النتائج 1 إلى 4 من 4

الموضوع: :: أنا رايح لندن بس محتاج مساعدتكم ::

  1. #1
    مسافر فعال
    تاريخ التسجيل
    Jul 2007
    الدولة
    لؤلؤة الخليج (البحرين)
    المشاركات
    1,269

    :: أنا رايح لندن بس محتاج مساعدتكم ::


    بسم الله الرحمن الرحيم ،،
    السلام عليكم ورحمة الله وبركاته ،،

    (( أنا ناوي أروح لندن في الشتاء، بس عندي موسوعة استفسارات، وما ادري يصلح أروح في الربيع أو أأجل الموضوع للصيف القادم))

    أولا: هذا الكلام بين الأقواس مو كلامي، كلام صديقي ،،

    ثانيا: الموسوعة:
    نبدأ بموسوعة الإستفسارات

    - الفيزا، أحتاج معلومات كاملة عن الفيزا الإنجليزية
    - الأماكن والأسواق في لندن، أحتاج نبذة عن الأماكن السياحية والمجمعات في لندن
    - الحدائق والمنتزهات في لندن


  2. #2
    مسافر جديد
    تاريخ التسجيل
    Aug 2007
    المشاركات
    16

    هلا اخوي


    الأفضل انك تروح في شعر 7 و 8 ميلادي احلى وقتين في السنة بعد كذا يبرد الجو مرررررة


    غير كذا الشتاء في بريطانيا مو حلو ابد عشان الليل يكون طوييييييل والبرد قارس


    والشتاء عندهم فترته طويله


    عموما

    بخصوص الفيزا


    اذا انك في الرياض روح لمكتب الطيار اللي افشارع التخصصي وروح قسم التأشيرات وخل معك تعريف من العمل اللي تعمل فيه (يكون باللغه الانجليزيةه ) وخل معك صورتين خلفيه (والله مدري هي بيضاء والا سوداء ناسي والله ) مكشوف الرأس وخل معك برضه كشف حساب آخر ثلاث شهور من البنك اللي تتعامل معه ( باللغه الانجليزيه برضه )

    وعطه قسم التأشيرات فيه واحد سوداني مدري وش اسمه والله عطه اللي قلتلك عليهم وراح يطلعها لك خلال 24 ساعه لاتشيل هم ّ


    أما اذا كنت بغير الرياض روح اقرب مكتب سياحي وراح يفيدك ان شاء الله


    بخصوص اماكن التسوق والسياحه والحدائق

    فيه عندك شارع الاكسفورد طويل عريض فيه محلات حلوة مررة (ملابس مطاعم كوفي وكل اللي تبغاه ) ... وفيه عندك برضه شارع على ماعتقد اسمه ( بيس واتر ) على امتداد شارع اكسفورد وانت متجه غرب يجيك على اليمين زي شارع العرب اذا دخلته يجيك بنهاية الشارع مركز تسوق صغير وش حليله

    وعندك برضه شارع العرب مشهوور جدا فيه مطاعم عربيه ومحلات كوفي وسوبر ماركت وفي بدايته فيه قاعات سينما


    وفيه برضه ساحة الترافرجار حلوة مررة

    عندك برضه حديقة الهايد بارك تجننننننننننن مشالله يزينها الصباح اول ماتطلع الشمس روووعه


    تسمع اصوات العصافير وهالعالم ملتمّه حولك اللي يمشي واللي يهرول واللي يلعب واللي جالس على الكراسي بس كل واحد ابحاله محد لمّك

    عندك برضه مركز التسوق المشهور جدا في بريطانيا اللي هو ( الهارودز ) حق رجل الاعمال المصري الفايد خلف حديقة الهايد بارك هالمجمع يتكون اعتقد من 5 او 6 ادوار فيه كلللللل شي تبغاه بس لازم يصير معك مكينة صراف والا بنك يمشي وراك


    اذكر يوم اروحله قبل سنتين كانت معي كاميرا ودخلت المجمع وشفت منظر حلو مررة قلت خل اصوّر مادريت الا اللي ماسكني من ورا الا ذاك السكيورتي يقول ممنوع التصوير ... قلت اوكي ... وشوي مادريت الا محمد الفايد حق المجمع اخل ومعه حوالي 6 بودي جارد يمشون قدامه وجنبه ووراه ... والناس جالسه اتطالع فيه واللي يسلم عليه والا يقول باخذ معك صوره ... لكن مسوي فيها ثقل ذالشايب ... ماعطى احد وجه


    المهم نرجع لموضوعنا بخصوص الاماكن فيه عندك برضه منطقة المايفير ... أغلى مكان بهالمنطقه سواء ً سكن او مطاعم وكل شي ... بجنب حديقة الهايد بارك ...

    باختصار

    الهايد بارك هذي يحيط في جميع اتجاهاتها كل اللي قلتلك عليه

    فيه برضه اماكن سياحية كثير بلندن زي متحف الشمع وملاهي العاب بس مارحتلهم انا اقولك على اللي رحتله في رحلتي قبل سنتين

    يوم اروح في شهر 8 كان الجو جداااااا روعه في النهار برااااااااد وفي الليل برد شوي


    يعني تقدر تقول ربيعي

    نسيت اقولك انه يوم الأحد من كل اسبوع في حديقة الهايد بارك فيه زاويه من جهة الشرق اسمها ( كورنر سبيكر ) يجلسون فيها هالعام ويحشون بخلق الله وخذ ياضحك على هالمهبّل

    فيه برضه ( اللندن آي ) عين لندن ... تركبها وتدور فيك وانت ماتدري عنها توشف لندن كلها

    بس اللي عينك اذا جيت تقص تذكره يبغالك تاقف اقل شي نص ساعه عشان الزحمه



    هذا اللي اعرفه شخصيا من ذاكرتي المتواضعه عن لندن واذا حبيت اي اضافات ادوّر لك واجيبها لك


    تحياتي لك
    التعديل الأخير تم بواسطة سفاري الرياض ; 2007-08-22 الساعة 01:30 AM

  3. #3
    مسافر فعال
    تاريخ التسجيل
    Jul 2007
    الدولة
    لؤلؤة الخليج (البحرين)
    المشاركات
    1,269

    مشكور اخوي بس عن الفيزا، أنا بحريني ،،

  4. #4
    كبار شخصيات سفاري الصورة الرمزية كلام كبير
    تاريخ التسجيل
    Feb 2007
    الدولة
    وين ما اكون
    المشاركات
    2,090

    اخوي بالنسبة للفيزا ما تاخذ وقت اهم شي يكون معاك فاوتشر سكن وتذكرة بحجز مؤكد وكشف حساب 3 شهور انجليزي وتعريف من العمل باللغة الانجليزية محدد فيه الراتب وتقدم عليهم الصباح وتاخذ الفيزا بعد الظهر او صباح اليوم الثاني بيسألونك بعض الاسألة وين بتسكن وليش بتروح وكم يوم بتقعد واجراءتهم بسيطة جدا وممكن تسوي الطلب عن طريق النت وتطبعه وتاخذه معاك لتسهيل الاجراءات من موقع http://www.visa4uk.fco.gov.uk..

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X