|
03-05-2008, 12:55 AM
|
||||
|
||||
|
بعد ماخرجنا من بانكوك توقف الباص عند محطة بترول وفيها خدمات من سوبر ماركت وغيرها اللي يبي يفطر او يأخذ معه شئ خفيف وبعد حوالي 5 ساعات توقف الباص عند مطعم للغداء طبعا الأكل على حسابنا وبعد ماتغدينا كملنا الطريق مشينا حدود الساعة معنا ركاب تايلنديين نزلوا عند قرية قبل الحدود ومابقى الا شخصيين من الجنسية اليابانية وصلنا عند الحدود نزَلنا السواق بعد مااعطانا استكرات نحطها على الفنايل عشان يعرفنا اللي بيوصلنا لمدينة سيم ريب الكمبودية ومشينا برجولنا لحد المنفذ التايلندي الكمبودي وهذي صورة بالجوال للبوابة الكمبودية  قصرنا من المشي على رجولنا  وصادفنا جيش من الشحاذين ومااسمع الا كلمة يم يم يعني أكل وبعضهم معهم شماسات يظللون على اللي يمشون بصراحة طنشتهم ماابي افتح مجال لهم من البداية الين مابقى على المبنى حوالي 5 متر واوزع عليهم القروش اللي معي 5 و10 بات جاء شخص وطلب مني ومن اليابانيين الجوازات عشان الفيزا يوم شفت اليابانيين عطوه الجوازات والله واعطيه الجواز ويطالع مستغرب قال عرب عرب بروبلم قال عطني 2000 بات يعني 235 ريال قلت الفيزة ب 20 دولار قال عطني وبعدين تعرف !!  التعديل الأخير تم بواسطة : kfshman بتاريخ 03-05-2008 الساعة 08:56 AM. |
|
03-05-2008, 06:19 PM
|
||||
|
||||
|
بعد نص ساعة تقريبا جاء الشخص اللي اخذ الجوازات ويعطيني الجواز مفيَز هذي صورة الفيزا الكمبودية   دخلت المبنى التايلندي (صالة كبيرة) مافيها الا 20 مسافر تقريبا واعبي ورقة المغادرة وامسك سرى واقدم الجواز للموظف ويطالع فيني بعدين قال انتظر شوي ويروح يسلم الجواز لضابط جالس على طاولة خلف الكاونترات ويجي الضابط قال تعال اجلس هنا واشوف واحد من هالمسافرين جالس ومحزن الله يستر وش السالفة ؟؟ قال غير مسموح لك بالسفر لكمبوديا اقدر اختم على جوازك خروج لكن بترجع وبتفيز عشان تدخل تايلند ويوريني ورقة المنع اول ماشفت اسم saudi arabia قلت طيب شف هذي فيزا لدخول كمبوديا  اول ماشاف الفيزا الكمبودية على طول راح للكاونتر اللي فيه موظف وخلاه يختم الخروج من الاراضي التايلندية  جاء دور الكمبوديين !!  دخلت ولا المبنى عشوائي ومافيه لاتنظيم ولاترتيب والموظفين اكثر من المسافرين واخذت ورقة من احد الطاولات اسجل فيها معلوماتي بعد ماانتهيت من التسجيل قدمت الجواز ويطالع فيني الموظف ويمرر الجواز اكثر على جهاز عندهم ويروح 5 دقائق  ويرجع معه ضابط ويطالع فيني ويناظر الفيزا بعدين راح شوي ورجع ويتصل بالجوال ويدخل في غرفة صغيرة حوالي 10 دقائق  تجمع حوالي 4 موظفين على جوازي ويتنقل الجواز بين يديهم كل واحد يطالع فالفيزا كانها فلوس يحسبونها مزورة ماكفتهم الاجهزة وانا بصراحة خفت انها مزورة والا يلفقون لهم قضية تزوير :l: تأخروا علي وانا على اعصابي اخيرا صوت لي ضابط اجي له بعيد عن الكاونترات ويسأل هالفيزا من سفارتنا اللي في بانكوك قلت لا من عندكم قال انتم يالسعوديين ممنوعين من اصدار الفيزا فالوقت الحالي ويوريني نفس الورقة اللي شفتها عند التايلنديين  واذكر من الدول اللي غير مسموح لمواطنيها باصدار الفيزا ودخول كمبوديا هي : 1- السعودية 2- ايران 3- العراق 4- باكستان 5- افغانستان 6- الجزائر 7- السودان بعدين صار يكلم بالجوال وبعد ماخلص سألني قال بسمح لك بدخول كمبوديا 72 ساعة واطلع له تذكرة السفر من كمبوديا الى ماليزيا اعلمه اني بطلع من ديرتهم بعد يومين والله ويختم لي الجواز واطلع من مبناهم  واسحب شناطي اطالع يمين ويسار الساعة 4ونص العصر كل ماشفت لي واحد اقعد اطالع فيه ابيه يشوف اللزقة اللي فالتيشرت يمكن هو الشخص اللي بينقلني الى مدينة سيم ريب  وبعد حوالي نص ساعة وصل باص منتهي مافيه الا شخصين السواق والشخص اللي اخذ مني الجواز عشان التفييز ويناديني قال تعال واركب لحالي فالباص ويسألني ليش تأخرت قلت عطلوني عشان الفيزا قال الحين عرفت ليش طلبت منك 2000 بات عرفت ان الدعوة فيها رشاوي نكمل المتبقي في وقت لاحق |
|
04-05-2008, 02:35 AM
|
||||
|
||||
|
يعطيك العافية اخوي سفرياتي |
|
05-05-2008, 09:33 PM
|
||||
|
||||
|
بعد مادخلنا الاراضي الكمبودية توقف الباص عند ساحة فيها محل للصرافة والسيارة اللي بتنقلني لمدينة سيام ريب متوقفة والسواق ينتظرني التعديل الأخير تم بواسطة : kfshman بتاريخ 08-05-2008 الساعة 02:31 AM. |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
