .. تعرفون الحريم خوافين .. وكل شوي ماسكة بريكات قدامه روحت اللعبة عليه .. بعد ماخلصنا اللعبة خذنالنا آيسكريم وتوكلنا على الله راجعين للبلد .. هنا افترقنا مع الشباب .. انا وصاحبي بنروح لقرية فوش الجميلة .. والشباب يبغون يروحون لشلال الكريمل .. وصلناهم لموقف الباصات اللي تروح للشلال واحنا كملنا طريقنا .. والآن جاء دور الصور .. اول شي مدخل الزحليقة الصيفية  مواقف السيارات ..  قرب شباك التذاكر ..      منظر خلفي اثناء الصعود ..  يم يم وين قدر المندي والله يستاهلون مضبي ولا مندي ..  اللحين بناخذ جولة في المكان قبل ما نستخدم الزحليقة المكان فوق حلو ومنوع واتوقع بيرضي كل الاذاق   يالله الجنة ..  ومرينا على الابقار ( بالتوفي ) ..  وهذي ولا هامها احد شوف القعده بس واحكم ..   بين الغابه افتش عن كنز ..  وهذا ابو الفوارس على المزلاج .. بس لاحظو تنسيق الالوان بين التي شيرت والمزلاج .. ترتيب ..  وهذي آخر صورة بعد النزول ..  *** في الحلقة القادمة *** - زيارة قرية رومنسية جميلة ( فوش ) .. - وداعا زيلامسي .. 
|
|
02-07-2007, 01:48 PM
|
||||
|
||||
|
ماشاء الله  بالفعل يستاهل ابو فارس .. الموضوع هذا مكانه بالفعل .. التثبيت والا اي المواضيع تثبت .. تصدق عاد توني ادري انك راعي قفشات لاعدمناك بس .. الله يكفينا الشر يالغالي  ولازلنا نترقب الجمال وحركاتكم والقفشات ..  اخوكم المحب
|
|
02-07-2007, 08:25 PM
|
||||
|
||||
|
اخــــ (((( فارس الشجاع )))) ــــوي   تـسـلـم .. تـسـلـم .. تـسـلـم ....... و اللـه يــ الـغـالـــي ... وش اقــول ابـــداااااااااااااااااااااااااع ... مـعـاك لـلأ خــــر .... ــــــــــــــــــــــــــــــــــــــــ تــحـــياتــي لـك ...
|
|
02-07-2007, 10:21 PM
|
||||
|
||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
