اليوم الأربعاء 18-7-2007م
برنامجنا هذا اليوم كالتالي :
1- الذهاب لحديقة الزهور ( تامان بونأ )
2- الذهاب إلى جبل باندونق .
3- التصوير في جسر ( تشي هيارتشي بويوم )
4- الذهاب إلى البركان ( طاناكوبان براهو )
5- السكن في فيلة ( تشياتر )
6- السباحة في البركة الحارة ( تشياتر )
-----------------
موجز هذا اليوم :
في صباح هذا اليوم استيقضنا من الساعة 10.00 صباحاً
وبعد تناول فطورنا ، سلمنا الفيلة في جبل بونتشاك وانطلقنا إلى حديقة الزهور ( تامان بونأ )
وقضينا فيها تقريباً ساعتين أو أكثر مع العلم اننا لم نكمل جميع فروعها
بعدها اتجهنا إلى جبل باندونق الذي يبعد عن جبل بونتشاك أكثر من 200 كلم تقريباً
وفي طريقنا إلى باندونق وقفنا للتصوير عن جسر ( تشي هيارتشي بويوم )
ثم أكلمنا طريقنا ، وصلنا إلى باندونق ومن باب استغلال الوقت توجهنا مباشرة إلى البركان ( طانا كوبان براهو )
وعند الوصول إلى منطقة البركان نزلنا من السيارة في أعلى الجبل حيث ذهب السائق لانتظارنا في أسفل الجبل
نزلنا للبركان مشي على الأقدام ، وأخذ الطريقة من أعلى الجبل إلى قعر البركان تقريباً ساعة
وفي طريقنا للنزول قابلنا مرشدين سياحيين كثير أشغلونا ، المهم سحبنا عليهم وكلمنا الطريق لحالنا
وعند اقترابنا من البركان بدأت الأدخانة الكبريتية تزداد بالتركيز وكأنها أكرمكم الله رائحة الصرف الصحي ( أكرمكم الله )
وصلنا البركان وجلسنا تقريباً ساعة متأملين في عظمة خلق الله
بعدها توجهنا للخروج من البركان واستغرقنا تقريباً نصف ساعة في المشي لأن طريق الخروج أقرب من طريق الدخول
وجدنا السائق ينتظرنا وعليه علامات الغضب بسبب تأخرنا في الخروج (( ولكن ما علينا منه ))
توجهنا بعدها لاستئجار فلة ، وبعد البحث وجدنا فلة روووووعة من حيث الموقع والتنظيم والنظافة وسعرها 300.000 روبية
اسم الفيلة (( تشياتر )) وبعد السكن بدأنا في تجهيز الغداء الذي أصبح عشاء بسبب تأخر الوقت
وخلال هذا الوقت وأيضاً من باب استغلال الوقت (( توه حافظ ذا الكلمة وبيشغلنا فيها
ههههه )) ذهبت للسباحة
في المياه الحارة (( مسبح تشياتر )) وبعد السباحة حوالي نصف ساعة رجعنا للفيلة تعشينا ونمنا
وبهذا انتهى يومنا هذا ، وإن شاء الله اليوم التالي سيكون له تقرير آخر
والآن أترككم مع بعض الصور
وأعتذر عن الإطالة
==================
هذي حديقة الزهور من الخارج
-----------------
هذا مدخل حديقة الزهور
-----------------
هذا كتيب أخذنها لما قطعنا تذاكر الدخول (( بصراحة نسيت بكم سعر التذكرة )) أعتذر وبشدة
ولكن اللي شدني ان الكتاب باللغة العربية (( بلا والله من كثر ربيعنا عندهم ))
-----------------
هذا منظر للحديقة من الداخل
-----------------
وهذا الطاوس النباتي في مقدمة الحديقة وكأنها يقول للزوار (( حياكم الله ، يا هلا والله ومسهلا ، زارتنا البركة ))
-----------------
هذي صورة للنوافير اللي قدام بوابة الدخول
-----------------
وهذي الصورة لذيل الطاووس اللي رحب فينا عند المدخل
خخخخخخخ
-----------------
هذي الصورة لأحد الممرات في الحديقة روووووووعة بصراحة
-----------------
وهذي بعد لأحد الممرات
-----------------
هذي صورة للبحيرة اللي بالحديقة
-----------------
وهذي صورة لـ الوز الأسود (( ذكروني بـ نيلز ))
ههههههههههه
-----------------
وهذي صورة للبط الأبيض (( اللي حاولت تطير وتعلق فيها نيلز الأقشر )) متابع بقوة أفلام كرتون
ههههههههه
-----------------
هذي شجيرات في البحيرة عجبتني فصورتها
-----------------
هذا أحد الممرات المائية (( يذكرني بالحصن ، أمشي وخايف تصير وحده منهم متحركه وأدبج في الساقي ))
هههههههه
-----------------
هذي من إبداعاتهم في الزراعة على شكل أرنب
-----------------
وهذي إحدى المناضر الحلوة في الحديقة الأكثر من رائعة
-----------------
صورة ثانية لألوان الزهور والتنظيم في الحديقة
-----------------
إبداع في التنظيم والترتيب (( خلف الله علينا ))
-----------------
كتاكيت زراعية على كيفك
-----------------
هذي صورة من الخارج للحديقة اليابانية في حديقة الصورة
-----------------
هذي صورة منظر أعجبني وانا فوق البرج في الحديقة
-----------------
هذي صورة للمتاهة ، بصراحة إقلالالالالالالاع رهيييييييبة
يعني قعدنا وقت مهوب بسيط فوق البرج بس عشان نحفظ طريق الخروج
وشفنا ناس ضايعين مساكين فيها ، وقعدنا نوصف لهم الخروج لين طلعوا خخخخخ
-----------------
هذي صورة للجبل سبحان الله أخضضضضضضر ، ذكرني بجبال الطايف وأبها (( إيه هين ))
خخخ
-----------------
هذي الصورة بعد ما دخلنا المتاهة
-----------------
بعد ما طلعنا من المتاهة توجهنا للحديقة اليابانية
هذي الصورة داخل الحديقة اليابانية
-----------------
وهذي صورة لعامل نظافة بالحديقة ، هزني الشوق وصورت معه .. لا وماخذ قبوعه بعد
-----------------
هذي الصورة مدخل للحديقة اليابانية
-----------------
وهذي إحدى الأشجار بالحديقة ولو تلاحظون حجم الورقة سبحان الله
-----------------
وهذي بعد إحدى النباتات بالحديقة
-----------------
هذا إحدى الممرات بعد ما طلعنا من الحديقة اليابانية
-----------------
وهذي صورة لإحدى الجداول المائية بالحديقة
-----------------
وهذا مستنقع في الحديقة ولو تلاحظون الأوراق المائية كبيرة سبحان الله (( كنها صحون ))
-----------------
هذي صورة للورقات المائية (( اللي يجلس عليها الضفدع اذا تعب من السباحة ))
خخخخخخ
ولو تلاحظون عروقها سبحان الله
-----------------
هذي السيارة للعجازين اللي مالهم خلق يتمشون على رجولهم ( وبصراحة تحسفنا اننا ما ركبناها
)
الحديقة مره كبيرة قعدنا فيها تقريبا ساعتين أو أكثر .
-----------------
هذي الصورة وداعية للحديقة
-----------------
-----------------
بعد ما خلصنا من حديقة الزهور ،، وكانت هي آخر محطة لنا في جبل بونتشاك
انطلقنا مع السائق إلى جبل باندونق
وهذي بعض الصور
----
هذي صورة وحنا بالطريق لباندونق ، وعلى حظنا نزل علينا مطر
(( اللهم أغثنا غيثاً هنئاً مرئياً سحاً غداً يارب العالمين ))
-----------------
صورة ثانية أثناء الطريق لباندونق
-----------------
وحنا بالطريق شفنا كشك يبيع جوز هند
وبحكم اني ما قد جربت جوز الهند بحياتي ، هزني الشوق اجربها
وهذي صورة لجوز الهند الإندونيسي
-----------------
وبدأت عملية تقطيع الجوزة بطريقة احترافية
-----------------
وهذي بعد صورة ثانية للجوزة
-----------------
وهذي صورة للجوزة بعد عملية الفتح
-----------------
هذي صورتي مشخص بجرب الجوز
-----------------
ومع أول رشفة ، اكتشفت انها ما تصلح لي .. بس حاجة في نفس يعقوب
عبيتها سكر وقعدت اتغصبها بس ما قدرت اشرب ولا ربعها
-----------------
كملنا طريقنا وفي الطريق عجبني جسر اسمه ( تشي هياركشي بويوم )
-----------------
هذي صورة ثانية من أعلى الجسر لصيادين
-----------------
وانا راجع من الجسر بركب السيارة شفت كشك يبيع أندومي
فقلت ما بدهاش نجي لديرة الأندومي ولا نصور أندومي مشكلة كبيرة
هههههههه
هذي صورة لأكلتهم المفضلة (( الله يديم النعمة يارب ))
-----------------
واصلنا طريقنا لباندونق وما زالت الأمطار توسع صدورنا
(( اللهم أغثنا يارب ))
-----------------
صورة للشارع
-----------------
وصلنا باندونق وهذي صورة للطريق اللي يودي للبركان
-----------------
هذا الضباب كل ما له ويزداد عند صعودنا للفوهة البركان
-----------------
وصلنا قمة الجبل اللي فيه البركان
وهذي صورتي ، أستعد لنزول البركان (( الجو كان ماااااااارة بارد ))
-----------------
من شدة البرد في الجبل ، العمال يبيعون قبابيع شتوية
-----------------
بسم الله وعلى الله توكلنا ، بدأنا بالنزول للبركان
هذا طريق النزول
-----------------
هذي صورة ثانية
-----------------
انتصفنا في الطريق وهذي صورة الأدخنة الطالعة من قاع البركان
والرائحة ماااااااااااااااااااارة سيئة وكأنها رائحة الصرف الصحي ( أكرمكم الله )
-----------------
هذي صورة لقاع البركان ولو تلاحظون حاطين حاجز عشان ما يطيح أحد
-----------------
وصنا قاع البركان (( يا الله يارب سترك ))
وهذي صورة لفوران الماء في القاع
-----------------
هذي حفرة يتصاعد منها دخاااان كثيف جداً ولكني استطعت بتوفيق الله التقاط صورة بعد ما خف الدخان
-----------------
هذي الصورة لقوة فوران الماء البركاني
-----------------
هذي صورة للأدخنة وهي تطلع من كل مكان بالفوهة (( أكيد من كل مكان قاعد بوسط البركان وما تبي يطلع دخان ))
خخخ
-----------------
هذي صورة لفوران الماء والدخان الكثيف
-----------------
وهذي صورة ثانية من قاع البركان (( سبحان الله مع اننا في قاع البركان إلا إن الجو بااارد ))
-----------------
هذي صورة عند الماء الحار
-----------------
-----------------
للأسف الشديد انتهت البطارية ولا مداني أصور لكم طريق الخروج من البركان
ولا البحث عن الفيلة وتجهيز العشاء .. أعتذر بشدة
-----
بعد ما طلعنا من البركان استئجرنا فيلة ( تشياتر ) وشحن الكاميرا
وبدأنا بتجهيز العشاء
وبعد ما حطينا عشانا على النار حبينا نستغل وقتنا
وطلعنا للسباحة في البرك الحارة تشياااااتر
وهذي بعض الصور
-----------------
هذي صورة البركة
طبعاً الموية مااااارة حاااااااااارة (( لو تلاحظون الدخان )) بس قلت ماحد احسن من احد كلهم طابين الا انا
استعنت بالله وطبيت مع العالم
مو هنا المشكلة
المشكلة لما طلعت آخذ شور بعد الموية الكبريتية الحاااااااااامضة
ما حصلت موية دافية
خخخخخخخخخخخخخ
واضطريت اتسبح بموية باااااااااااااااااااااااااااااااااااااااااااااردة
ومن بغا الدح لا يقول أح خخخخخخخخخخخخخخخخخ
-----------------
انتهينا من هذا اليوم
أعتذر عن التقصير في الشرح
وإن شاء الله تعالى للتقرير بقية أكملة في الأيام القريبة إن شاء الله
تفضلوا بقبول فائق التحية والاحترام وصادق الحب والتقدير
أخوكم الصغير : المخاطر الرهيب
29-02-2008, 05:21 AM
العرض العادي
