وش رايكم بالمنتجع

[البهبان]

السلام عليكم


وش اخباركم

ان شاء الله مسافر للكويت وهذي اول مرة ازورة وان شاء الله السفر بالسيارة انا وزوجتي الغالية


وتاريخ الوصول يوم 3 فبراير

وحجزت في منتجع Rimal Hotel & Resort

لكن مادري عنة هو زين او لا انا شفة صور واعجبتني قلت يلة احجز

مدة الزيارة 6 ايام واذا فية اماكن حلوة ياليت لاتبخلون علي

وجزاكم الله خير

[البهبان]

جاري الانتظار

[شاطيء الغروب]

المـنـتـجع حلـو و واضـح أنـه ممتـاز

لـكـن مـوقـعـه يتضـح لي أنـه يبـعـد عـن العاصـمـة 15 كيـلـو

شاهــد صـور المنتجـع فـي مـوقـع البـوكيـنـغ :

Booking.com: Rimal Hotel & Resort, ط§ظ„ظƒظˆظٹطھ, ط§ظ„ظƒظˆظٹطھ - 57 ط¢ط±ط§ط، ط§ظ„ظ†ط²ظ„ط§ط،. ط§ط.ط¬ط² ظپظ†ط¯ظ‚ظƒ ط§ظ„ط¢ظ†!

[jowree]

هلا و الله حياك الله انت و المدام بديرتكم الكويت
صراحه ما عندي فكره عن المنتجع لاكن من موقعه مكان رائع و قريب من منطقة السالميه اهيا عصمتنا السياحيه و الاماكن وايد لي عوده ان شاء الله

[DH.q8]

حياك الله اخوي تشرفنا انت والمدام
بصراحه ماعندي خلفيه عن المنتجع بس اتوقع انه اوكي ان شاءالله يعجبكم باذن الله..
بالنسبه للاماكن بالكويت كثيره على حسب انت شنو تفضل وان شاءالله راح تستفيدون من مهرجان هلا فبراير وعروضه وفعالياته الحلوه
اذا كنت من هواة التسوق عندك مجمع الصالحيه غالي / الرايه راقي/ المارينا مول تمشي ووناسه وتقدر تخليه فترة الصبح وتستمتع بالجو الحلو في المارينا كرسنت عالجهه المقابله للبحر مطاعم وكافيهات والظهر لااااااااااازم تمر مطعم فريج صويلح اكله لذيييييييييييييذ وانا اعتبره معلم من معالم الكويت لانه يقدم الاكل الكويتي وبطريقه جدا قديمه وتراثيه جربه وماراح تندم وقريب من المارينا مول بنفس الشارع / سوق شرق جميل وعالبحر فيه كل شي تقريبا وقعداته حلوه عالبحر كافيهات مطاعم / مول 360 جديد اذا عندك وقت فاضي ممكن تمره / الافنيوز انصح فيه بشده وراح تحبه لانه متكاااااااااامل تسوق وتمشي ومطاعم وقهاوي وصيدليات وسوبر ماركت واجهزة الكترونيه واثاث والعاب اطفال وسينما حلو حيل وممكن تخليه الفتره المسائيه منها تتسوق وتتعشى وتدخل سينما وهناك خيارات المطاعم كثيره.. / وفي المعلم سوق السالميه هذا رخيص نوعا ما وشبه متكامل تسوق وتمشي ومطاعم وكافيهات وسوبر ماركت.. / مجمع المهلب بحولي. / الكوت و المنشر بس بعيدين عن السالميه هم متكاملين..
كل هذي المجمعات تحتوي على مطاعم وكافيهات وسينمات..طبعا في غيرهم كثيييير بس انا اخترتلك القريبين منك والاحلى..
في اسواق شعبيه مثل المباركيه كل شي فيه وممتع يذكرك بالماضي وممكن تتسوق منه اشياء حلوه..

بالنسبه للملاهي عندك المدينه الترفيهيه متكامله / حديقة الشعب متكامله / الاكوابارك مائيه..وفي كثير بس هذول الكبار والمتكاملين..

تقدر تروح الاكواريوم ( المركز العلمي) عالبحر ممتع لرؤية الحياة البحريه ..

تقدر تزور ابراج الكويت وانصح بالليل لرؤية المدينه من اعلى وفيها مطعم وفي كوفي..

تقدر تحجز قارب وتاخذ جوله بالبحر ممتعه..

تقدر تتمشى على شارع الخليج العربي وبحد ذاته ممتع الشارع وحيوي وطول الشارع واجهات للتمشي ومطاعم..

اما المطااااااااعم قصه بروحهم..يبيلي تفصيل فيهم خبره بمطاعم الكويت!!! هههههههه
اختصرهم بالتقسيمه التاليه:

الاكل الهندي مايبيله مطعم مغل محل له فروع كثيره بكل مكان/ ومطعم اشاز له فرعين بمارينا كرسنت والافنيوز..

الاكل الكويتي على طوووووول فريج صويلح وراح تلاقيه على طول زحمه وطوابير تنتظر بس انصح فيه ويستحق الانتظار..

الاكل الايراني شيرين بانو بمنطقة شرق خلف جمعية شرق التعاونيه لا يعلى عليه.. وفي بعد مطعم ناز بجمعية شرق التعاونيه وفي بجمعية الجابريه..وعندك مطعم ثالث بالافنيوز جاردين الدور الثاني..
ملاحظه اذا رحت لشيرين بانو في هناك قريب منه محل حلويات راح يعجب المدام صحيح انه غالي بس عليهم فناتق وحركات حلوه اسمه واو واهو فعلا واو

الاكل اللبناني فيلا فيروز لذيذ له فرعين بالافنيوز وبالشعب..الصنوبر عالبحر شارع البلاجات ورا دوار البدع../عبدالوهاب عالبحر شارع الخليج بجانب الابراج../برج الحمام سيفين سيز عالبحر شارع الخليج / ميس الغانم عالبحر بعد سوق شرق قبل الابراج

الياباني طبعا ما احبه ولا جربته لكن الكل يحب ماكي في بالمارينا ويفز وبالشعب..وفي واحد جديد اسمه بينيهانا بالافنيوز.

الايطالي نينو له فرعين عالبحر شارع الخليج العربي والافنيوز../ التيسيمو بالديره برج النصار الدور32 ماجربته بس يمدحونه جوني كارينوز عالبحر شارع الخليج العربي..

الفرنسي لا نوتر له فرعين عالبحر الخليج العربي والافنيوز..

الامريكي تارس الديره فرايديز عالبحر وبالمارينا كرسنت وبالافنيوز../ تشيليز عالبحر وبالافنيوز../فدركرز / ابل بيز /جوني روكتس..الخ

طبعا المطاعم البحريه انا مالي فيها لاني ما اكل السي فود بس اللي اعرفه فيش ماركت ...وبالمطاعم اللي ذكرتها فيها بحري بعد..

بالنسبه للافطار .. في مطعم اسمه ريوق بالشعب حلو وسعره مناسب وهادي..وفي البلد بالديره لبناني نظام بوفيه..وفي مطعم الصنوبر بعد عندهم بوفيه/وفي بمارينا كرسنت مطاعم حلوه..لانوتر عندهم افطار والابراج بعد..

واذا حبيت تنقنق عالخفيف في عندك شاورما لذيييييذه عند مطعم كوردو بشارع سالم المبارك بالسالميه قبال المارينا مول وبجنبهم عصير المنعش هم جربه

.............. طبعا الكافيهات بكل مكان مايحتاج فيها افراد نفس المطاعم اللي الواحد يحتار فيها......
وفي عندنا بالافنيوز اذا رحت لازم تجرب تاكل فروزين يوقرت زبادي مثلج وبنكهات حلوه مسوينه نفس الايس كريم عجيييييييييييييييييييييييب اسمه بينك بيري انصحك فييييييييه وبشده له فرعييييييين بالافنيوز من كثر ما الناس زحمه عليه

.................................................. .................................................. ..............................

هذا اللي طرا على بالي الحين واذا بغيت اي استفسار اي سؤال اي معلومه انا حاضره وبكل فخر يسعدني اخدمك واخدم اي زائر لديرتنا الحبيبه .. ومره ثانيه حياك الله اخوي بديرتك الثانيه والعين اوسع لك من المكان

[jowree]

ما شاءالله الاخ كفى و وفا و اي اساله اهوا موجود
انا بعد ان شاءالله موجوده و بالخدمه

[sweetcandy]

في منتجع هلتون في منطقة المنقف واايد حلو