يبتع تقرير اليوم السادس
--
هذا هو الجزء الرابع من التقرير
==================
هذه الصورة لواحد من الاندونيسيين خشيت بعينه هو واهله وصورت معه
--
هذي الصورة بعد ما طلعت من الشلال وانا بين الأشجار بالغابة
--
وهذي صورتي على أحد الجسور بالغابة بالقرب من الشلال
--
وهذا مسجد لما طلعنا من الشلال صلينا فيه الظهر والعصر جمع وقصر
--==--==--==--==--==--
بعد الصلاة وحنا في طريق خروجنا من منطقة (تامان سفاري)
وجدنا عروض للنمور ، فنزلنا على آخر العرض وهذي بعض الصور
--
--
--==--==--==--==--==--
طلعنا من ( تامان سفاري ) متجهين إلى منطقة البرشوتات والطائرات الشراعية
ولكن من سوء حظنا اليوم هذا كان الهواء فيه قوووي وما كان فيه عروض
يعني مشوارنا راح بلووووووشي
وهذي بعض الصور وحنا بالطريق إلى منطقة البروشوتات
--
شوفوا سبحان الله الطبيعة والجبال الخضراء ، طبعاً كلها مزارع شاي
--
وهذي بعد صورة للجبال الخضراء ومزارع الشاي
--
هذي بقالة بالجبل عند منطقة البرشوتات
--
وهذا الدرج اللي يطلعك لساحة الاستعراض والطيران الشراعي
طبعاً لو تلاحظون في شخصين جالسين على اليسار
أول واحد على اليسار (قائد إحدى الطيرات الشراعية) فكنت أسأله على أساس أني بركب الطائرة الشراعية
هل هي آمنة وما منها خوف ، قال لي : ما فيه مشكلة واحد موت السعودية ما فيه خسارة خخخخخخخ
تبون الجد حقدت عليه خخخخخخخخخخ
قلت في نفسي اشوى ان اليوم هوى قوي ههههههههههههه
--
هذي منطقة الإقلاع ، وفعلاً كان الهوى مرررره قوي
ولكن شوفوا الشارع كيف صغير والمسجد ،،، بصراحة مرررره جنااااان
--
لما شفنا ان ما فيه عروض طلعنا من المنطقة
وحنا طالعين شفت لي فلاح وقلت اصور معاه خخخخخخ
<<<<<<<<<< يعشق التصوير لا تلومونه
--
وهذي الصورة لطفل
أعجبتني الصورة عشان كذا عرضتها لكم
--
هذي صورة لأحد المناظر الطبيعية على الجبل
--==--==--==--==--==--
خلصنا من منطقة البرشوت
ومرينا على مزارع الأرز
اترككم مع بعض المصور
--
وهذي صورة لأحد مزارع الأرز
--
وهذي صورة لبعض الفلاحين اللي يستخرجون حبات الأرز من السنابل
--
وهذي بعض حبات الأرز
--
وهذي أيضاً لأحد مزارع الأرز
--==--==--==--==--==--
خلصنا من زيارة مزارع الأرز
وحنا بالطريق متوجهين للشلالات السبعة
وجدنا حرمة كبيرة في السن وباين عليها علامات الفقر
فتصدقنا عليها وأخذت تدعي ، فالتقطت لها هذه الصورة
أسأل الله أن يرزقها ويغنيها يارب وجميع فقراء المسلمين
--
هذا أحد البيوت في الغابة بالقرب من منطقة الشلالات السبعة
--
وصلنا إلى منطقة الشلالات السبعة ، وقف السائق السيارة
وكملنا طريقنا مشي على الأقدام ، وكانت المسافة من موقف السيارة إلى أول شلال تقريباً ساعة إلا ربع
وهذي صورة الطريق إلى الشلال
--
هذا بيت من بيوت الله ( مسجد ) بالقرب من الشلال
ولو تلاحظون يوجد فيه عامل يقوم بتنظيفه للمصلين
--
هذي صورة للشلال من بعيد ( ياسلالالالالالالالالالالالالالالام )
--
وبالصدفة في هذا اليوم صار فيه زواج صينيين
والحمدلله لحقنا نصورهم قبل يروحون
وكان معاهم قروب كامل للتصوير واحتراف وشي فضيع
الا على طاري الصينيين : يقول لك ( فيه صيني تزوج صينيه جابوا طقم ملاعق ههههههههههههه )
<<<<<< فاضي ينكت هو وجهه خخخخخخخخخخخخخخخخخخخخ
--
هذي صورة لي وانا عند الشلال ( ياناس والله خنقتني العبرة ) الله يجيب الصيف على خير بس
--
وهذي صورة للشلال من قريب
--
وهذي صورتي بعد ما انتهت مراسم تصوير الزواج وراحوا الصينيين
أخذت راحتي وقعدت عند الشلال انا وخويي مدة طويييييلة
وعن جد الجسلة ما تمل بس الوقت بدا يداهمنا
--
هذية صورة لمصب الشلال
--
وهذي صورة قريبة لأعلى الشلال
--
هزني الشوق وغامرت وتسلقت إلين وصلت منطقة بصراحة خطيرة
عشان أصور في هذا المكان
--
هذي صورة لشلال آخر
طبعاً من الشلال الأول إلى الشلال الثاني مشي تقريباً 20 دقيقة صعوداً
طبعاً ما كنا نعرف انه فيه شلالات ثانية ، بس الخادم حق المسجد
شافنا وقال اوديكم للشلالات الباقية بـ 50 ألف روبية ( وبحكم اننا نحب المكاسر )
قلنا له لا ، بنعطيك 20 ألف وتودينا ، وبالفعل ودانا وصار هو مرشدنا
--
وهذي صورة للشلال الثالث
طبعا المسافة بين الشلالات الستة الباقية قريبة
وللأمانة ما رحنا لها كلها باقي يمكن ثنين بس على كلام مرشدنا انها صغار
وتبون الجد تعبنا ، ورجعنا ما كملناهم كلهم
--
وهذي صورة للشلال الرابع
--
وهذي صورة للشلال الخامس بس من فوق
--
وهذي صورة اندونيسيين كاشتين ( يا زين كشتتهم بعد ) يالله الكريم من فضله
مهوب مثلنا طعوس الثمامة ونرجع الواحد محمل معه طعس كامل خخخخخخخخ
--
هذي صورة للشمس وهي بين الأشجار ، أعجبتني فأخذت لها صورة
--
وهذي صورة جماعية مع الشباب المخيمين وفي مقدمتهم مرشدنا
<<<<<< كعادته حفظه الله ، ما يفوت اللحظات الحلوة
طبعاً لول تلاحظون واحد منهم ماسك كاميرا ، حتى هم يحبون التصوير
--==--==--==--==--==--==--==--==--==--==--==--
انتهت جولتنا لهذا اليوم
مع العلم ان فيه مواقف كثيرة صارت لنا في هذا اليوم وفي كل يوم
ولكني أعتذر عن عدم ذكرها ، لأن بعضها خاص وأغلبها نيسيتها
=============================================
انتهى تقريرنا لهذا اليوم
وإن شاء الله في الأيام القريبة سأعرض تقرير آخر عن بقية رحلتنا السعيدة
أتمنى أن يحوز التقرير على رضاكم واستحسانكم
وللتقرير بقية نكمله في الحلقة القادمة إن شاء الله
أعتذر عن التقصير في الشرح والطرح
تقبلوا تحياتي وتقديري وصادق حبي
أخوكم الصغير : المخاطر الرهيب
20-02-2008, 10:39 AM
العرض العادي
