رحلتي المصورة الى جمال الطبيعة (( النمسا )) ...

[فارس الشجاع]

المشاركة الأصلية كتبت بواسطة Romantik

ماشاء الله تقرير والااروع
يمناك لاعدمناك

الاروع منه كلامك اخوي .. وهذي يمناي ..

بس على فكره .. اللي يحط يمينه بيمناي لازم يكون معاه جوازه وفيزا شنجن .. هاه جاهز اخوي ..

[فارس الشجاع]

المشاركة الأصلية كتبت بواسطة zedan

تقرير اكثر من رااااااائع

تسلم اخوي زيدان ..

لاتكون زيدان من جد .. اخبره اعتزل شكله اعتزل الرياضة واحترف السياحة .. امزح ..

[فارس الشجاع]

المشاركة الأصلية كتبت بواسطة yahoo

احسنت اخي الفارس على هذا التقرير
واحسن شي علمتني وين الاماكن الي اتعب عشان اتجنبها تدري صعبة مع المدام اقولها تعب
من الحين بدور تصريفة
لقيتها بقولهاااااااااا

اتعب مره

هلا وسهلا yahoo .. وشخبار ولد عمك hotmail .. ياجماعة قلنا نمزح ..


على فكرة حاول تدرسها كويس قبل لاتقول للمدام كذا وتوقع الردود الغير متوقعة هذي نصيحة ..

لان بصراحة بعض النساء اكثر جرأة ومغامرة من الرجال .. فأنت يمكن تقول كذا تقولك هذا المطلوب اصلا ..

بس انا اللي حاب اؤكد عليه ان بعض الاماكن صعب الوصول لها مع العوايل .. والناس تختلف ..

وبعدين ليش تصرف ياخي والله انا المره الجاية ناوي ارجع للنمسا مع الاهل .. لهم حق علينا ..

[فارس الشجاع]

المشاركة الأصلية كتبت بواسطة كويـتـيـه

السلام عليكم ورحمة الله وبركاته

بصرررررررررررررراااااااااااحه مووووضووووع اكثر من حلوووو
مشاءالله عليك كفييت ووفيييت


بس اخوي بغيت اسالك عن الاندرقراوند

ماواجهتوا مشاكل يعني شلون عرفتوا الاماكن لانه شكله معقد
لانه احنا ان شاءالله هالصيف بنسافر
لانه سافرنا احنا من قبل بس التكاااسي كلتنا اكل فانصدمت من الاندر قراوند
انزين الاندرقراوند يوديك للمكان بالضبط ولا قريب يم المكان اللي تبيه وانت تمشي
فاااياريت تووووضح اكثر عن الاندرقراوند

ولانك اتحب التفاصيل ففصل لي الاندر قراوند بليييييييييز باسرع وقت اذا تقدر

الاخت الكويتيه .. بعد التحية ..

بصراحة نورتي التقرير .. واحرجتيني بعبارتك ( وانااا بصراحه شاركت بهذا المنتدى عشاان موضوعك ) ..

الله يعينا لتقديم الفائدة للناس عموما ..

بالنسبة لسؤالك .. الاندرقراوند ماواجهتنا اي مشكلة في استخدامه .. سهل جدا .. اول شي تسونه اذا وصلتو تاخذون الخريطة من الاستقبال في الفندق .. وخلوهم يحددون لكم المواقع اللي تبون تزورونها على نفس الخريطة .. وترى المسألة ومافيها كسر حاجز الرهبة اول مره بس بعدين بتشوفون المسألة سهلة ..

طبعا لازم تراعين ان الفرق في مسألة الخصوصية غير متوفر .. بمعنى انك تركبين مع اشخاص آخرين ومش على كيفك يعني انا بعض الاحيان اظطر اجلس جنب واحد او وحده ماارتاح لاشكالهم .. او العكس يجي احد يشوف المقعد اللي بجنبك فاظي ويجلس ولايهمهم رجال او حرمه مش زينا يعني ..

بينما التاكسي خاص بكم فقط .. ايضا من سلبيات الاندر قراوند انه بعضهم يجيب معاه الكلاب اعزكم الله .. وانا شخصيا اخاف منهم .. مره ركب نمساوي ومعاه كلبه والله جلست على اعصابي ..

وايضا ماانصح بركوبه بليل بسبب كثرة المخمورين في الليل .. اذكر مره كنت انتظر القطار يوم وصل فتح الباب الا ويطلع واحد سكران وانا في وجهه على طول ويتجهلي يبي يحظني تخيلو عاد شافني حلو ماصدق بس الله فكني منه ومن ريحته ..

وعلى فكره لازم تكونون سريعين في الركوب والنزول .. لانه يوقف ثواني فقط ويمشي ..

بس صدقيني وسيلة عملية وتوفير احسن من التاكسي اللي حتى وهو واقف في الاشارة يحسب عليك ..

طبعا الاندر قراوند يوصلك غالبا الى مكان قريب جدا من اللي تبينه وانت تكمل مشي وهذا شي طبيعي هو قطار مش سيارة .. بس غالبا المحطات قريبة من المزارات المشهورة .. والمشي اصلا ممتع في هالديرة فلا تشيلين هم ..

طبعا انا اتكلم عن فينا فقط وميونخ .. هذا اللي استخدمت فيهم الاندرقراوند .. لان الباقي زي ماذكرت كنت بسيارة مؤجرة .. وهي امتع بكثير من القطارات والتكاسي والباصات ..

وهذي خريطة الآندر قراوند ومبين فيها اهم الاماكن اللي يقصدها السايح ..



اتمنى اني ساعدتك واذا فيه استفسار ثاني انا حاضر ..

[فارس الشجاع]

(( تكملة يوم الثلاثاء )) ..

رحنا للفندق وريحنا شوي بعدين رحنا للبحيرة .. الوقت تقريبا الساعة 6 مساء .. استأجرنا قارب كهربائي لمدة نصف ساعة ب8 يورو تولى قيادته بوعبدالرحمن .. طلع نوخذة .. وبعدين لاتنسون عنده رخصة دولية ماحد يقدر يكلمه .. القارب بطيء لكن ممتع وانت تتمشى في وسط البحيرة وتشوف هالجبال المخضرة .. وتشوف الكابرون بقممه البيضاء .. تنسى نفسك من المتعة ..

- مصير الحي يتلاقى .. مين اللي شفناه !!

في هذه الاثناء اقتربنا من قارب آخر فيه ثلاثة اشخاص .. ركزنا النظر فيهم الا ويطلعون ربعنا اللي تعرفنا عليهم في فيينا يوم فكروني خواجه .. تذكرون السالفة .. والله ماكذبنا خبر ويسقط عليهم صاحبي سقطه مهيب صاحية .. زين ماجاب العيد وقلبهم كان صارة حادثة السلام 2 ..

هلا بالشباب شهالمصادفة الحلوة .. قالو تونا واصلين اليوم .. قلنالهم وين سكنتو .. قالو في لاتيني .. سبحان من جمعنا في نفس المدينة ونفس الفندق بعد .. لو منسقين موعد ماالتقينا بس ربك جمعنا فيهم .. تواعدنا معهم في الفندق .. وبعدين اتفقنا معهم يشاركونا بقية الرحلة .. والله ماكذبو خبر .. وصرنا خمسة بدلا من اثنين .. والله وكانو نعم الاصحاب .. اضافو جو للرحلة ..

اترككم مع الصور للبحيرة الجميلة ..







البيوت المحيطة والفنادق ..





ياجماعة انا مااتحمل هالمنظر من اشوفه قلبي يرقع ..



وهذي بطة زيلامسي المشهورة ..



المهم بعد البحيرة رحنا تمشينا في السنتر وتعشينا من ماكدونالدز ورجعنا للفندق استعداد للراحة بعد هذا اليوم الصعب والممتع في نفس الوقت ..

شفنا فرق ومهرجين .. ومن بينهم هالمحاربين .. طلبو من واحد من الجمهور يتبرع ويشاركهم لعبة .. طلع واحد وتوهق معاهم .. طلعو سيوفهم وجلسو يسون العاب بهلوانية احترافية .. وهو خايف .. وزوجته تشوف شلون يلعبون بزوجها والمحاربين كل شوي يطمنونها انهم مسيطرين على الوضع .. بس باين عليها تبي الفكه منه ودها يغلطون ويخلصون عليه ..





وبما اننا في يوم عنوانه ( مصير الحي يتلاقى ) .. حصلنا فرقة الهنود الحمر اللي شفناهم في فينا اول يوم لنا .. تذكرونهم وعدتكم اجيبلكم صورهم .. شوفوهم بزيهم التقليدي ..











واالى لقاء في يوم آخر من ايام الرحلة وموعدنا مع مغامرات خمسة شباب في شلال الوادي الضيق ومرتفعات الكابرون الثلجية .. تحياتي ...

*** ترقبو في الحلقة القادمة ***

- مغامرات 5 شباب سعوديين في شلالات الوادي الضيق ..
- مساكين هالشباب انحطو في موقف محرج مني !! مقلب جديد لايفوتكم !!

[الباخص]

الغالي ابوفارس

اولاً .. اشهد الله على حبك
ثانياً .. اعلم علماً يقيناً ان مصير التقرير هو التميز ..
لذا ارشحه ليكون مكانه اعلى الصفحة باذن الله للتثبيت ..



صدقني كل يوم ادش النت لزاماً علي دخوله والتجول في جنباته ..
صور .. وفوائد .. وتنبيهات .. وقصص .. وحكايات .. اجدت وابدعت ..



هذه التقارير والا فلا ..
شكراً لك من الاعماق .. ولازلنا نتريا قصص الشباب ..
استاذنك بالسماح بالمرور اليومي اخي الحبيب ..
واسألك هل ينبغي طرق الباب عليكم والا يحق لنا التجوال في الدار ..





اخوك المحب

[فارس الشجاع]

اخي الحبيب بوعبدالرحمن ..

احبك الله الذي احببتنا فيه .. اشكرك على الاطرآء الذي لاااستحقه .. لكن الذوق لايجيئ الا من اهله ..

التقرير تقريرك عزيزي .. تمون عليه .. انت الداخل واحنا الطالعين ..

ومن مثلك لايحق لنا ان نوصد الابواب في وجهه ..

ياخي بدون استئذان ارفس باب التقرير وتفضل .. مو تطرق الباب ..

مرورك اليوم شرف لنا .. دمت اخاً لي في الله ..

[فارس الشجاع]

اخواني واخواتي ..

احب ان اشكر جميع الذين مرو على تقريري ..

واخص بالشكر المتابعين المستمرين .. وهنا احب ان اذكرهم فردا فردا لمكانتهم في قلبي ..

سعود ..

( nasser ) المدير العام ..

kfshman ..

احمد سعيد ..

Dr3 ..

عمدة جاكرتا .. مشرفنا العزيز

الباخص .. مشرف سفاري اللاقليم الهندي ..

سالم الكعبي .. المشرف المميز ..

ام شيخة .. مشرفة تايلند ..

يعطيكم العافية .. مداخلاتكم كان لها الاثر الكبير في الاستمرارية ..

والله يعينا على تقديم الخير لاعضاء هذا المنتدى الرآئع بأعضائه ..

[سالم الكعبي]

يا سلام عليك دائما" مبدع بأسلوبك الجذاب

كلنا معاااااااك متابعين

تقرير متعوب عليه أماكن بالمرة حلوووة

تحياتي لك وإلى الأمـــــــــــــــــــام يا فارس

[فارس الشجاع]

الاربعاء 9 / 8 / 2006 ..

- مغامرات 5 شباب سعوديين في شلالات الوادي الضيق ..

مرحبا فيكم من جديد .. احب اخبركم اننا جلسنا مع الشباب الطيبين في البريك فاست هذا اليوم .. سألتهم وين رحتو .. بس استغربت انهم فاتتهم كثير من الاماكن الحلوة مثل المغارة الثلجية .. لانهم يتنقلون بالقطارات و الباصات ..

عموما انا رحت لابوعبدالرحمن وشاورته شرايك ناخذ فيهم اجر ونوصلهم معنا بدال مايخسرون انفسهم والسيارة فاظية ..

صاحبي ماكذب خبر قالي والله هم حليلين .. طبعا احنا مااتخذنا هالخطوة الا بعد ماسوينالهم مقابلة شخصية واختبار قدرات .. فشفناهم تجاوزوها .. تعرفون مش اي واحد تخاويه بعد يطلع مختلف الطباع وتبتلش فيه ..

قلنا لهم شرايكم تخاوونا الا اذا تحبون تاخذون راحتكم فهذا راجع لكم .. والله ايدو الفكرة وانظمو لنا .. وصرنا 5 بدلا من اثنين .. وبصراحة اظفو جو من المتعة لنا ..

قلنالهم احنا ناوين نروح اليوم شلال الوادي الضيق وبعدها لمرتفعات الكابرون .. قالو توكلنا على الله ..

- مساكين هالشباب انحطو في موقف محرج مني !! مقلب جديد لايفوتكم !!

اتفقت مع بوعبدالرحمن نسوي فيهم مقلب .. قال والله بكيفك انا بتفرج عليك .. قلت ازهلها بس خلك بعيد ولا تظحك .. قال قدام .. في الطريق سواليف ووناسة .. تمهيد للنكبة ..

في الطريق لاحظنا ان الشباب مستحين منا حبتين وكان شكلهم كذا ( ).. انا وصاحبي ماظيعنا هالفرصة وابتدينا مشروع الاحتفال بشركآئنا الجدد .. تعرفون من يحصل واحد مستحي هالايام ...

طول الطريق واحنا تعليقات ومزح من العيار الخفيف والمقبول طبعا .. هدفنا كسر الحواجز والاندماج السريع .. بعد مو حلوة 5 طالعين مع بعض وكل واحد يجامل الثاني من الحيا ...

المهم وصلنا لموقع الشلال .. قبل شباك التذاكر قلت لصاحبي الحين بننكبهم .. اعطاني الاشارة ايذانا بالبدأ ..

ناديتهم .. ياشباب .. ياحلوين .. ياطيبين .. تعالو .. تعالو .. نبيكم بكلمة على انفراد ..

جاو يمي وصاحبي يراقب والضحكة بتفلت منه .. قلت لهم .. احنا اللحين في بلد الخواجات .. قالو اي نعم .. قلت يعني مش في السعودية .. قالو ندري .. قلت تمام .. يقول المثل ياشطار ( كلمة تستحي منها بدها ) .. قالو حلو كمل .. قلت انتو الآن شركآئنا في الرحلة .. والمجاملات مرفوضة تماما في برنامجنا ..

بسألكم سؤال .. قالو تفضل .. قلت الباص اللي كان بيجيبكم الى هالمكان الحلو كم كان بياخذ على الشخص الواحد فيكم !!! قالو تقريبا 18 يورو .. قلت تمام .. احنا وفرنا عليكم الوقت بانتظاركم للباص .. ووصلناكم بسيارة خاصة وموديل 2006 وسايقها يمتلك رخصة دولية قد الدنيا .. وفوق كل هذا ظحكناكم وفرفشناكم .. وكني بهم يقولون شيبي الحين هذا من هالكلام الطويل !! اي هين اصبرو علي شوي وبتعرفون وش ابي ...

قلت يابابا انت وياه اذا ودكم ترجعون للفندق كل واحد منكم يدفع 40 يورو ولا انطقو في هالشلال ودورو احد يرجعكم في هالقطعة .. مافيه سعودي ما سعودي تدفعون ولا مع السلامة ..

تعرفون ودنا نعوض بعض مصاريف السفر .. وسمعنا عن العرب انهم دفيعة .. قلنا احنا اولى بفلوس ربعنا ..

يومنهم قامو يطالعون بعض ويضحكون على نفسهم .. وفي نفس الوقت مصدقين ولا لا .. قالو لا لا اكيد تمزحون .. قلت مافيه مزح تشاورو مع بعض .. احنا بنسبقكم وبسرعة عطونا خبر والا ... ولا مش قايل بعدين تعرفون ..

مساكين نطالع انا وصاحبي في وجييهم وهم يبتسمون ابتسامة واحد متورط ..

وفي نهاية الرحلة قالو خلاص بندفع لكم قلت .. والله ودي نوصلكم بس فيه ناس سبقوكم وادفعو اكثر منكم وتقاطعو معنا نرجعهم .. لانكم مااكدتو حجزكم معنا ..
( احلى ياطيران السعودية ) .. دبرو نفسكم الحين .. والله وهم يطالعون ويضحكون وودهم يكفخوني من القهر .. وبوعبدالرحمن ماسك عمره بينبط من الضحك ..

بصراحة كسرو خاطري .. فقلت لهم خلاص بنوصلكم بس ترى هذا نظامنا اتفقوا معنا قبل اي مشوار .. قالو توبة خلاص ذليتونا بهالمشوار .. قلت لا بس هالقصة علشان يصير فيه اكشن في الرحلة ..

هذي قصة المزحة مع الشباب وللحديث بقية مع الصور ...