رحلة تايلند الجميله ( مشـارك بالمسابـقة )

[twety]

بسم الله الرحمن الرحيم


في يوم الجمعه الموافق 17 -8 -2007

انطلقت الرحله من مطار البحرين وكان سير الرحله البحرين - الدوحه ثم الاتجاه للعاصمه التايلنديه بانكوك


خرجنا من المنزل في الساعه 11:30صباحا وكان موعد اقلاع الطائره في 4 عصرا

طبعا تفاديا لزحمة جسر الملك فهد

ُُُُ
وصلنا الى البحرين في الساعه الواحده ظهرا وذهبنا الى مجمع السيف اخذنا بعض الوقت في مجمع السيف ثم اتجهنا الى المطار في الساعه الثانيه


وصلنا الى المطار وتودعنا من الاهل في المطار

المهم ان احنا جلسنا على النت شوي

بعدين رحنا تغدينا وجبه سريعه في المطار


وبعدين جاء نداء الطياره

ركبنا الطياره الى الدوحه الشقيقه وماهي الا 45 دقيقه ونحن على ارض الدوحه

ركبنا الطائره

بصراحه القطريه طيران محترم طيره كبيره وفاضيه مافيها زحمه

يعني يمديك تاخذ لك 3 مقاعد وتنام عليهم

تشاهد الافلام


مررره حلوووه

طبعا الطياره كان اغلبيتها السياح الاجانب وندرة العرب
وهذي صوره للطياره من الداخل


بحمد الله ورعايته وصلنا الى بانكوك في الساعه السابعه صباحا بتوقيت بانكوك

بعد رحله شاقه 12 ساعه طيران

وهذي صوره لمطار بانكوك كان وقتها زحمة طيارات والمطار ماشاء الله كبير تتعب وانت تمشي فيه




انتظرو باقي التقرير

[/size][/center][/b]

[ريشة المسك]

السلام عليكم

تقرير رائع ننتظر البقية

[twety]

كان ترتيب الرحله ان احنا نوصل الى بانكوك وبعدين نجلس يومين في بانكوك ونروح بعدها الى بوكت ثمان ايام في بوكت وبعدين خمس ايام في شنغ ماي ونرجع الى بانكوك نجلس فيها 7ايام ونرجع الى البلاد الحبيبه
من جدولتي للرحله ومن المساوء اللي لقيتها ان المفروض الجدول يكون
بانكوك اول ماتوصل وتريح بس يوم واحد وبعدين تتجه الى شنغ ماي بعدين الى بوكت والرجعه والتسوق الى بانكوك
الهدف من هذا الجدول هو ان تجد رحله مباشره من شنغ ماي الى بوكت اما اذا اردت العكس فلايوجد طيران يذهب مباشره من بوكت الى شنغ ماي فتظطر الى الوقوف في بانكوك فهذا متعب
والهدف كذلك من عدم حمل عفش كثير لانك لو تسوقت في بانكوك اول شي راح تحمل معاك عفش كثير وياخذون منك زياده وزن
نرجع الى الرحله

نزلنا الى مطار بانكوك واذا هو يعج بالسياح والمسافرين
وقفنا في صف طويل لانهاء اجراءات الجوازات

واذا بموظفة من الجوزات تندينا ان نذهب الى صف جديد


بعدها وصلنا الى الجوزات فذهبت انا وزوجتي الى الموظف

قال لي ارجع ورا واحد واحد عرفت ان الدعوه مافيها زوجتك

يعني ون باي ون

المهم من الاجراءات اللي تاصير يصورونك ويختمون على الجواز مع الورقه اللي عبينها في الطياره

المهم طلعنا من المطار نبي ناخذ تكسي
بعذها نزلنا الى الدور الارضي واخذنا تاكسي الى فندق الهوليدي ان سيلوم في بانكوك
وهذي صورة التاكسي

وصلنا الى الفندق وكان قمه في الروعه بصرااااحه شي حلو
ذهبنا الى الغرفه وكانت في الدور 12 ورقم الغرفه 1216

غرفه جميله جدا

يسألونك اذا كنت غير مدخن فيعطونك غرفه لغير المدخنين
وضعنا الاغراض في الغرفه واخذنا جوله على الفندق

بعدها نزلنا الى الماركت بجانب الفندق واشترينا بطاقة شحن للجوال

ثم عدنا الى الفندق وخلدنا الى النوم

جلسنا من النوم في الساعه الخامسه عصرا

اتجهنا الى السكاي ترين القطار المعلق

بصراحه شي رهيب بس لازم تتعلم عليه

يعني احنا كنب بنروح الى نانا كان بين النانا وبين المحطه اللي ركبناها محطتين

ركبنا القطار بالعكس ولفينا بانكوك كلها

الين جا واحد وعلمنا
المهم وصلنا الى منطقة العرب النانا

شارع السكومفيت

والامطار كانت تتهاطل وقفنا عند ماركت واخذنا مظلات

تمشينا قليلا في النانا والسوق المحيط به

ذهبنا بعدها الى مطعم مروش في النانا المسمى بالخليج سابقا

بجوار فندق اماري بلوفرايد

مطعم جميل واللحوم والدجاج حلال
ثم خرجنا من الحي العربي واتجهنا الى مجمع mbk

وهذي صوره للمجمع

مجمع جميل جدا وقلنا نبي ناخذ لنا لفه عشان نرجع بعدين احنا عارفين وين نروح

[ابو الطيب البحتري]

ما شالله عليك تويتي


هذا مو تقرير


هذا عيديه


شغل مرتب






وتقرير باين من اوله


متعوب عليه


يعطيك العافيه


واصل ابدعاتك

[almannai01]

تقرير جميل ومفصل في منتهى المتعه

يعطيك العافيه وعساك على القوة ان شاء الله

وبارك الله فيك

[twety]

في اليوم التالي اتجهنا الى مدينة بوكت من بانكوك

رحنا الى مطار بانكوك الداخلي وسألنا عن رحلتنا


احنا كنا جايين قبل ساعتين وشوي من الرحله يعني ساعتين ونص

طلعت البوابات ماتنفتح الا قبل ساعتين بالضبط يعني في الساعه 12.30

واحنا يوم نوصل المطار الساعه 12 بالضبط

المهم جلسنا شوي نطالع في الرايح والجاي الين جات الساعه 12.30

وهذي صوره للمطار الداخلي

وصلنا بحمد الله وسلامته الى بوكت وكانت الاجواء الجميله في انتظرنا

طبعا انتظرنا الاغراض على ماوصلت لنا

رحنا الى مكاتب التكاسي واخذنا تاكسي الى باتونق بيتش مكان السكن واسم الفندق

توني ريسوت

المهم ان الطريق كان طويل من المطار الى باتونق بيتش

وتخلل الطريق الجبال الخضراء والمرتفعات العجيبه

وصلنا بحمد الله الى الفندق وهو منتجع فيه من الصناعات التايلنديه الحرفيه الجميله
اسمه مصيف توني وهذي صوره له


بعدها رحنا الى الغرفه الجميله المطله على المسبح
وهذي صوره للفندق


وضعنا الاغراض واخذنا السيفتي بوكس ثم خلدنا الى النوم من الساعه 5 الى الساعه 9

في التاسعه ذهبنا للحجز في جزيرة جمس بوند
اخذنا عرض جميل الى الجزيره في الساعه العاشره صباحا واتفقنا علليه

ذهبنا لكي نشتري شنطه صغيره نضع بها الاغراض

واشترينا بعدها ذهبنا الى مطعم جيد للسوريين في الباتونغ بيتش وتعشينا قليل من الربيان وقليل من المشويات المشكله


بعدها رجعنا الى الفندق لكي نخلد الى النوم

انتظرو الرحله الى جمس بوند ثالث ايام العيد لانشغالنا بعيد الفطر السعيد

الله يعيده عليكم بصحه وسلامه

[سفير الامارات]

الحمد الله على السلامه
صور رررررررررروعه

[سعود]

الحمدلله على سلامتك

تقرير جميل وتفاصيل جميله

في إنتظار باقي التقرير

[كوستا]

ما شاء الله الجائزه ان شالله من نصيب بوابتنا


مبروكين مقدما

مع التحيه

[twety]

جمس بوند

وصلنا القارب في الساعه 11.30 اخذنا ساعه في الطريق
ركبنا القارب متجهين الى الجزيره الاولى


واحنا في الطريق منااااااظر مررررررره حلوه



وبعد



وبعد


بعدها وصلنا الى قارب كبير يكون فيه تجمع عشان كل واحد مع زوجته يركبون في قارب


قارب صغير تجدييف

تدخل بالقارب داخل الكهوف اللي بالبحر

دخلنا على مناظر رووووعه واول مره بحياتي اشوفها كذا


طبعا القارب اللي ركبنا معاه مسلم بس اذانا اسمه بخاري

علمنا عن جزيرة المسلمين

وانه يبي يروح يحج بس ماعنده فلوس


وماشاء الله عليه يقرا سورة الفاتحه وصورناه وهو يقرا الفاتحه


شربنا عصير فاكهة والله مادري وش اسمها بس عصيرها ماعجبنا

المهم رجعنا الى نفس القارب اللي ركبنا منه

بعدها اتجهنا الى جزيرة جمس بوند


جزيره حلوه مررررره

والسياح يلتقطون فيها الصور واحنا بعد ماقصرنا

جلسنا فيها نص ساعه

وهذي بعد

هذي انا مع القائد للرحله مالتنا تايلندي يتكلم انجليزي مرشد سياحي لنا

وهذي انا تراني مع جمس بوند يوم يصور الفلم

بعدين رحنا حق مطعم وسط البحر حلووو بس اكلهم مو حلو

كان معانا على الطاوله

3 ايطالييين وواحد مع زوجته بريطاني وواحد استرالي (ماني مقتنع انه استرالي بس مش حالك شكله مثل الصينيين وماخذ الجنسيه مثل المصريين اللي عندنا في السعوديه )هذا اللي اقوله

تغدينا الغدا لك عليه بس مشي حالك


خلصنا من الغدا وفي سوق صغييير تمشينا وشرينا حق

رجعنا القارب مره ثانيه

اتجهنا الى المكان اللي وصلنا منه

بعدها اتجهنا الى معبد البوذا

صنم يعبد عندهم مبني من الفين سنه بنته عايله ويوم ماتت العايله ادفنوهم في نفس الكهف

طبعا هنا ماصور لاني ماحب اصور اللي يعبدونه
خلصنا وطلعو لنا القرووود وععععععع

يأكلونهم موز ومادري شنو


المهم ان جبدنا لاعت من منظرهم
لاني انا ماحبهم اما بالنسبه للي عادي عنده فالموضوع اوكيه
ركبنا السياره متجهيين الى الفندق وصلنا الى الفندق


خلدنا الى النوم من التعب من بعد صلاة المغرب الى صلاة الفجر

انتظرو البقيه.... في الجزء الجاي