السلام عليكم ورحمة الله وبركاته
ايكيا لمفروشات المنازل
يقع قرب جرير بلازا ، ، وقرب بنده ، خلف مجمع الظهران
اليو م الصبح رحنا الظهران ، قلنا نروح نشوف أيكيا ، لكن قالوا لنا اليوم بيفتح الساعه 4 مساء
فقلنا الحين احنا تعنينا مابنرجع رحنا الدمام ومرينا الخبر تقضينا ، وبعدها دخلنا بنده ، والساعه 4 ، ماشاء الله الا الناس زحمه تنتظر ، المهم دخلنا ، قلت للموظف ابغي أصور قال ممنوع ، عطاني كاتلوج وقال كل شي فيه
لكن أم فيصل قالت ماأرجع صفر اليدين لسفاري ، فالتقطت لكم كم صوره ، وأعذروني على القصور
ماشاء الله المحل منظم ،وبه أقسام متنوعه ، وجميله وأسعاره حليوه
هذي الكراسي عجبوني حق البلاي ستيشن ، أخذتهم حق اليهال
هذي صوره للمطعم ، بس في ناس ماقدرت أصور أكثر ،
أتمنى الصور تعجبكم
ودمتم بخير وسعاده