ارغب بالسفر من السلطنة الى الكويت ولكن ..!

[دار بن سعيد]

السلام عليكم اخواني وخواتي
ان شاء الله ارغب بالتحليق الى بلدتي الثانيه الكويت بعد اسبوع
حبيت اعرف الاجواء عندكم ؟
مبدئيا الاماكن الي ابي ازورها الحمرا مول .. اذا ما خاب ظني بمنطقة شرق
مارينا مول
مجمع 360
the gate

ممكن بعض الاماكن الجميله غير المجمعات مثل ابراج الكويت - قرية المسيلة - مدينة الكويت الترفيهيه - حديقة الشعب الترفيهيه
للعلم المرافق انا واخي وممكن في زياده شخص او شخصين بالرحله

هل هالاماكن حلوه وتستحق الزياره ؟!
ممكن تفيدوني كل هالاماكن بأي منطقه حتى تسهل عملية التنقل
تنصحوني استقل تاكسي ؟!

الاهم في الموضوع .. ابي اتواصل مع صاحب محل 21 carrots كويتي الجنسية في الحمرا مول لغرض البزنس وهذا هدف سفرتي .. اتمنى يا اخوان احد يساعدني ضروري وبأقرب وقت

بكون لكم شاكره

[AHMEDRE78]

السلام عليكم اخواني وخواتي
ان شاء الله ارغب بالتحليق الى بلدتي الثانيه الكويت بعد اسبوع
حبيت اعرف الاجواء عندكم ؟
الاجواء هاليومين حلوه وافضل وقت يكون فيه الجو حلو في هذا الوقت
بس للحين الجو مو بارد حيل يعني ملابس صيفية بس متوقع ممكن تكون امطار الاسبوع الجاي

مبدئيا الاماكن الي ابي ازورها الحمرا مول .. اذا ما خاب ظني بمنطقة شرق ( اسمه برج الحمرا لان الحمرا مول مجمع ثاني وصغير ) برج الحمرا مثل ماقلت بشرق
مارينا مول
مجمع 360
the gate

المجمعات اللي قلتها من افضل المجمعات وضيف عليهم الافنيوز

ممكن بعض الاماكن الجميله غير المجمعات مثل ابراج الكويت - قرية المسيلة - مدينة الكويت الترفيهيه - حديقة الشعب الترفيهيه
للعلم المرافق انا واخي وممكن في زياده شخص او شخصين بالرحله
ابراج الكويت مغلقة للصيانة والمسيلة حديقة مائية يمكن ماتصلح بهذا الجو بس اذا حابين تروحين الحديقة المائية روحو الاكوابارك عند الابراج افضل
وضيف على الاماكان المركز العلمي ( فيه الاكواريوم والسينما )

هل هالاماكن حلوه وتستحق الزياره ؟!
ممكن تفيدوني كل هالاماكن بأي منطقه حتى تسهل عملية التنقل
تنصحوني استقل تاكسي ؟!

افضل مكان تسكن فيه اما بنيد القار او السالمية قريبين من كل شي
اما التنقل يكون افضل لو تاجرون سيارة خاصة الكويت صغيرة وممكن تدلون كلشي بسرعه او اذا حابين التكاسي متوفرة

الاهم في الموضوع .. ابي اتواصل مع صاحب محل 21 carrots كويتي الجنسية في الحمرا مول ( قصدك برج الحمرا تاكدو ) لغرض البزنس وهذا هدف سفرتي .. اتمنى يا اخوان احد يساعدني ضروري وبأقرب وقت

بكون لكم شاكره

وحياكم الله بالكويت واذا محتاجين اي خدمة احنا حاضرين

[دار بن سعيد]

اشكر لك حسن تعاونك اخي
نعم تأكدت .. المحل يقع في برج الحمرا مثل ما تفضلت
ممكن تساعدني بالحصول ع رقم صاحب المحل بما انه من نفس جنسيتك؟؟!
فالحقيقه انا تواصلت معهم بس كلموني موظفات من الجنسسية الفلبينية وموظف لبناني بس ما افضل اتعامل ويا لبناني

[AHMEDRE78]

اشكر لك حسن تعاونك اخي
نعم تأكدت .. المحل يقع في برج الحمرا مثل ما تفضلت
ممكن تساعدني بالحصول ع رقم صاحب المحل بما انه من نفس جنسيتك؟؟!
فالحقيقه انا تواصلت معهم بس كلموني موظفات من الجنسسية الفلبينية وموظف لبناني بس ما افضل اتعامل ويا لبناني

حياكم الله انا بالخدمة
بالنسبة لصالح المحل راح اسال عنه مع اني مااعرف اي معلومه بس احاول

[AHMEDRE78]

راح ارسل اسم مالك المحل على الخاص الحين ان شاء الله

[دار بن سعيد]

اعتذر مابقدر ارد عالخاص ماوصلت 50 مشاركه

بـ انتظارك اخوي وياليت الشخص يكون خليجي
وبعد ابا اعرف هل بضاعة المحل الحلويات والخ تصنع بالكويت او خارجها ؟!

[AHMEDRE78]

اعتقد عادي تقرئين الخاص

[دار بن سعيد]

هيه قريت رسالتك
الاداره او مقرهم اكيد فيه ناس خليجيه .. وهذا المطلوب

[AHMEDRE78]

الادارة مااعرف عنهم شي بس بالويكئند راح اكون بالحمرا
ممكن امرهم واشوفهم