مباشره !! رحلة سفيرة الهند لكيرلا 2008 ,,

[سفيرة الهند]

اليوم الأول الأثنين 11-8-2008,,

مخطط رحلة الذهاب : رياض – مسقط – كوتشن
مدة الطيران من الرياض إلى مسقط ساعه وخمسون دقيقه
اليوم كان أول يوم من الرحلة (أسأل الله تكون رحلة ممتعه )طلعنا من البيت ع الساعه 4,45 إقلاع الطيارة الساعه6,45
وإتجهنا إلى مطار الملك خاد الدولي


8
مخطط الرحلات , وإحنا بالعمانيه ,
بعد إجراءات السفر الروتيبه توجهنا للبوابه رقم 17قدام كوستا كوفي كان ودي أدخل النت ما خليت أحد إلا سألته بعد معاناااة طلع بس للصالة إنتظار الدرجه الأولى !!!: وللي درجه سياحيه يدفع 40 ريال عشان يدخل , وقلنا بلااااش النت وأمه دامه ب40 ريال ,, ركبنا الطيارة العمانيه

, من أبرز الأشياء السلبيه فيها الموسيقى ؟؟ كان صوت الموسيقى مزعج (بالنسبه لي ) هي كانت موسيقى هادئه بس ما إرتحنا كونها موسيقى ,, الشي الثاني حاطين فيديو كليب على قناة روتانا لأمل الحجازي وكله تمااايع ؟؟؟!!!!!
أقلعنا وطارت الطياره وتم تقديم الوجبه
وكانت عباره عن لحم مع مكرونه كان لذيذ بس بارد ,,

بعد ما هبطنا الحمد الله ونزلنا على مطار عُمان وقعدنا فيها ترانزيت تقريبا ساعتين رحنا فيها للسوق الحر ووشرينا بعض الحلويات ....,



8
محل في المطار العماني , فيه ملابس تراثيه عمانيه ,
بعد كذا توجهنا إلى بوابه 2 إستعدادا للإنطلاق لكوتشن ,



8
الطياره اللي بتطير فينا إلى كوتشن ,
مدة الطيران من مسقط إلى كوتشن ثلاث ساعات وإحدى عشر دقيقه
(كانت الساعه 1,5)وفي هذي الأثناء طبعا قٌدم لنا وجبه وكانت أحسن من الأولى بكثير

وتعامل المضيفاة أحسن (طفشششتهم جيبوا بطانيه رجعوها , شيلوا الأكل ,, لا والأخت <= أنا بعد ما عبيت الكرشه قامت تتشرط قالت المضيفه أصب لك تي قلت لا أبي قرين تي ناظرت وأحسها ودها تطفقني لا وبعد لو تفتخ الباب وتجدعني كان أحسن وقالت نو مام هير دونت هاف إني قرين تي ذا بيتكم ...!!::ranting2: ) الأهم إنهم ما حطوا موسيقى مثل الأولى ,, بس ما يدعون دعاء السفر لازم تاخذه معاك ,,
وقعدت فتحت الاب توب وأكتب ,,,وقدامي مشغلين فلم هندي خرااافي زي العاده فلم هندي ,,,,؟؟!!أوووف
بعد كذا تقريبا ساعتين ,, وإنحن بالطيارة بين نوم وأكل وتصقح الكمبيوتر ,, وصلنا الحمد الله( كانت الساعه6,10بالتوقيت الهندي )

صورة من مطار كوتشن ,
ونشوف الخضار من أولها ماشاء الله وااااو :icon_cyclops_ani: ,,إستقبلنا إثنين المطر ماشاء الله (من جد كنا فاااقدينه )و شمس الدين وكان مسكين تعبااان لأنه على قولته ماينام من كثر الزباين ماشاء الله ,

8
أول صورة بعد دخول كوتشن ,

هذي السياره ,, والشي المميز إن السياره والسائق 24على 24 معاك ,,
والسواق إسمه فيصل ويتحدث العربيه بشكل ممتاز ,
صور بالطريق لفندق رامادا ,,



لاحظوا كيف الجو كان رااااااائع ,

8
فندق مريديان ,, وهو فندق 7 ستار ,, حلو بس غااالي ,

[VIP_KSA]

• حياك الله ياسفيرة الهند
  
• تقرير مشوق من البدايه لرحلتكم ....
  
• مواقف طريفه لكم ونتي بطيارة .....
  
• وصور تبين لنا بدايه الرحله من مطار الرياض
• متابعين معك الفلم الهندي
  
• كسبنا منك معلومه جديدة ...
  
• هندي واسمه فيصل اول مره توني ادري ان اسم فيصل مشهور في الهند

1. وشكرا لك علي التقرير الهندي ....

[صفاصف]

رائعة اختي سفيرة الهند

سردك ممتع و تمنيت بأنه لم ينتهي



واصلي تميزكـ

[سفيرة الهند]

,, وصلنا لرمادا وهذا المنتجع جديد ما صارله مفتوح إلا شهرين تقريبا وهو 6 ستار بعد مريديان على طوول

8
البهو الخارجي للفندق ,

8
البوابه

8
اللوبي لراماد,,

وصرااحه كان خيااال من كل النواحي برا خضااار وبحر ومسابح منتجع رهييب بس يعيبه إزعاج الغرااب ,,يووه قلق ,, والشي الثاني إنو ما بعد خلص يعني ما فتحوا فيه المساج والإيروفدك ,,


أول ما دخلناه كان إستقبالهم مرره حلو وطول ما نمشي وهم يرحبون ويبتسمون ,, أخذوا أمي وأبوي غرفتهم وأنا وخواتي أخذنا غرفتنا مقابله تمام غرفتهم على طول وكانت الغرف مرره حلو

فيها بلكونه تطل على الخضار والمسابح والبحر


,, دخلنا وإرتحنا بعد كذا نزلنا أنا وخواتي نتمشا(وناخذ بعض الصور ) مرره كان مميز وصالة التدريب الرياضي كانت شي ,,
وإتجهنا على طول لبوفيه الفطور(ع الساعه 10 ونص) لأننا كنا مرره جوعانيييين .. وأكلنا من كل شي أأأأه بطني من جد إمتلى ياارب لك الحمد ,, وشربت الشاي الأخضر اهم شي :115:
وطلبنا نت قلنا نشيك ع المواقع وكان السعر لليوم 110 روبيه مع الضرائب يعني 11ريال(هذا اللي معهم لاب توب وفي زياده للي ما عندهم وبيدخلون من جهاز المنتجع نفسه ) مررره حلو بأخوالبلاش وش فررررق مره عن الفنادق الثانيه ,,وطلبنا مويه والطريف بالأمر إنوسعر قارورة المويه اللي نشتريها بالسعوديه ب3 ريال طلعت نفس سعر إشتراك النت (يعني ب11 ريال ),,,<= قال أبوي مره ثانيا يانجيب مويه معانا أو لا عاد نشرب مولازم ,,
من جد ,, بس نصيحه يوا مثلنا ,,
طلبنا من السواق فيصل يروح يشتري ماء من برا المنتجع وفعلا يطلع أرخص <=أفكااار إقتصاديه ,,


**
وأنا أنزل التقرير أسمع تساقط قطرات المطر على الأرض ,,

اليوم ما أخذت صور كثيره للفندق (من شدة التعب رحلتنا بطائره كانت متعبه )وهو يستحق تصويره كونه جديد وغير معروف ,, بس إن شاء الله بكرا رح أنزلكم الصور

نترقب غدا الأحداث سويا

[اسير الود]

من أولها ويادوب وصلتي وهات تقرير
ياهوووووووووو أصبري شوي حتى نخلص من الشباب اللي مورطينا في تقاريرهم وبعدين نتفرغ للتقريرك اللي كله مفاجأت

ــــــــــــــــــــــــــــــــــــــــــــــــــ ـــــــــ
ــــــــــــــــــــــــــــــــــــــــــــــــــ ــ
أولاً الحمد لله على سلامة الوصول
ثانياً نقل للأحداث مباشر <<<<<< الأخت مراسلة الجزيرة
ثالثاً نتمنى لكم رحلة ممتعة وسعيدة وعوداً حميداً أن شاء الله
في أنتظار ماتبقي من أحداث مباشر وتقرير بمشئة الله قادم
تحياتي أختي الكريمة

[سفيرة الهند]

حياك الله ياسفيرة الهند

تقرير مشوق من البدايه لرحلتكم ....

مواقف طريفه لكم ونتي بطيارة .....

وصور تبين لنا بدايه الرحله من مطار الرياض
متابعين معك الفلم الهندي

كسبنا منك معلومه جديدة ...

هندي واسمه فيصل اول مره توني ادري ان اسم فيصل مشهور في الهند
وشكرا لك علي التقرير الهندي ....

الله يحيك ,,

فيصل ؟؟ حتى أنا زيك إستغربته ,,
شاكره لك ردك .

صفاصف رائعة اختي سفيرة الهند

سردك ممتع و تمنيت بأنه لم ينتهي



واصلي تميزكـ

هلا وغلا ,,
مشكوووره ع الرد ,,
وأنا إن شاء الله أحاول أنزل أول بأول (ياارب يسرها لنا )

اسير الود من أولها ويادوب وصلتي وهات تقرير
ياهوووووووووو أصبري شوي حتى نخلص من الشباب اللي مورطينا في تقاريرهم وبعدين نتفرغ للتقريرك اللي كله مفاجأت

ــــــــــــــــــــــــــــــــــــــــــــــــــ ـــــــــ
ــــــــــــــــــــــــــــــــــــــــــــــــــ ــ
أولاً الحمد لله على سلامة الوصول
ثانياً نقل للأحداث مباشر <<<<<< الأخت مراسلة الجزيرة
ثالثاً نتمنى لكم رحلة ممتعة وسعيدة وعوداً حميداً أن شاء الله
في أنتظار ماتبقي من أحداث مباشر وتقرير بمشئة الله قادم
تحياتي أختي الكريمة

ماااااااااشاااء الله لاحول ولا قوة إلا بالله ,, <= خافت لاتمرض ولا تكمل التقرير ...
إن شاء الله بتلحق ع الجميع .,

أولاً الحمد لله على سلامة الوصول

الله يسلمك

ثانياً نقل للأحداث مباشر <<<<<< الأخت مراسلة الجزيرة

تحتك

ثالثاً نتمنى لكم رحلة ممتعة وسعيدة وعوداً حميداً أن شاء الله
في أنتظار ماتبقي من أحداث مباشر وتقرير بمشئة الله قادم
تحياتي أختي الكريمة

أميين ياارب ,,
مشكور ع الرد ,,

[sasa123]

h اختي سفيرة الهند مشكورة على التقرير الرائع وننتظر المزيد . وعندي سؤال هل الهند بلد يصلح للسياحة العائلية . مع توضيح الاسعار بالنسبة للتذاكر والسكن والمصروف اليومي . مشكوره

[عسل2020]

ماشاء الله رووووعة



سلمت يداكي


........
في الصفوف الأولى من الانتظار
رحلة موفقة

[روح الغلا]

الحمد لله على السلامة اختي مشاء الله عليك سريعة في كتابة التقرير والسرد00

بسألك كم سعر الليلة في المنتجع الي سكنتو فيه ؟؟

وكم سعر التذكرة ؟

[سعودي مقيم]

الحمد لله على السلامه اولا

وصراحه حلو التقرير المباشر لاني مليت من التقارير المليانه دبلجه وحذف واكشن وحنعيد المشهد من جديد

احسن شي لايف

وتقريرك هذا ارشح له اسم الاتجاه المعاكس

واصلي ومتابعين معاك تقريرك الرائع

ودمتم بوووووود