رحلتي المصورة الى جمال الطبيعة (( النمسا )) ...

[سفير الامارات]

مشكور فارس الشجاع على الموضوع

[فارس الشجاع]

المشاركة الأصلية كتبت بواسطة Dr3

الله يعطيك العافية ابو الفوارس ابدااااااااااااااااااااااااع الحقيقة الواحد يحس انه وياك فيى هالرحله في كل كبيره وصغيرة تابع تابع يااااااااااااااشجاع النمسااااااااا وفارسهااااااااااااااا وتقريرك يستاهل التثبيت فمبرووووووووووووووووووووووووووووك

ماشاء الله عليك يا Dr3 من وين مجمعهم هذول ..

بس جمهور يحمس يعطيك العافية ..

واحسن شي سويته انك فصلت الجمهور الرجالي عن الجمهور النسائي ..

علشان مايصير التقرير فيه اختلاط ..

[فارس الشجاع]

المشاركة الأصلية كتبت بواسطة احمد سعيد

مشكور فارس الشجاع على الموضوع

العفو اخوي احمد .. بارك الله فيك وفي جميع الاعضاء الحلوين اللي مثلك ..

[فارس الشجاع]

ارحب بكم اخواني واخواتي الاعضاء .. واعتذر عن التاخر في اكمال هذا اليوم ..

- زيارة مرتفعات الكابرون الثلجية .. من الخضرة الى البياض الناصع ..

خلصنا من التمشية في شلال الوادي الضيق ورجعنا للسيارة .. ركبنا .. هاه ياشباب .. وش ودكم الآن نروحله .. قالو الكابرون .. قلنا يسلم راسكم .. توجهنا للكابرون .. وحسب معلوماتي ان مرتفعات الكابرون الثلجية تعتبر ثاني اجمل مرتفعات للتزلج على الثلوج بعد مرتفعات سويسرا .. والله سلسلة جبال الالب جميلة ورائعة .. ابداع رباني ..

في الطريق مرينا الطيران المروحي .. بس قالولنا لازم تكونون حاجزين قبل فاكتفينا بكم صورة ..







- موقف محرج جديد لفارس الشجاع مع بنت هولندية !! الله يستر !!

وصلنا للكابرون .. لبسنا جميع ملابسنا الصيفية والشتوية .. وركبنا التلفريك على ثلاث مراحل ..

في آخر مرحلة للتلفريك كان معنا رجل هولندي مع بنته .. لاحظنا البنت تطالع فيني انا وواحد من الشباب .. وتناظرنا باستغراب وفهاوة في نفس الوقت .. وترجع تكلم ابوها .. احنا شكينا في الموضوع .. ولا نعرف نتكلم هولندي .. لوانهم يتكلمون الماني ممكن بس هولندي هذا اللي ماعملت حسابه ..

التفت على صاحبي وقلتله انا مش مرتاح من هالبنية شوف وش سالفتها .. قرب بوعبدالرحمن من ابوها وابتسم له بسمته الساحرة ..

الا ابوها يقول لصاحبي بنتي مستغربة من اصحابك .. يقصدني مع خوينا .. قاله وش مستغربة منه !! قال هي تسألني ليش الموجودين كلهم من ذوي البشرة البيضاء الا هالاثنين غامقين شوي .. وقالتها بالانجليزي (تسمينا براون) والله الشباب لقو شي يضحكون علي فيه ..

وصارو ماينادوني الا مستر براون .. مع اني كنت افكر نفسي حمر عطر .. بس انصدمت من هالهولندية المفهية .. وبرضو انصدمت من بوعبدالرحمن .. الخاين طلع يعرف هولندي ولاقالي .. كان رحنا لهولندا بعد ..

يلله السنة الجاية ان شاء الله ..

المهم شوي ورجعت البنت تطالع باستغراب .. شفيها بعد .. انا صديت عنها لاتطلع الاخطاء السبعة بعد .. هالمرة ركزت في صاحبي اكثر .. وارجعت تسأل ابوها .. ليش هاذا من بد الموجودين ماعنده شعر فوق شفايفه .. تقصد الشنب .. لانه يحلق الشنب .. ياولله النشبة هالبنت .. ماعندها الا احنا .. والشباب مش مقصرين احتفال فينا .. والمشوار احس انه طول علينا .. ماوصلنا وفتح الباب الا واحس بنسمة هواء نظيف احسن الهواء الملوث اللي كنا فيه بسبب ثقل دم هالهولندية وابوها ..

وصلنا .. المكان ابيض كلثلج .. حلوة هذي اجل وين رايح انت .. تعرفون متخرع ماعمري شفت ثلج ويتزلجون عليه الناس .. اول اذا حبيت اتزلج ادخل الفريز واصك على نفسي مع الدجاج والسمك
مافيه الاهو اللي فيه ثلج في السعودية .. ولا الباقي صحراء لها اول مالها آخر ..

تزلجنا وصورنا للذكرى .. المكان يكثر فيه اخوانا من الكويت .. حسيت نفسي في السالمية ولا حولي من كثرهم ماشاء الله عليهم ..

بس بصراحة اجسامنا سخنت .. ليش ماادري .. مع ان احنا في وسط الثلوج الا ان البرودة عادية جدا .. وبدينا نخلع بعض ملابسنا .. وايضا الواحد تعوره عيونه من شدة البياض .. واذا ماتلبس نظارة شمسية ماتستمتع بالنظر للثلوج .. سبحان الله .. رمينا على بعض كرات الثلج وتمازحنا ثم قررنا النزول بعد ماشبعنا .. كانت رحلة ممتعة للغاية .. مناظر خلابة .. قمم تكتسي بالبياض الناصع ..
(ربنا ماخلقت هذا باطلا سبحانك ) ..

تعبت من الكتابة اترككم الآن وسأعود اليكم قريبا لاتطفون اجهزتكم واصلو المتابعة ماراح اطول عليكم ...

[فارس الشجاع]

(( 30 صورة ناصعة البياض ))

طبعا عند الساحة الخارجية وقبل ما تركب التلفريك بتشوف اللوحة هذه الكبيرة واللي تبين المراحل والمستويات اللي بنصعد لها ان شاء الله



المرحلة الثانية فيها محل لتاجير معدات التزلج .. صور للتجهيزات الثلجية اختارو اللي تبغون ولا تشيلون هم التكاليف ..







البنت الهولندية اللي ابلشتني في عمري ( المفهية ) ..



وصلنا اول الغيث كهف جليدي ..



هذا الكهف الشباب كتبو فوقه على المدخل لا اله الا الله محمد رسول الله ركزو شوي وبتشوفونها



من الداخل ..





وفي الخارج كان الوضع ..









هذا المكان اللي شفنا قبل شوي الناس يتزحلقون فيه هذه الصورة من فوق

















صور القروب السعودي ..









الشباب يحاولون فيني قوم يافارس وانا متكي ولا علي من احد ومالي نية انزل من هالمكان ..





اخيرا وبعد محاولات اقتنعت انزل والقلب مو مطاوعني ..

هذا الخروف مسكين مضيع اهله ويبغى ينزل بالتلفريك
والله يازينه مشوي على الفحم يم يم ..



من التلفريك .. وداعا الكابرون الجميلة .. هذا المنظر شفناه من التلفريك للمرحلة الاولى لكن لان الجو كان غائم في وقت صعودنا ما انتبهنا له وباين فيه التجمعات المائية وسبحان الله ..




*** في الحلقة القادمة ***

- رحلة جديدة هذه المره الى الزحليقة الصيفية ..
- الذهاب الى قرية فوش الرومنسية ..

[فارس الشجاع]

*** في الحلقة القادمة ***

- ابوالفوارس ينتحل شخصية موظف الاستقبال !! ( مقلب جديد ) ..
- رحلة جديدة هذه المره الى الزحليقة الصيفية .. الا ليت الطفولة تعود يوما ..
- الذهاب الى قرية فوش الرومنسية ..

[ولد الشارقة]

ياربي انشاء الله السنة اليايه انا في النمسا يارب جنة والله جنة

[Dr3]

اخوي فارس الحقيقة ابدعت وعن جد الواحد بدء يفكر جدياً بذهاب الى هناك انا اللي قاهرني اني اولت العام كنت في ميونخ وخويي يقول خلنا نروح النمسا وانا اللي كنت ارفض بس يالله كل تاخيرة فيها خيرة والله كريم . بعدين تبي الصج ابو الفوارس الشجاع طلعت تخوف كل هذي مقالب يعني علشانك اشجعهم ولا شنو السالفة يا (فارس ابو المقالب) بعدين يعطيك العافية على هالصور الحلوه

[سفير الامارات]

مشكور فارس الشجاع على الموضوع

[فارس الشجاع]

المشاركة الأصلية كتبت بواسطة ولد الشارقة

ياربي انشاء الله السنة اليايه انا في النمسا يارب جنة والله جنة

الله يحقق امنيتك ياولد الشارقة .. من ناحية جنه فهي مايحتاج .. الله اعطاهم جنتهم في الدنيا ..