اختكم بنت بطوطه تبي مساعدتكم

[*بنت بطوطه*]

السلام عليكم


انا اختكم بنت بطوطه من قطر وناويه اروح ماليزيا في شهر 2 مع اخوي
وصراحه السفر لماليزيا كان حلمي من كنت صغيرة وانشالله بيتحقق اخيرا

وانا اول مره اسافر دول آسيويه كانت كل رحلاتي في الدول العربيه بس
والحين ابي مساعتدكم اخواني واخواتي اللي راحو ماليزيا قبل وعندهم تجارب هناك
وابي نصايحكم فبلييييييييز ساعدوني

انا مخططه ان الرحله بتكون لمدة 10 ايام لشخصين انا واخوي
بس ما عرف ننزل في اي فندق من الفنادق وويش مخطط الرحله
انا ابي اشوف ماليزيا كلها في عشرة ايام ومابي اضيع ولا يوم على اماكن عاديه
وسؤالي هو ويش هي الاماكن الحلوه اللي ممكن نروح لها وتذكروا اني بروح مع اخوي
فمابي اماكن هاااااااااااااديه ورومانسيه (خليها للمستقبل) ابي اماكن للوناسه واحب الامكان الغريبه والالعاب وفي نفس الوقت احب المناظر الطبيعيه والبحر والشواطئ والرياضات المائيه مثل التزلج على الماء والباراشوت
بليز قولولي على فنادق اوكي باسعار معقوله واماكن حلوه

الزبده يعني ابيكم تعطوني جدول كااااااااااااامل لماليزيا من اول يوم لااااااخر يوم بالتفصيل الممل مع الاسعار وكم بتكلفني هالرحله تقريبا

[صفاصف]

أهلا اختي *بنت بطوطه*

هذا جدول مقترح لمدة عشر أيام مع الفنادق :

أول ليلتين ( سنوي لجون ) فندق البيراميد

ثلاث ليالي ( بينانج ) منتجع الجولدن ساندز

ليلتين مرتفع ( جينتينج ) الجبلي < مدينة ملاهي وسط السحاب , فندق جينتينج هوتيل أو ريسورت هوتيل

فقد تم تجديده مؤخرا

ثلاث ليالي كوالالمبور ( فندق نوفوتيل أو تريدرز ,, و الخيارات كثيرة )

=========

و هذا جدولي المعهود اللي طفشت الناس بيه

( سيلانجور )

الحديقة المائية
مجمع البريمد سنتر
الذهاب لبحيرة ماينز و ما حولها و ركوب القارب هناك + الذهاب لملاهي ماينز وندر لاند و أحلى شيء فيها
هو عرض النوافير الراقصه و من بعده الليزر + كوخ الثلج ( صغير ) + مجمع ماينز التجاري اللذي تشقه قناه
مائية تمشي فيها القوارب
الذهاب للحشرات المضيئة ليلا FLY LIGHT

=================================

( بينانج )

القطار الجبلي ( بينانج هيل )
مزرعة التوابل
مزرعة الفواكه
حديقة بوكيت ميراه المائية
السوق الليلي
الألعاب البحرية و الرياضات المائية بشاطيء منتجعك

==================================

( جينتينج )

الملاهي الخارجية ثيم بارك و الملاهي الداخليه مع السوق و المطاعم + التلفريك + الثلج و الطيران و غيرها
من الامور اللتي يمكن تجربتها هناك

==================================

( كوالالمبور )

العجلة الدوارة EYE ON MALAYSIA
الأكواريا
بتروناس ساينس سنتر , مركز علوم بتروناس
حديقة الطيور , BIRD PARK
حديقة الفراشات , جميلة
شلالات كوالالمبور
مصنع الشكولاته
منارة كوالالمبور
تايم سكوير
و الأسواق::
SOGO
SURIA KLCC
MEGA MALL
BB PLAZA
CHINA TOWN
ون اوتاما وهو الأحدث

[*بنت بطوطه*]

مشكوووووووووووووووووووووووووووووووووووره اختي صفاصف
على الجدول الحلو
والله كل مكان كان خاطري اروحله انتي حطيتيه

عدا المجمعات لاني مابي اروح ولا مجمع طفشت من كثر ماروح المجمعات

بس ماعندج فكره عن الاسعار هناك وويش الافضل في المواصلات الباصات ولا التاكسي

وعندي سؤال اخير
الجو هناك في شهر 2 بيكون رطووووبه ولا برد لاني ماعرف شااخذ معاي من ملابس

[almannai01]

هههههههههههههه حلوه ( جدولي المعهود اللي طفشت الناس بيه )

في الحقيقه انتي رائعه ومتألقه ومبدعه كعادتكي يا الشيخه صفاصف

ومكثورة الخير على مساعدتك الكريمه

وبارك الله فيكي طال عمرك

[مزيعل]

بالتوفيق بس عليك بجنتق و صنوي الاقوان و افاموسى ولا تفرطي في بينيق للباراشوت والجتي سكيه والالعاب المائية الرائعة

[النهدي]

بارك الله فيك مشرفتنا الذهبية صفاصف وجزيت كل خير كفيت وفيت ...

[*بنت بطوطه*]

almannai01

مزيعل

النهدي

شكرا على المرور
منورين والله
والف شكر للمشرفه صفاصف اللي نصحتني ماخلت شي
كفت ووفت
مشكوره حبيبتي

[*بنت بطوطه*]

بس اللي عنده معلومات اكثر
بليز يفيدني
ولكم الف شكر

[المغادرون 2007]

بنت بطوطة : بس اللي عنده معلومات اكثر
بليز يفيدني

ما بتلقين أحسن من برنامج ونصائح صفاصف

لكن إذا تبن نصيحتي خلي ماليزيا لين بعد العرس

ماليزيا ماتصلح إلا للعرسان

[جهادالهور]

ماشالله عليها الاخت صفاصف كفت ووفت ما عندي كلام بعد كلامها ....

صراحة ماليزيا خيااااااااال رائعة جدا وان ا متأكد انك رح تستانسين هناك وايد

ورح تكون ذكرى جميلة سفرتك لهلبد الرائعة ...

واتمنى لكي انت واخوكي رحلة موفقة باذن الله ...