السلام عليكم ورحمة الله وبركاته
عند زيارتكم لجنوب افريقيا ينصح دائما بان تستأجر سيارة وذلك لتضمن توفر المواصلات في اي وقت ولتسلم المصاريف العالية في استخدام التاكسي
ولكي تستطع الحصول على سيارة عليك اولا ان تكون مؤهلا لإستئجار سيارة و عارف وملتزم بانظمة السير
اولا.. الإيجار
عند استئجار سيارة هناك العديد من الخيارات امامك من ناحية التأمين فبإمكانك استئجار سيارة بدون تأمين او بتأمين شامل (توتل كفر) او تامين غير شامل (ستاندرد كفر)
ويجب ان تحمل معك المستندات التالية
-جواز السفر
-رخصة قيادة دولية او رخصة بلدك مضاف اليها اللغة الانجليزية
- بطاقة إئتمان معتمدة
ثانيا..القيادة والانظمة
اهم شيء في القيادة هناك احترام النظام
وعشان النظام عندهم بريطاني اهم شيء عشان تتعود على القيادة في اليمين هو تقدير ابعاد السيارة بشكل سليم
كيف ؟؟؟
لان عندنا القيادة في اليسار فانت في عقلك الباطن حد السيارة الايسر قريب لانك في الطرف الايسر لكن هناك بالعكس حد السيارة الايسر بعيد وعشان تقدر تزبط المسافات وماتنحرف عن مسارك اولا لا تسرح و وركز في القيادة ثانيا حاول يكون اعتمادك في التقدير على علامة السيارة اللي في المنتصف وتكون هي نقطة الارتكاز عندك
واهم شيء هناك هو احترام المسارات يعني تمشي في المسار المحدد لك ولو كنت بتلف يسار او يمين التزم بالمسار المحدد ..... احتمال تشوف الشارع بطوله فاااااضي الا مسار واحد طوييييل وهو المتجهة مثلا لليمين من بدري امسك المسار من اوله عشان لا تسبب ربكه في المرور
بالنسبة للتقاطعات دائما الوقوف وااااااجب في اي تقاطع حتى لو كان فاضي تتاكد من المسار اللي بتدخله وتتوكل واذا كان فيه ناس دائما يكونو يمشو بنظام وترتيب
استنى دورك وغالبا يمون الترتيب من كل شارع يدخل واحد يعني واحد من هنا وواحد من هنا حتى يمشي الدور ومستحيل تشوف سيارتين يطلعون من نفس الشارع وراء بعض
الكلام هذا للتقاطعات اللي بدون اشارة
في حالة وجود اشارة دائما الشارعين اللي يمشو على طول اشاراتهم تفتح في نفس الوقت وفي حال كنت تبغى تلف يمين تمشي شوي الى وسط التقاطع حتى يفضى الشارع اللي ماشي على طول وبعدين تدخل الشارع حقك وغالبا تكون الفترة هذي في حالة كانت الاشارة الثانيه صارت صفراء ..... يعني هناك اذا صارت الاشارة صفراء الناس فعلا تستعد للوقوف مو تحاول انها تلحق الاشارة ..... في بعض الاشارات الزحمة يكون فيه اشارة محددة للي بيلف يمين ..... والدوران دائما ممنوع من الاشارة الا اذا ثبت العكس
هذي اهم انظمة المرور
بالنسبة للحوادث لا سمح الله .... ابدا ما يحتاج تستنى الشرطة اللي تسويه انك تاخذ بيانات الطرف الثاني .... رقم السيارة واسم الشخص ورقم التامين حقه .... وتتصل على شركة التاجير وتشرح لهم الوضع ...... انا اعرف واحد سوى حادث وانعدمت السيارة ماتمشي ودق على شركة التاجير وعلى طول قالوله خلاص خليك مكانك ونرسل لك ونش يسحب السيارة ونرسل لك سيارة بديلة ...... فرق في التعامل صح ...
المهم بعد كذا تروح لمركز الشرطة وتشرح لهم اللي صار وتعطيهم ارقام الاتصال وهم يخلصون الاجراءات وفي النهاية يتصلون عليك اذا في مطالبة مالية
خاتمة:
افضل شيء لمعرفة الطريق والوصف هو الاعتماد على الجي بي اس وتستطيع ان تستأجر واحد سواء من محلات ايجار السيارت زي افيز او هيرتز او من محلات فوداشوب
ورحلة موفقة لكم جميعا