ترانزيتي سنغافورة فعندي كم سؤال

[FooLish]

السلام عليكم..
انا ناوية اسافر استراليا وعندي خيارين يا اما عن طريق طيران السنغافورية او الاماراتية..
قالولي ان طيران السنغافورية افضل طيران فاعتقد راح احجز عليهم ، وغير جذي ارخص من الاماراتية

بس عندي كم سؤال:
الحين في طريق الذهاب الى استراليا الترانزيت راح يكون 8 ساعات (غرفة بفندق المطار) فاسألتي هي:
1- راح اوصل هناك 12.30 الظهر ، واغادر 8.30 بالليل ، خلال 6 ساعات ممكن اطلع واروح مكان برة بسنغافورة او لا؟ مع العلم ان يوم الوصول بيكون يوم 31/7 (الجمعة)
2- الفيزا بكم سعرها للخليجين؟
3- من المطار الى شارع اورشاد كم ياخذ وقت؟

في طريق العودة راح اوصل يوم 18/8 (الثلاثاء) الساعة 9.50 بالليل وراح اقعد يوم اللي بعدها فقط في سنغافورة (يوم واحد) واليوم اللي بعده (20/8) راح ارجع للكويت ، فاسألتي هي:
1- شنو ممكن ازور بهاليوم الوحيد (19/8 - يوم الاربعاء)؟
2- كم يعني ممكن اخلي معاي كمصرف؟
3- هل البلد ليلية والا الساعة 10 مثلا يسكرون؟
وهل امان الخروج فيها بالليل والا لا؟
4- ابي فنادق تكون بالسوق وتكون زينة ورخيصة ، ابي تشرحون لي اسامي الفنادق او من القائمة هذي:

1. Amara Singapore
2. Carlton Hotel Singapore
3. Concorde Hotel
4. Grand COrpthorne Waterfront
5. Grand Plaza Hotel City Hall
6. Park Hotel @ Clarke Quay
7. Pan Pacific Hotel
8. Park Royal on Beach Road
9. The Regent Singapore
10. Rendezvous Hotel
11. Traders Hotel
12. York Hotel

[Kareem]

تقدري في ال6 ساعات هادي تريحي في الفندق او انك تروحي للاورشاد رود تتعشي
الفيزا للسعوديين ب 50 ريال
في رحلة العوده عندك يوم تقدري تروحي فيه سانتوسا ومصروفك يكون 500 ريال واذا خلصتي بدري اقدري تروحي تتسوقي وانصح بشراء الالكترونيات من هناك لانها رخيصه بعد المكاسره او انك تروحي للنايت سفاري
والبلد تقفل الساعه 11 ليل والبلد امان جدا
وانزلي في فندق ميريديان الي في الاورشارد رود او فندق الهوليداي ان بارك فيو فنادق نظيفه وحلوه وموقعها خطير

[kfshman]

انا ارشح البان باسيفيك فهو فندق رائع
سنغافوره صغيره جدا و امنه
و التنقل بالمترو افضل لك من التكاسي

[FooLish]

الف شكر لكم على ردكم..

باليوم اللي اوصل فيه الساعة 10 ماعتقد راح اقدر اسوي شي غير اني انزل واتمشى في شارع اورشاد ، بالنسبة لليوم اللي يليه شنو اسوي فيه؟
ابي برنامج لان اللي اعرف ان الاماكن اللي الواحد يروح لها في سنغافورة هي:
جزيرة سانتوسا
السفاري الليلية
حديقة الحيوان
المركز العلمي
مركز الإكتشافات
منطقة كلارك كاي
الحي الصيني والحي الهندي
الشارع العربي
رحلة مع سياحة البطة
الحي الهندي
رحلة نهرية في نهر سنغافورة

اي من هالاماكن اروح؟
(ابي الاماكن اللي فعلا يعني الواحد المفروض ما يضيعها بما انه نزل سنغافورة)

والجزيرة شنو فيها؟
وبعدين تعرفون اسعار الدخول لهالاماكن؟
بعدين هل عندهم مثلا ايام اجازة للمركز العلمي وجذي ومركز الاستكشافات والا لا ؟
لان انا يوم وصولي بيصدف يوم جمعة (ترانزيتي الاول) ، وبرجعتي بوصل هناك الثلاثاء بالليل وعندي الاربعاء كله والخميس اطير للكويت

بالنسبة لاخر يوم انا طيارتي الساعة 2 الظهر يعني الساعة 12 لازم اكون بالمطار ، يعني تقريبا عندي من الصبح الساعة 8 الى الساعة 11 الظهر ، في هالوقت اقدر اروح مكان مثل مثلا حديقة الطيور او شي؟

وبالنسبة للمترو ، استخدمه للتنقل من وين الى وين (بدلا من التاكسي)؟

اخوي kfshman
انا حجزت في فندق بان باسيفك ، فندق جيد؟

[FooLish]

وينكم؟