أحبائى أعضاء وزوار منتدى سفارى الكـــــــرام
سلام الله عليكم ورحمته وبركـــــــــــــاته
لكل باحث عن عن أرخص توصيلة
من المطار للفندق سواء كانت إقامتك باكسراى او السلطان أحمد او التقسيم سأتحدث عن
أهم خط مترو باأسطنبول بالنسبة للسائح فى وجهة نظرى الذى يبدأ من المطار وينتهى فى أكسراى
كما أنى جئت لكم اليوم برحلة سياحية عجيبة وفريدة وأعتقد نحن سنكون من أوائل من سيقومون بها
سعرها منافس لأسعار الشركات السياحية فكل ماتكلفك للفرد هو فقط 1.75 ليرة للفرد باستخدام الاكبيل
او 2 ليرة تركية بدون الاكبيل
في هذه الرحلة ستمر بها تقريبا على نصف جزء أسطنبول الأوروربى بكل أثاره ومعامله فهيا بنا نبدأ
ولكن قبل صعودك معنا إلى المترو لابد ان تعرف بعض المعلومات الخفيفة عن مترو أسطنبول
فهذا المترو الاسطنبولى تم إنشاءه عام 2000 م وبقطارات تسير بالكهرباء
ولكن أسطنبول عرفت أول مترو متحضر فى تاريخها يسير فى نفق كان عام 1875 ميلادية
والذى يعتبر ثانى أقدم خطوط مترو ترام بعد لندن فى ذلك الوقت
ويغطى مترو أسطنبول حاليا مساحة 132 كيلو متر مربع منهم 80 مترا مربعا تحت الارض
ويتخذ شعار يتكون من حرف الإم M باللغة الانجليزية والتركية إختصارا لكملة مترو
وسهم متجه للأسفل يشير إلى سرعة قطاراته وسيرها قدما
ويتبع بلدية أسطنبول حاليا تتولى أمر نظافته وصيانته وشئون العاملين به
ورمزها يرسم على عملة المترو
ولكن مخطط مترو الأنفاق المتعدد الشبكات بدأت عام 1912 م على يد أحد المهندسين الفرنسين
الذى كان يضع مشروع لربط منطقة توبكاباى بشيشلى مارة عبر خليج القرن الذهبى ولكن لم بنفذ
ومعروض حاليا كل الخطط التى رسمت لهذا المشروع فى متحف الجامعة التقنية بأسطنبول
ثم مشروع أخر عام 1936 م يربط منطقة التقسيم ببيازيت بواسطة الفرنسيين وايضا لم ينفذ
ثم الألمان حاولوا مجددا عام 1951 م ونفس الخط بين التقسيم وبيازيت لكن لم ينفذ
الى ان تم تجميع كل هذا المشروعات والاستفادة القصوى من جميع دراساتها وتم بالفعل عام 1983م
أتخاذ إجراء فعلى لبدئ التنفيذ الذى بدآ بالفعل عام 1992 وأنتهى عام 2000 م
ليعطينا خطوط مترو أسطنبول بصورتها الحالية
وها أنتم الأن تزودتم بالمعلومات فهيا بنا نقطع التذاكر للمرور وبدء الرحلة
أول طريقة لقطع التذاكر الاشهر والاكثر تداولا بين الاتراك هما اما الكارت الممغنط أو الأكبيل
واللذان يتسخدمان لجميع وسائل المواصلات ومن ضمنهم المترو
هكذا يبدو شكله
بلاستيكى ذو جزء معدنى ممغنط يكلفك للمرة الاولى 7 ليرا تتشتريه وتحتفظ به
وحين يفرغ شحنه تقوم بأعادة تعبئته على حسب رغبتك
طريقة الاستعمال
يتم تلميس الجزء المعدنى بالأكبيل مع الجزء المعدنى بالماكينة كما هو موضح بالشكل التالى
فتصدر الماكينة صوتا بقراءة الأكبيل يسمح لك بالمرور ونقولك مبررررررررررروك المرور
طيب لكن لو أنت مسافر جديد ومش معاك أكبيل تعمل ايه ؟؟
لا متخفش متخفش ممكن نستعمل العملات المعدنية او الورقية
اللى هى طبعا معانا منها كتير عشان أحنا سياح
بص ياسيدى دى الماكينة موجودة بكل محطات المترو شكلها كده
وبيكونوا اكتر من واحدة عشان تفادى الزحام وكثرة الركاب
متخفش وتقول انا سايح جديد وتبص وتتلفت حواليك وتحسس الناس انك مش فاهم
لا تقدم نحو الماكينة بكل قوة وطلع ليرات سواء عملات او عملة ورقية
خد منهم ليرتين للفرد ونحطه فى الماكينة بالشكل ده فى المكان المخصص لليرات المعدنية
اللى هو على فى أقصى اليمين ده
وفى اقصى الشمال زى ماأنت شايف دايرة خضراء للضغط عليها تحصل على التذكرة
ودائة حمراء لالغاء العملية واسترجاع اموالك
أضغط على الدايرة الخضراء زى الفراشة ماضغطت كده
هتنزل لحضرتك التذكرة من المكان ده تفتح الباب الاخضر ده
وتأخد التذكرة وباقى الليرات 25 قروش
ويبقى حضرتك كده مبروك خدت التذكرة اللى هو ده شكلها
بردو بكل قوة وزى الباشا تلقى نظرة ثعلبية يمينا ويسارا وفى الخلف
كأنك حافظ المكان عن ظهر قلب هتلاقى ماكينات المرورو اللى هى دى
تروح تحط التذكرة زى الفراشة دى كده فى نفس المكان وتمر بكل سلام ونقول مبروك
طيب لو سيادتك مش معاك عملات معدنية تعمل ايه ؟؟
بردو خليك ثابت على موقفك وتصرف كالأسد وتعامل بالعملة الورقية وياريت عملة ال5 ليرات
لأن الماكينات دى أحيانا تستعبط و تأخذ الليرات ولا كأنها أخذت حاجة
وتمسك الخمس ليرات كده وتفرجها للأتراك وتقول لوزير المالية ها أنا ذا اعطيكم لزيادة لاقتصاد التركى
يعنى لولاى ما أتغنيتم بس لا تتبغدد وتفرج كل تركيا عليك حاول تتبغدد فى
حدود المنطقة المحيطة هى فى الأول والاخر 5 ليرة بردو
هيظهر لك الخمس ليرات فى الشاشة الخضراء بالشكل ده
الشاشة تحتوى على المبلغ المدخل اللى هو هو فوق ده 5 ليرة فى السطر الاول
السطر التانى بيقولك ان التذكرة ب 1.75 ليرة للفرد لو ضغطت مرة واحدة يعطيك تذكرة واحدة والباقى
ضغطتين يعطيك تذكرتين 3 ضغطات هيقولك لا نرجو كمان 25 قرش وهكذا نفس العملية
وبذلك نفس الخطوات السابقة نقول مبروك للجميع دلوقتى كلنا نقدر نكمل الرحلة